Ditë më parë autoritetet kosovare mbyllën një ujësjellës që funksiononte me sistem të Serbisë, si dhe një e ashtuquajtur Zyrë për Sport dhe Rini në veri të Mitrovicës.
Lidhur me mbylljen e këtyre zyreve paralele serbe në veri ka reaguar amabsada e Francës në Kosovë, përmes një postimi në Facebook.
Në reagimin e saj, ambasada franceze ka theksuar se Kosova po dërgon sinjale negative për partnerët e saj.
“Veprimet e përsëritura nga autoritetet kosovare kundër strukturave të Serbisë në Kosovë që ofrojnë shërbime për komunitetin serb janë shqetësuese. Çështja e këtyre strukturave duhet të trajtohet në kuadër të dialogut të lehtësuar nga BE-ja. Këto veprime dërgojnë një sinjal negativ për partnerët e Kosovës. Franca po ndjek me kujdes ndikimin e këtyre vendimeve në jetën e përditshme të serbëve në Kosovë”, shkruan në reagim.