Ministri i Shëndetësisë Armend Zemaj, është shprehur mirënjohës ndaj shtetit të Austrisë, për kontributin në dërgimin për trajtim në Graz, të dy qytetarëve të lënduar nga shpërthimi në Ferizaj.

Zemaj falënderon ambasadorin austriak në Kosovë, dhe atë kosovar në Austri, të cilat sipas tij mundësuan dërgesën e tyre.

”Sot, dy qytetarët e lënduar në Ferizaj, u nisën për trajtim mjekësor, për Graz të Austrisë, falë përkrahjes dhe mbështetjes së këtij shteti mik.

E falënderoj ambasadorin austriak në Kosovë dhe ambasadorin e Kosovës në Austri, të cilët me përkushtim të madh, kanë kontribuar që të gjendet mundësia dhe përkrahja që sa më parë të nisen dy qytetarët e lënduar për trajtim.

Situata në të cilën ndodhet tërë bota, shkaku i pandemisë, është tepër e rëndë. Shtretërit e lirë dhe emergjencat tjera, janë të stërngarkuara nga pacientët, në tërë botën. Ishte shumë e vështirë të gjenden shtete që do të mund të hapnin dyert dhe të merrnin për trajtim dy pacientët tanë.

I falënderoj të gjitha familjet për mirëkuptim dhe bashkëpunim. Përkushtimi ynë për çdo pacientë do të vazhdojë!”.

Rënia ishte më qartë e dukshme në rrugën lindore të Mesdheut për në Greqi. Kjo rrugë ka regjistruar 76 për qind më pak kalime të paligjshme të kufirit

Numri i kalimeve të paligjshme të kufirit në Bashkimin Evropian ka rënë në vitin 2020 në nivelin më të ulët që nga viti 2013. Siç ka njoftuar të premten agjencia e mbrojtjes së kufijve të BE, Frontex, vitin e kaluar janë regjistruar rreth 124,000 hyrje të paautorizuara nëpër kufijtë e jashtëm të BE, shkruajnë agjencitë e lajmeve DPA dhe SDA.

Kjo rënie prej 13 për qind në krahasim me vitin e kaluar ka të bëjë me kufizimet e udhëtimit, të vendosura për shkak të pandemisë së koronës, janë shprehur autoritetet e Frontex-it, me seli në Varshavë.

Rënia ishte më qartë e dukshme në rrugën lindore të Mesdheut për në Greqi, transmeton albinfo.ch. Kjo rrugë ka regjistruar 76 për qind më pak kalime të paligjshme të kufirit, përkatësisht rreth 20,000 sosh.

Rruga perëndimore e Mesdheut midis Afrikës së Veriut dhe Spanjës është përdorur për rreth 17,000 kalime të paligjshme të regjistruara kufitare, që korrespondon me një rënie prej gati 30 për qind.

Në të kundërt është rritur për më shumë se dyfish numri i kalimeve të paligjshme të kufirit në rrugën mesdhetare qendrore për në Itali dhe Maltë, ku u kapën 35,500 njerëz. Ndërsa 27,000 njerëz që kanë kaluar në rrugën e Ballkanit Perëndimor janë pothuajse 80 për qind më shumë se në vitin e kaluar.

Frontex ka regjistruar një rritje të tetëfishtë vitin e kaluar në Ishujt Kanarie, të cilat i përkasin Spanjës. Me 22,600, numri atje u ngjit në vlerën më të lartë që nga fillimi i regjistrimeve, në 2009, përcjell albinfo.ch. “Trafikantët shpesh kanë përdorur anije të mëdha peshkimi që të mund të transportonin një numër të madh njerëzish nga vendet e Afrikës Perëndimore si Mauritania, Senegali dhe Gambia”, thuhet në njoftimin e Frontex-it.

Siria mbetet në krye midis vendeve të origjinës së migrantëve, e ndjekur nga Tunizia, Algjeria dhe Maroku. Sipas Frontex-it, përqindja e burrave midis migrantëve që u përpoqën të shkonin në Evropë është rritur, transmeton albinfo.ch. Përqindja e grave ka rënë nga 25 në më pak se dhjetë për qind në vitin 2020. Përpjesa e fëmijëve gjithashtu ka rënë.

Në tri ditët e para të janarit udhëtuan 17.901 mërgimtarë, nga Kosova, në vendet e BE-së
Viti 2021 ka nisur me fluturime të shumta drejt shteteve evropiane nga Aeroporti Ndërkombëtar “Adem Jashari”,

Më 1, 2 dhe 3 janar 2021,agjensione të ndryshme  në Aeroportin e Prishtinës, ka pasur 107 fluturime (shkaurje) dhe 17.901 udhëtarë (shkuarje), tregojnë për Albinfon.Ch, zyrtarët nga aeroporti.

Pra, numri i madh i mërgimtarëve që po kthehen nga Kosova në vendet e BE-së, erdhi për shkak të numrit të madh të ardhjeve gjatë muajit dhjetor, ku 127.879 pasagjerë kishin ardhur në Kosovë, vetëm gjatë muajit dhjetor, shkruan tutje.

Nga ana tjetër, 1.104.322 udhëtarë gjithsej kanë lëvizur përmes aeroportit në vitin 2020, ndërsa sa u përket fluturimeve, gjithsej ka pasur 9.206 fluturime, gjatë tërë vitit 2020. Mirpo shumë agjensione të ndryshme  me autobus, me linjat e tyre të rregullta të udhëtimit kanë vazhduar pandërprer me udhëtarë  nëpër shtetet e ndryshme europiane  duke i rrespektuar edhe masat antiCovid-19,shkruan albinfo.ch.

Rreth dy orë kanë pritur qytetarë për të dalë nga Kosova në kufirin në Merdarë.

Ministria e Punëve të Brendshme e Kosovës ka publikuar të dhënat nga pikat e kalimit kufitar. Sipas këtyre të dhënave, fluksi më i madh është në Merdarë, ndërkaq pasohet nga pika në Dheun e Bardhë.

Në Dheun e Bardhë pritjet janë deri në një orë.

Festat e fundvitit ka bërë që në Kosovë të ketë fluks mërgimtarësh. Ishte raportuar se edhe para festave, në hyrje të kufirit ishin shkaktuar pritje disa orëshe.

Pritje më shumë se një vit për të marrë një orar për vizë në ambasadat gjermane në Shqipëri, Serbi e vende të tjera.Pritjet e gjata për të marrë një orar në ambasadën gjermane me qëllim aplikimi për marrjen e vizës bashkimin familjar trajtohen nga mediat gjermane pas një kërkese të partisë E Majta në Ministrinë e Jashtme në Berlin.

Agjencia e lajmeve, afp thekson, se në ambasadat gjermane në Shqipëri, Serbi, Pakistan dhe Marok njerëzit presin më shumë se një vit vetem për të marrë një orar për vizë. Po kjo vlen edhe për afganët dhe njerëzit në Indi që kërkojnë bashkimin familjar. Të dhënat vijnë nga përgjigjja e Ministrisë së Jashtme në Berlin pas kërkesës së grupit parlamentar E Majta në Bundestag, njofton edhe grupi mediatik Funke Mediengruppe.

Për t’u bashkuar me familjen në Gjermani, të huajt duhet të aplikojnë për një vizë në vendin e tyre. Kjo vlen si për prindërit e refugjatëve minorenë dhe partnerin apo partneren e një refugjati që ka ndërkohë një leje qëndrimi në Gjermani. Edhe të huajt që duan të bashkohen me partnerin apo partneren gjermane kanë nevojë për një vizë nga ambasada në vendin origjinë.

Ministria e Jashtme e Gjermanisë e shpjegon këtë “kohë pjesërisht shumë të gjatë” me kufizimet për shkak të pandemisë së Coronës. Shpërthimi i pandemisë e ka kufizuar „për fat të keq aftësinë punuese të sektorëve të vizave”, thuhet. „Disa sektorë vizash duhej madje të mbylleshin për një kohë më të gjatë, mes tyre ambasadat në Teheran, Kiev, Kajro, Islamabad dhe Manila.

”Partia opozitare E Majta e ka kritikuar mënyrën veprimit të qeverisë gjermane për dhënien e orareve për viza për bashkimin familjar. Koha e pritjes është „në mënyrë të padurueshme e gjatë, në disa vende thjesht e papranueshme”, thotë deputetja e majtë, Gökay Akbulut.

Që para pandemisë koha e pritjes ishte disa mujore. “Sipas meje është një trajtim i pabarabartë i padurueshëm, nëse në dhënien e oraveve për forcat e kualifikuara ka një kufizim ligjor me tre javë, familjarët më të afërt shpesh duhet të presin një gjysmë vit apo një vit vetëm për të aplikuar për kërkesën e bashkimit familjar”, tha Akbulut, sipas afp, transmeton DW.

Ky është rrëfimi i Dr Xhevat Elezkurtaj me rastin e arrestimit të tij në ngjarjen e 35 viteve më parë, raporton TV Prizreni.

Kalendari i jetës sime!

Nuk jam i prirur të shkruaj për veten time, por, nuk mund të harroj asnjëherë në jetën time datën 9 janar të vitit 1986 kur forca të shumta të policisë serbosllave, më arrestuan pas një bastisjeje 4 orëshe në shtëpinë time.

Pas një periudhe 4 mujore të hetimeve ç’njerëzore, dënohem me burg efektiv prej 3 vitesh të cilat i mbajë në burgun e Sarajevës dhe të Foçës në Republiken ish jugosllave të Bosnje dhe Hercegovinës.

Në burgun famëkeq të Foçës, pata nderin të shoqërohem me shumë të burgosur politik nga Kosova si: Fadil Lepaja, Naim Maloku, Shefqet Jashari, Fadil Demiri, Rrahman Dini, Ibush Vishi,Rrahimin,Abdushin,Lutollini etj.

Por, nuk harrohet shoqërimi ynë me presidentin e ndjerë tashmë të shtetit të Bosnjë Hercegovinës, Alija Izetbegoviq, atëbotë gjithashtu i burgosur politik, i cili kishte qëndrim ekselent ndaj të burgosurve shqiptarë.