Një autobus i kompanis Shero Tours nga Kosova, i cili po kthehej nga Turqia për në Kosovë, është aksidentuar në orën 04.30 të mëngjesit në vendin Kyustendill të Bullgarisë. Për fat të mirë, 29 pasagjerë që ndodheshin në autobus, gjashtë prej të cilëve janë fëmijë, kanë shpëtuar pa lëndime, përveç shoferit të autobusit i cili ka marrë lëndime të lehta.
Front Online ka kontaktuar me kompaninë “Shero Tours” dhe të njëjtit e kanë konfirmuar se mëngjesin e sotëm ka ndodhur aksidenti, por fatmirësisht pa të lënduar nga pasagjerët. Sipas një zyrtari nga kjo kompani, i cili nuk u prezantua me emër, autobusi po kthehej nga Turqia derisa është përplasur me një kamion që po barte drurë.
Lëndime të lehta ka marrë shoferi i autobusit. “Unë tani jam duke shkuar në vend të ngjarjes. Fatmirësisht nuk ka të lënduar, lëndime të lehta ka marrë vetëm shoferi i autobusit. Autobusi po kthehej nga Turqia për në Kosovë”, ka thënë zyrtari i kompanisë “Shero Tours” për Front Online.