Një person është arrestuar pasditen e së premtes në Prishtinë, pasi i njëjti dyshohet se ia mori paratë një personi për t’ia dërguar në Francë, por nuk e bëri.
Sipas raportit të Policisë së Kosovës, rasti kishte ndodhur në gusht të këtij viti.
Siç thuhet në raport, paratë nuk janë dërguar sipas marrëveshjes tek viktima, por janë keqpërdorur nga i dyshuari.
“Prishtinë 16.08.2021 Me 22.10.2021- 15:30 është arrestuar një i dyshuar mashkull kosovar nën dyshuarin se ka kryer veprën e lartcekur duke keqpërdorë besimin ndaj viktimës mashkull kosovar, me qëllim të përfitimit personal i ka marrë një shumë të konsiderueshme parash nga viktima për t’i dërguar në Francë përmes këmbimores së tij. Të njëjtat para nuk janë dërguar tek viktima, por janë keqpërdorë nga i dyshuari. Me urdhër të prokurorit i dyshuari është dërguar në mbajtje”, thuhet në komunikatë. /Telegrafi