Klubi i Shahut ” Sharri” nga Dragashi, për herë të parë pas themelimit ka organizuar turneun e shahut në nivel republikan me rastin e festave të nëntorit. Pjesë e këtij turneu i cili u organizua sipas sistemit zviceran ku u luajtën nëntë xhiro, ishin të pranishëm dhjetëra shahistë të klubeve kosovare.
Gjithashtu në këtë ngjarje e cila pritet të jetë tradicionale në të ardhmen nga organizatorët, ishin të pranishëm edhe zyrtarë të Federatës së Shahut të Kosovës, të cilët premtuan mbështetje për këtë turne.
Fitues i edicionit të parë të këtij turneu, u shpall Endrit Uruçi nga KSH ” Drenasi”, i cili pas vetes la, Korab Saraçin, Sabri Halitin, Osman Uruçin dhe Albert Zenunin. Për më të mirët, organizatorët dhuruan shpërblime përfshirë edhe shahistin e KSH ” Sharri” Inan Mahmuti” dhe garuesin më të ri premtues, Valentin Uruçi./tvprizreni.net/