Ministrja e Punëve të Jashtme, Donika Gërvalla – Schëarz, gjatë qëndrimit në Neë York, ka takuar homologun e saj kroat, Gordan Grlić Radman.
Në një postim në Facebook, Gërvalla bën të ditur se gjatë takimit me ministrin e Jashtëm të Kroacisë, folën për thellimin e bashkëpunimit mes dy vendeve, duke filluar nga njohja e ndërsjellë e patentë-shoferëve, deri te bashkëpunimi në fushën e shëndetësisë, arsimit dhe mbrojtjes civile.
Ajo gjithashtu ka theksuar se Kosova mbetet përherë mirënjohëse për mbështetjen e Kroacisë në fazat e shtetndërtimit.
“Kroacia ka qenë gjithmonë shtet mik dhe partner i Kosovës, me mbështetje të çmuar në të gjitha fazat e shtetndërtimit tonë. Për këtë mbështetje, Kosova mbetet përherë mirënjohëse. Në takimin me Ministrin e Jashtëm të Kroacisë, z. Gordan Grlić Radman, në Nju Jork folëm për hapat e ardhshëm për thellimin e bashkëpunimit mes vendeve tona. Prioritet mbetet përfundimi i marrëveshjeve dypalëshe në proces, nga njohja e ndërsjellë e patentë-shoferëve, deri te bashkëpunimi në fushën e shëndetësisë, arsimit dhe mbrojtjes civile. Biseduam gjithashtu për nxitjen e investimeve dhe krijimin e një Komisioni të përbashkët për tregti dhe ekonomi, me qëllim që miqësia jonë të reflektohet edhe në zhvillim konkret për qytetarët. Forcimi i demokracisë kalon përmes përfshirjes së të rinjve. Kosova dhe Kroacia janë të vendosura t’i japin brezit të ri hapësirën që meriton, sepse nga ta varet e ardhmja e shoqërive tona”, shkruan Gërvalla.