Në organizmin tonë ndihmon shumë edhe vaji i peshkut, i cili është një produkt ushqimor që kuron disa nga sëmundjet, të cilat jo rrallë herë sjellin edhe vdekjen. Vetitë e tij është shumë e vështirë t’i gjesh në produkte të tjera ushqimore.
Acidet yndyrore Omega -3 që ndodhen në vaj, të cilat ndihmojnë në parandalimin e sëmundjeve të zemrës duke ulur rrezikun e forcimit të enëve të gjakut dhe nivelin e triglicerideve.
Vaji i peshkut minimizon infeksionin e kyçeve dhe degjenerimin makular ( sëmundje e syve). Është shumë i dobishëm sepse ekuilibron acidin yndyror omega -3 me atë omega-6.
Kapsulat e vajit të peshkut nuk përmbajnë sodium. Ai është një produkt i sigurt për të gjithë përfshirë këtu dhe gratë shtatzëna, duke i mbajtur sa më larg sëmundjes së Alzheimerit dhe depresionit.
Vaji i peshkut është një produkt i cili ka një rol të rëndësishëm në mbarëvajtjen e shëndetit të organizmi tonë. Por, së fundi një shqyrtim i hulumtimeve sugjeron se vaji i peshkut mund të mbroj edhe ndaj një vrasësi tjetër: kanceri i gjirit. Studiuesit Kinez kanë shikuar në mbi 21 studime dhe kanë gjetur se një përdorim i lartë i vajit të peshkut, jo domosdoshmërisht vet peshku, dukej se ishte i lidhur me rrezik më të ulët të kancerit të gjirit më vonë gjatë jetës. Në mënyrë specifike ata zbuluar se konsumi i lartë i acideve yndyrore që gjenden në vaj peshku ishte i lidhur (asociuar) me 14 përqind zvogëlim të rrezikut të kancerit të gjirit tek gratë post-menopauze.
Suplementët Omega – 3 (që gjendet në vajin e peshkut) mund të ndihmojnë duhanpirësit që të heqin dorë nga ky ves.Sipas shkencëtarëve të Universitetit të Haifas në Izrael, ky acid yndyror ul nevojën për nikotinë.
Duhanpirësit të cilëve iu dha çdo ditë kapsula omega – 3 përgjatë 1 muaji, ulën dozën e konsumit të duhanit me 11 përqind. Pirja e duhanit ul nivelin e acideve yndyrore në tru, esenciale sidomos atë të omega – 3. Mungesa e omega – 3 dëmton strukturën qelizave nervore dhe ndërpret komunikimin midis nervave në disa pjesë të trurit ku bëjnë pjesë ndjesia e kënaqësisë dhe sadisfaksionit.
Sipas shkencëtarëve këto pjesë të trurit janë esenciale në vendimmarrje dhe shumtë të rëndësishme sa i përket varësisë, ndaj mungesa e Omega – 3 bën që trupi ta ketë të vështirë që t’i rezistojë dëshirës për një tjetër cigare.