Flamur Bytyçi, djali i veprimtarit dhe ish-kryetarit të Suharekës, Ukë Bytyçi i vrarë në tetor të vitit 2002, ka arritur të bëhet asamblist në Kuvendin Komunal të Suharekës.
Këtë e ka bërë të ditur Bytyçi nëpërmjet një postimi në Facebook, ku i ka falënderuar të gjithë për përkrahjen.
- Reklama -
“KQZ-ja i zyrtarizoi rezultatet. E zyrtarizoi besimin tuaj ndaj meje, për të cilin u jam mirënjohës përherë!
Ju betohem se besimin tuaj do ta përkthej në punë, me përkushtim e faqe të bardhë si dhe me vendosmëri e dinjitet.
Ashtu si dje e sot, ashtu dhe nesër e përjetë e mot; FALEMINDERIT që më keni dhënë mundësinë të jem në shërbimin tuaj”, ka shkruar Bytyçi.
- Reklama -