Në faqen e ti zyrtare, kryetari i Prizrenit, Shaqir Totaj, ka njoftuar se gjatë ditës së sotme, ka pritur në një takim shefin e Misionit të OSBE-së në Kosovë, ambasadorin z.Michael Davenport dhe bashëpunëtorët e tij.
” Në këtë takim biseduam për gjendjen në të cilën ndodhet Komuna e Prizrenit momentalisht, projektet që kemi për zhvillimin e qytetit dhe objektivat tona të qarta, si qeverisje lokale, për rritjen e transparencës, llogaridhënies dhe gjithëpërfshirjen e komuniteteve të margjinalizuara në proceset e veprimit dhe vendim-marrjes.
Ambasadorin e njoftova për planin tonë qeverisës, projektet që kemi në transformimin e të gjitha fushave në favor të interesit të përgjithshëm publik, poashtu shpreha gatishmërinë time për mbështetjen e politikave me rëndësi të veçantë si barazia gjinore, të drejtat e komuniteteve joshumicë, siguria e qytetarëve dhe fuqizimi i demokracisë në vend.”, ka shkruar kryetari Totaj.