Fabio Capello është i befasuar nga paraqitja e Chelsea ndaj Real Madrid, ndërsa e vlerësoi Karim Benzeman për golin e shkëlqyeshëm.
Real Madrid luajti baras 1-1 me Chelsean në Valdebebas në ndeshjen e parë të gjysmëfinaleve të Ligës së Kampionëve.
“Chelsea kurrë nuk është përpjekur të gjejë hapësira në mes. Përveç pritjes së [Thibaut] Courtois në [Timo] Werner, portierët nuk bënë asnjë pritje fare. Real Madrid luajti në kundërsulm, unë prisja që Chelsea ta bënte këtë”.
“Pjesa e parë ishte argëtuese. Pjesa e dytë ishte ndryshe”, ka thënë Capello për Sky Sport Italia.
Karim Benzema barazoi rezultatin, ndërsa me lojën e tij është befasuar shumë Capello.
“Unë mendoj se ai është midis tre sulmuesve më të mirë në botë tani, pas [Robert] Lewandowski dhe [Harry] Kane. [Erling] Haaland është e ardhmja”.
“Benzema bëri dy gjëra të mëdha sonte, njëri është goli. Ai është një pikë referimi e shkëlqyeshëm për Real Madrid. Ai vrapoi edhe për Casemiron”.
“Unë kurrë nuk e kam parë atë aq të fortë sa është sot”, deklaroi Capello. /Telegrafi/