Kryetari i Prizrenit, Shaqir Totaj, ka ngushëlluar anëtarët e familjes Shporta, pas vdekjes së familjarit të tyre, Masar Shporta.
Postimi i plotë:
Ngushëllimet më të sinqerta familjes së të ndjerit, atdhetarit prizrenas, Masar Shporta!
Veterani arsimit, Masar Shporta ka qenë ish i burgosur politik, ka luftuar për të drejtat arsimore shqiptare në Kosovë, duke ngritur zërin kundër regjimit serb, në mbrojtje të arsimit në gjuhën shqipe.
Kontributi i tij për zhvillimin e vendit, lufta e tij e vazhdueshme kundër mohimit të të drejtave të shqiptarëve të Kosovës që të arsimohen dhe gatishmëria për flijim për ideale do të mbeten në kujtesën e qytetarëve të Prizrenit përherë.
Për meritat e tij dhe kontributin për vendin ai u dekorua me medalje presidenciale nga Presidenti Hashim Thaqi në vitin 2018.
I qoftë i lehtë dheu i Kosovës, për të cilën dha shumë!