Gjermania ka regjistruar gati 15,000 raste të reja të Covid-19 gjate diteve të fundit.

Pamja e shifrave të fundit është më e larta që nga fillimi i pandemisë.

Sipas të dhënave të raportuara nga Robert Koch-Institut, 14,964 infeksione dhe 85 vdekje janë konfirmuar në vend në 24 orët e fundit, për një numër total prej 449,275 rastesh dhe 10,098 viktima.
Këto të dhëna po e cojnë kancelaren Merkel gjithnjë e më shumë drejt një izolimi të butë .

Masat mund të hyjnë në fuqi që nga 4 nëntori dhe do të jenë të vlefshme për të gjithë muajin.

Vendimi do të merret këtë të mërkurë pas takimit të Merkel me guvernatoret e landeve.

Gazeta Bild bën të ditur se kancelarja pritet të vendose mbylljen e mundshme të bareve, restoranteve, qëndra sportive, teatre, kinemave etj.

Ndërkohë do të vazhdojë të mbeten hapur shkollat.

Presidenti i Shteteve të Bashkuara, Donald Trump, i ka vazhduar tubimet zgjedhore para zgjedhjeve presidenciale. Mbrëmjen e kaluar, ai ishte në Nebraska dhe gjatë fjalimit nuk harroi që përsëri të mburrej me marrëveshjen e nënshkruar në Uashington në shtator mes Kosovës dhe Serbisë, duke thënë se i kanë ndaluar 400 vjet vrasje mes tyre.

“A e dini se jam nominuar për tri Çmime Nobel për Paqe, a mund ta besoni këtë? A mund ta besoni këtë”, tha ai para përkrahësve, para se ata të shpërthenin në brohoritje.

“…dhe për rajone të ndryshme, si mes Kosovës dhe Serbisë, jemi duke bërë marrëveshje, e dini, marrëveshje tregtare. Unë thashë: Pritni një minutë, a nuk e luftojnë ata njëra-tjetrën gjithmonë? Po. Për shumë dekada. Si e dite? Unë thashë: E di, ata e luftojnë njëri-tjetrin tërë kohën”, shtoi kreu i Shtëpisë së Bardhë.

Më pas, ai tha: “Tregojuni se ne nuk do të bëjmë kurrfarë biznesi me ta – ata e duan biznesin tonë, apo jo – nuk do të bëjmë kurrfarë biznesi pa bërë marrëveshje që ata të ndalen së vrari njëri-tjetrin dhe e dini çka? Zgjati rreth 20 minuta”, tha presidenti amerikan.

“Ata kanë luftuar për 40 vjet. Unë mendoj se ata kanë luftuar për 400 vjet, a doni ta dini, por ata kanë qenë duke luftuar për një kohë të gjatë. Ata duan të bëjnë një marrëveshje. Krejt papritmas, dy muaj më parë, ata ishin në Zyrën Ovale, duke u përqafuar e duke u puthur, ishte e lehte”, deklaroi në fund Trumpi.

Kancelarja gjermane, Angela Merkel, dëshiron që kryeministrat e shtetit sot të bien dakord që të mbyllin të gjitha restorantet dhe baret nga 4 nëntori – gjithë kjo në përpjekje për të frenuar infeksionet me COVID-19

Por nga këto masa do të mbesin të hapura shkollat dhe çerdhet, shkruan Reuters, transmeton Klan Kosova

Sipas kufizimeve të reja, njerëzit do të dalin në publik vetëm me anëtarët e familjes së tyre, thuhet në draft-rezolutën.

Kancelarja tha se një rritje shumë e lartë e infeksioneve në pothuajse të gjitha rajonet e Gjermanisë do të thotë që shumë autoritete lokale shëndetësore nuk mund të gjurmonin të gjitha infeksionet, kështu që ishte e nevojshme të zvogëlohej ndjeshëm kontakti midis njerëzve.

Nëse 16 liderët shtetëror të Gjermanisë bien dakord për draftin gjatë një konference virtuale sot gjatë ditës, fitneset, diskotekat dhe kinematë do të mbyllen së bashku me teatrot dhe vendet e koncerteve.

Dyqanet do të lejohen të qëndrojnë të hapura nëse zbatojnë masa higjienike dhe kufizojnë numrin e klientëve, ndërsa restorantet do të lejohen vetëm shërbimet take away.

Gjermania po përballet me një rritje më të shpejtë të rasteve pozitive me COVID-19, me të dhënat e fundit nga e marta që tregojnë rastet e rritura me 11,409 në 449,275.

Qeveria deri më tani ka shmangur një bllokim të dytë kombëtar pasi një mbyllje në fillim të këtij viti goditi ashpër rritjen ekonomike.

Por Merkel paralajmëroi të martën se sistemi shëndetësor i Gjermanisë mund të arrijë pikën e thyerjes nëse infeksionet e koronavirusit vazhdojnë të rriten.

Teksa ministri i Ekonomisë, Peter Altmaier tha se Gjermania mund të arrijë 20,000 infeksione të reja në ditë deri në fund të javës.

“Ne jemi në një situatë shumë të vështirë në pandemi – numrat e infeksionit po shpërthejnë dhe kjo po kërcënon kapacitetin e sistemit shëndetësor dhe për këtë arsye jetën e njerëzve kështu që politikanët duhet të veprojnë”, tha Altmaier

Drafti thotë që qeveria federale dëshironte të siguron ndihmë financiare për firmat e prekura nga mbylljet.

Nëse bihen dakord, masat do të zbatohen në të gjithë vendin deri në fund të nëntorit, me udhëheqësit që takohen dy javë pas zbatimit për t’u këshilluar nëse rregullimet janë të nevojshme.