Kryeministri i Kosovës, Albin Kurti, ka ripërsëritur thirrjen e tij ndaj Serbisë që t’i hapë arkivat shtetërore.
Në Konferencën e Sigurisë në Mynih, Kurti ka thënë se krimet e luftës të kryera nga Serbia në Kosovë, ishin krime shtetërore.
- Reklama -
“E kaluara nuk ka kaluar ende pasi krimet e luftës dhe gjenocidi janë ende të mohuara. Në panelin #MSC2022 : ‘Të humbur në tranzicion: sfidat dhe perspektivat e llogaridhënies dhe drejtësisë tranzicionale’ i bëra thirrje Serbisë që të hapë arkivat shtetërore sepse krimet e kryera në Kosovë ishin krime shtetërore”, ka shkruar ai në Twitter.
- Reklama -