Instituti Hidrometeorologjik i Kosovës ka paralajmëruar se në dy ditët në vazhdim do të ketë mëngjes të ftohtë.
Gjithashtu, do të përcillet me ngrica dhe me mjegull.
- Reklama -
“Vendi ynë ndodhet nën ndikimin e fushave të fuqishme anticiklonike. Kjo situatë barike do të kushtëzojë mot relativisht të qetë. Mëngjesi do të jetë i ftohtë, me ngrica dhe me mjegull. Temperaturat minimale parashihen të lëvizin ndërmjet -8 deri -4 gradë Celsius, ndërsa maksimalet e ditës parashihen të lëvizin ndërmjet 2-3 gradë Celsius”, thuhet në njoftim.
Tutje, IHK-ja bën të ditur se gjatë këtyre dy ditëve, do të fryjë erë kryesisht nga drejtimi i verilindjes.
- Reklama -