Daimler dhe Mercedes-Benz do të festojnë një vit të mirë biznesi duke paguar bonuse për punonjësit gjermanë të kualifikuar.
Bordi dhe këshilli i punëtorëve të prodhuesit gjerman të veturave do të paguajnë një bonus për rreth 100 mijë punëtorë të kualifikuar në të gjithë vendin, duke shprehur mirënjohjen për punën e tyre gjatë vitit të penguar nga pandemia Covid-19, por edhe mungesa e çipave dhe vonesat e prodhimit.
Daimler ende nuk ka shpallur rezultatet financiare për vitin 2021, por thekson se ishte jashtëzakonisht i suksesshëm.
“Zhvillimi i jashtëzakonshëm i kompanisë sonë është një arritje ekipore”, deklaroi Sabine Kohleisen, anëtare e Bordit Drejtues të Daimler AG dhe Mercedes-Benz AG, menaxhere e Burimeve Njerëzore dhe drejtore e Marrëdhënieve të Punës.
“Dëshiroj të falënderoj nga zemra të gjithë kolegët e mi që kanë kontribuar në këtë arritje me përkushtimin e tyre të madh. Duke qenë se viti i kaluar nuk ka qenë i lehtë, jam i kënaqur që mund t’u paguaj punonjësve tanë një bonus”.
Daimler shpesh paguan shpërblime për punonjësit e vetë në Gjermani, por kjo shumë nuk ishte aq e madhe sa këtë vit. Për krahasim, prodhuesi gjerman i veturave u dha punonjësve një bonus për ndarjen e fitimit prej 597 euro në fillim të vitit 2020 dhe një bonus një herë deri në 500 euro.