Vogëlushja, Lorena Mezaraja ka ndërruar jetë sot pasdite.
Lajmin për vdekjen e saj e ka bërë të ditur përmes facebook-ut babai i saj, Alberti.
“Pusho e qete bija ime tash jam i sigurt që nuk të dhemb askund, zoti të lindi dhe të mori, e s’kemi të drejt të kundërshtojmë këtë gjë, për gjithë këto vite isha pranë teje, qoftë edhe në gjumë por fati jot ishte kështu, të kam dashtë dhe do të dua deri në përjetësi, prehu ne paqe dhe ngushëllime gjithë familjes”, ka shkruar ai.
Lorena javë më parë kishte udhëtuar për në Turqi për transplant të veshkës, të cilën vendosi t’ia dhuron nëna.
Ajo u trajtua në QKUK në repartin Intenziv dhe duke e parë gjendjen e rënduar familja vendosi ta dërgonte për trajtim të më tutjeshëm në Turqi. Nga atje bëjnë të ditur se pritje që Lorenës t’i përmisohej gjendja dhe më pas mjekët ta bëjnë transplantin e veshkës.