Skuadra më e re futbollistike në Prizren FC ” Prizreni”, e cila vetëm pas një viti funksionimi, ia ka dalur të ngjitet në një rang më të lartë garash, vijon të përkujdeset që lojtarët e saj kryesor t’i mbajë në skuadër. Gjatë ditës së sotme, ka vazhduar kontratën me kapitenin e skuadrës, Alban Hamzaj, i cili është ndër shtyllat kryesore të skuadrës dhe tejet motivues për shokët e skuadrës. Lajmin për vazhdimin e kontratës e kanë bërë drejtuesit e skuadrës prizrenase në faqen e tyre zyrtare në rrjete sociale.
” Klub i futbollit FC Prizreni, njofton se kapiteni i ekipit edhe zyrtarisht vazhdon bashkëpunimin me klubin tonë!
Alban Hamzaj, ka vazhduar kontratën gjatë ditës së sotme me klubin,duke u bërë kështu futbollisti i parë që i beson njē projekti të ri me ide të qarta dhe afatgjate.
“Shpresoj të jap më të miren për klubin, i cili ështe një klub i ri dhe shumë mirë i organizuar me një të ardhme të ndritur. Në klub janë të kyçur lojtar të rinj dhe me perspektivë,ndërsa vlenë të përmendet se në klub mbizotëron një atmosferë fantastike si në stërvitje, ndeshje kampionale por edhe gjatë kohës së lirë sa jemi bashkë, që janë çelësi i sukseseve. Shpresoj të dalim përsëri kampion edhe sezonin e radhës dhe të vazhdojme drejt një qëllimi”, ka thënë pas nënshkrimit të kontratës së re kapiteni, Hamzaj.
