Një 50-vjeçar nga Kosova, me qëndrim në Austri akuzohej se ka rrahur, torturuar dhe burgosur prej vitesh familjarët e tij. Seanca kundër tij u ndërpre dje
Një burrë 50-vjeçar me shtetësi kosovare është dashur të dalë dje para Gjykatës së Landit në Ried për veprën penale të dhunës së ushtruar në vazhdimësi, transmeton albinfo.at.
Seanca ishte caktuar të zgjaste deri në orën 17:00, por pas pushimit të drekës pak para orës 14:00, i akuzuari papritur ra ngadalë nga karrigia. Shërbimi i shpëtimit është kujdesur për të dhe e ka çuar në spital për sqarim, shkruan nachrichten.at.
Procesi pritet të vazhdojë të premten e ardhshme.
Pretendimet e prokurorit publik Alois Ebner ndaj të akuzuarit janë serioze.
“I akuzuari mund të quhet padyshim një tiran i familjes. Përgjatë viteve, ai ka rrahur vazhdimisht gruan, tri vajzat dhe djalin e tij, ka fyer, kërcënuar me vdekje, torturuar, burgosur dhe detyruar” thotë Ebner.
“Ka pasur sulme të dhunshme. me shufra hekuri dhe kaçavida. I akuzuari me dhunën e tij ka shënuar jetën familjare për rreth 15 vjet”, ka shtuar Ebner.
Tri nga viktimat kanë denoncuar së bashku
Fëmijët tani janë nga 16 deri në 22 vjeç: dy vajza dhe djali kanë denoncuar babanë. Sipas raportit të psikiatres Adelheid Kastner, tirani i familjes është i përgjegjshëm penalisht, por ka një çrregullim të thellë personaliteti.
Për këtë arsye, zyra e prokurorit publik Rieder ka urdhëruar vendosjen e tij në një institucion për shkelësit me çrregullime mendore, përcjell albinfo.at.
Dënimi për një vepër penale si kjo, sipas StGB 107 (dhuna e vazhdueshme në familje) është deri në 15 vjet burg