Kryeministri në detyrë, Avdullah Hoti përmes një postimi ka treguar se Qeveria ka miratuar Programin për Rimëkëbje Ekonomike për vitin 2021 prej 222 milionë e 400 mijë euro.Hoti u shpreh se në këtë program janë të përfshira vazhdimi i shtesave në Shëndetësi, Polici dhe dyfishimi i Asistencës Sociale.

Postimi i plotë:

Qeveria ka miratuar Programin për Rimëkëmbje Ekonomike për vitin 2021, në vlerë prej dyqindtë e njëzetë e dy milionë e katërqind mijë euro (222,400,000.00)

Në kuadër të këtyre masave, midis tjerash përfshihen:
– 6.5 milion euro për të Vetë Punësuarit
– Vazhdimi i Shtesave në Shëndetësi
– Vazhdimi i Shtesave në Polici
– Dyfishimi i Asistencës Sociale
– Rritja e Pensioneve për 30 euro, për të gjithë pensionistë që marrin më pak se 100 euro

Një polic është sulmuar fizikisht nga dy persona, në një lokal në rrugën “B” në Prishtinë.Kjo pasi që policia dhe inspektorët sanitarë kishin shkuar për të inspektuar masat anti-COVID.Rr. B, Prishtinë 15.01.2021 – 22:15-22:56.

Pas pranimit të informatës për mos respektimi të vendimit të qeverisë për respektimin e masave anti Covid 19 njësitë policore së bashku me inspektorët sanitarë kanë dalë në atë lokacion ku brenda në restorant kanë hasur një numër të konsiderueshëm të qytetarëve.

Dy të dyshuarit meshkuj kosovarë kanë sulmuar fizikisht njërin nga zyrtarët policor i cili më pas ka pranuar tretman mjekësor. Të dyshuarit janë shoqëruar në stacionin policor dhe pas intervistimit në konsultim me prokurorin e shtetit janë liruar në procedurë të rregullt.

Sot është data e fundit kur subjektet politike mund të dërgojnë në KQZ emrat e kandidatëve për deputetë, raporton Gazeta Blic.Por një dilemë dhe paqartësi e madhe mbetet me emrin e kryetarit të LVV-së, Albin Kurti, pasi të njëjtit sipas vendimit të Gjykatës Kushtetuese nuk i lejohet kandidimi për deputet për shkak të dënimit të tij.E njohësi i çështjeve juridike, Ehat Miftaraj, ka thënë për “Gazeta Blic” se duke parë vendimin e Gjykatës Kushtetuese, as KQZ-ja nuk pritet ta çertifikojë emrin e tij .

“Me vetë faktin që Gjykata Kushtetuese ka kufizuar një të drejtë të garantuar me Kushtetutë, si e drejta për tu zgjedhur duke ndërtuar nje standard të ri, KQZ në bazë të interpretimit të vendimit të Kushtetuesës nuk mund të pritet që të çertifikoj kandidaturat e personave të denuar në tre vitet e fundit. Edhe pse një konkludim i tillë nuk mundet të mirret si i mirë kur dihet se 11 anëtarë të KQZ do të vendosin lidhur me këtë çështje”Tutje Miftaraj thekson se Kurti, në rast se nuk çertifkohet nga KQZ-ja, mund të ndjekë rrugët ligjore duke iu drejtuar sërish Gjykatës Kushtetuese për të sqaruar vendimin e saj.“Sidoqoftë, e drejta në ankesë ndaj vendimeve të KQZ është e garantuar, që nënkupton se z. Kurti dhe të tjeret duhet që përmes rrugëve ligjore dhe institucionale të sfidojnë KQZ, PZAP dhe Gjykatën Supreme duke shfrytëzuar të drejtën ti drejtohen edhe një herë Gjykatës Kushtetuese per të sqaruar vendimin e saj, kuptohet duke shtjerr të gjitha mjetet juridike në dispozicion. Në anën tjetër, duke marr per bazë kohën e shkurtë kohore deri në ditën e zgjedhjeve me 14 shkurt 2021, duhet pritur që KQZ, PZAP, Gjykata Supreme dhe Gjykata Kushtetuese ti trajtojnë ankesat brenda afateve ligjore” tha Miftaraj për Gazeta Blic.

Pas vendimit të Gjykatës Kushtetuse për votën e deputetit Etem Arifi, qeveria Hoti ra nga pushteti.Disa ditë më vonë UD. e detyrës së Presidentit, Vjosa Osmani shpërndau parlamentin duke shpallur 14 shkurtin si datë për mbajtjen e zgjedhjeve të përgjithshme.Tash e sa ditë subjektet politike kanë filluar fushatën elektorale, kanë shpallë disa nga kandidatët për deputetë dhe bërë publike aderimet e reja.Ndërkohë para fillimit zyrtar të fushatës u finalizuar edhe marrëveshje ndërmjet “Iniciativës” së Vjosa Osmanit dhe Albin Kurtit./Gazeta Blic/

Autoritetet shëndetësore bëjnë të ditur se momentalisht në Gjermani, po aplikohet vaksina nga BionTech/Pfizer, me shumë sukses, e cila duhet të ruhet në një temperaturë prej minus 70 gradë Celsius për të qëndruar e efektshme, transmeton albinfo.ch.

Nga ana tjetër, edhe vaksina “Moderna” po aplikohet masivisht dhe është e ardhmja e vaksinimit, pasi mund të ruhet dhe transportohet në minus 20 gradë Celsius dhe e ka kosto më të ulët. “Moderna” gjithashtu premton se vaksina e saj do të jetë e qëndrueshme deri në 30 ditë pas shkrirjes.

Në BionTech/Pfizer janë vetëm pesë ditë. Sidoqoftë, të dyja vaksinat mund të ruhen dhe të përdoren në Gjermani pa ndonjë problem, transmeton tutje albinfo.ch.

Profesori Muhamet Hamiti mendon se Vjosa Osmani s’do të arrijë të marrë as 3 për qind të votave.Mendon se ajo s’kishte guxim për të formuar iniciativë të sajin dhe në këtë mënyrë u fut, siç tha ai, nën sqetullën e Kurtit.
“Vjosa praktikisht ka hy në Vetëvendosje, ajo do të marrë votat e Vetëvendosjes. Ajo s’ka guxu të formojë iniciativë sepse parti s’ka pasur kohë që të formojë”, thotë Hamiti në T7.

“Guxo është slogani më i pakuptimtë për të mos thënë paradoksal në këtë rast. S’ka guxuar të bëjë këtë ka hyrë nën sqetullën e Albin Kurtit dhe ata do t’ia dorëzojnë besoj votën asaj për të tjerët shohim çka bëhet”, shtoi ai.“As 3 për qind s’do t’i ketë’, tha Hamiti.