Komuna e Suharekës ka vazhduar përkrahjen e saj për Shkollën Verore Ndërkombëtare të Universitetit “Ukshin Hoti” Prizren, duke ofruar mbështetje financiare për edicionin e katërt të këtij programi arsimor me rëndësi ndërkombëtare.
Kryetari i Komunës së Suharekës, z. Bali Muharremaj, me këtë rast ka theksuar se mbështetja e arsimit dhe e projekteve ndërkombëtare është pjesë e vizionit për zhvillim të qëndrueshëm dhe investim në të ardhmen e gjeneratave të reja.
Kurse, Rektori i Universitetit të Prizrenit, Prof. Asoc. Dr. Mentor Alishani, ka shprehur mirënjohje për mbështetjen e pandërprerë nga Komuna e Suharekës.
Shkolla Verore mbledh studentë dhe ligjërues nga vende të ndryshme të botës për ligjërata, punëtori dhe aktivitete kulturore, duke krijuar një mjedis të pasur për mësim dhe bashkëpunim.
Përndryshe, Shkolla Verore Ndërkombëtare e Universitetit të Prizrenit vazhdon të forcojë pozicionin e saj si një ngjarje e rëndësishme akademike në rajon, duke ofruar mundësi të reja për të rinjtë në një mjedis ndërdisiplinor dhe ndërkombëtar.