Nga nesër, në Kosovë do të rikthehen reduktimet e rrymës.
Kriza e rrymës ka kapluar Kosovën, andaj që nga nesër do të ketë reduktime në të gjithë vendin, ashtu siç sot paralajmëroi KEDS.
Qytetarëve, ashtu si në të kaluarën do të duhet të gjejnë zgjidhje alternative për ngrohje, ndriçim e funksione të tjera. Në raste më të shpeshta, përdoren agregatët.
Por a e dini sa kushton një agregat në Kosovë?
Sipas faqes online për shitje e blerje në Kosovë, “merrjep”, çmimi i agregatëve në Kosovë ndryshon nga cilësia dhe fuqia e tij.
Kësisoj, një agregat të vjetër dhe më të vogël, mund ta blini për 40 euro.
Nga shpalljet e publikuara, vërehet se çmimi i disa agregatëve që megjithatë janë të vjetër shkon edhe në 150 euro.
Të tillë mund të gjeni edhe me 300 euro.
Megjithatë, për bizneset, nevoja për konsum e të cilave është më e madhe, mund të mos mjaftojnë agregatët e lartëpërmendur.
Po ashtu, këto pajisje kanë edhe kosto të furnizimit me benzinë si dhe prishjet eventuale.
