Shoqata e Kosovës për Kërkim dhe Shpëtim ka përfunduar me sukses një operacion shpëtimi, duke evakuuar një shtetas të huaj që kishte nevojë për ndihmë.
Sipas njoftimit, në këtë mision kanë marrë pjesë edhe zjarrfikësit e Prizrenit dhe punonjës të pylltarisë, të cilët kanë bashkëpunuar për të lokalizuar dhe evakuuar personin e lënduar.
“Operacion me sukses. Pas një operacioni të shpëtimit, në bashkëpunim me Zjarrfikësit e Prizrenit dhe punonjësit e pylltarisë, kemi arritur të lokalizojmë dhe evakuojmë me sukses shtetasit e huaj të lënduar,” thuhet në komunikatën e publikuar nga shoqata.
Më pas ai është dërguar për tretman mjekësor në Prizren.
Shoqata ka shpërndarë edhe fotografi nga vendngjarja, ku shihet shtetasi i huaj gjatë evakuimit.
Detaje të tjera mbi identitetin apo gjendjen shëndetësore të tij nuk janë bërë të ditura.