Burime të Sinjalit brenda Klinikës së Psikiatrisë në Prishtinë kanë konfirmuar se një pacient është larguar pa autorizim nga objekti spitalor, duke vënë në lëvizje menjëherë personelin mjekësor për ta njoftuar policinë.
Bëhet fjalë për Besfort Kollqakun, 45 vjeçar, i cili është larguar nga klinika mëngjesin e 18 majit 2025, rreth orës 11:00. Mjekët kujdestarë kanë raportuar se pacienti nuk paraqet rrezik për rrethinën dhe nuk është agresiv, megjithatë, për shkak të gjendjes së tij shëndetësore, janë të shqetësuar për sigurinë e tij.
Sipas përshkrimit të dhënë nga personeli mjekësor, Kollqaku ishte i veshur me xhaketë të zezë dhe kapele të zezë në momentin e largimit. Ai është banor i Prishtinës dhe nuk është hera e parë që largohet pa njoftim.
Autoritetet u bëjnë apel qytetarëve që nëse hasin personin me përshkrimin e mësipërm, të njoftojnë menjëherë Policinë e Kosovës./GazetaSinjali/