Gjykata Kushtetuese e Kosovës më 2 dhjetor (e mërkurë) do të mbajë një seancë publike (online) për trajtimin e kërkesës së Lëvizjes Vetëvendosje, që qeveria Hoti të shpallet anti-kushtetuese, për shkak të votës së deputetit të partisë së Ashkalinjëve, Etem Arifit, i cili është dënuar për korrupsion me vendim përfundimtar të Gjykatës.

Sipas një përgjigje dërguar Telegrafit nga drejtori i zyrës për komunikim dhe informim të Gjykatës Kushtetuese, Veton Dula seanca dëgjimore do të të mbahet nëpërmjet video-konferencës (online) për shkak të situatës aktuale me pandeminë COVID-19.

“Seanca dëgjimore publike në këtë rast do të mbahet të mërkurën, më 2 dhjetor 2020. Për shkak të situatës aktuale me pandeminë COVID-19, seanca dëgjimore publike do të mbahet nëpërmjet video-konferencës (online)”, ka thënë ai për Telegrafin.

Siç merr vesh Telegrafi, seanca do të filloj nga ora 10:00, ku do të marrin pjesë të gjitha palët.

Ndryshe, Etem Arifi ishte njëri prej 61 deputetëve që votoi pro zgjedhjes së Qeverisë Hoti.

Ndërsa, për LVV-në, vota e deputetit të Partisë së Ashkalinjve është jo-valide për faktin se ai është dënuar për korrupsion me vendim përfundimtar të Gjykatës.

Arifi është i dënuar me një vjet e tre muaj burgim për veprën penale “mashtrim me subvencione”.

Përkundër dënimit të formës së prerë të vitit 2019, deputeti Arifi arriti që të merrte pjesë në dy seanca të rëndësishme të Kuvendit të Kosovës, duke kërkuar shtyrje të ekzekutimit të dënimit për, siç pretendonte, shkaqe shëndetësore. Kjo kërkesë iu miratua nga Gjykata Themelore e Prishtinës.

Në seancën e parë të rëndësishme, më 25 mars, Arifi votoi për rrëzimin e Qeverisë së drejtuar nga Albin Kurti.

Në të dytën, më 3 qershor, vota e tij ishte vendimtare për formimin e Qeverisë së re të drejtuar nga Avdullah Hoti i Lidhjes Demokratike të Kosovës.

Në fund të këtij muaji, deputeti Arifi ishtë i obliguar që të paraqitet në Qendrën e Paraburgimit në Prishtinë, për të filluar vuajtjen e dënimit me burg.

Votimi i deputetit Arifi nxiti debate të shumta për ligjshmërinë e votës së tij dhe për këtë arsye LVV-ja ishte drejtuar për interpretim në Kushtetuese. /Telegrafi/

E pakuptueshme po konsiderohet vonesa e Qeverisë së Kosovës në emërimin e ambasadorëve të rinj në Uashington, Londër e Bruksel, qendra këto ku aktualisht Kosova përfaqësohet vetëm me të ngarkuar me punë. Në Ministrinë e Punëve të Jashtme thonë se janë në fazën finale të konsultimeve për përzgjedhjen e ambasadorëve të rinj, derisa theksojnë se secili vendim i ministres do të jetë në konsultim të plotë me kryeministrin Avdullah Hoti.

Nga Ministria e Punëve të Jashtme dhe Diasporës, thonë për KosovaPress, se deri në emërimin e ambasadorëve të rinj, Kosova në këto vende po përfaqësohet me të ngarkuar në punë të cilët po kryejnë të gjitha detyrat e parapara.

“Ministria e Punëve të Jashtme dhe Diasporës është në fazën finale të konsultimeve për përzgjedhjen e ambasadorëve të rinj. I gjithë procesi po zhvillohet konform procedurave të parapara ligjore, por nuk ka asnjë boshllëk në përfaqësimin e Kosovë në këto shtete. Ambasadori Frymëzim Isufaj, pas dekretimit dhe kryerjes së të gjitha procedurave të akreditimit, ka nisur punën në përfaqësimin e Kosovës në Nju Jork. Në Uashington, ndërkaq, është ende në detyrë ambasadorja Vlora Çitaku, e cila do ta përfaqësojë Kosovën deri në emërimin e ambasadorit të ri, siç është përcaktuar në dekretin e tërheqjes së saj të nënshkruar nga Presidenti. Në Bruksel dhe Londër janë diplomatët tanë të ngarkuarit me punë, të cilët po kryejnë të gjitha detyrat e parapara”, thuhet në përgjigjen e ministrisë.

Tutje theksohet se ministrja Meliza Haradinaj-Stublla garanton një proces të drejtë e transparent dhe se secilin vendim do ta marrë në konsultim të plotë me kryeministrin e vendit.

Kurse, deputetja Ariana Musliu-Shoshi, thotë se në komisionin parlamentar për punë të jashtme ende nuk kanë ndonjë informacion lidhur me emrat dhe procesin e përzgjedhjes së diplomatëve të rinj.

“Mendoj që problemi kyç është mosmarrëveshje politike mes veti, jo-koordinimi dhe mungesa e planit të veprimit, mungesa e një strategjie e përbashkët… Kjo e dëmton Kosovën shumë kur ti nuk e ke zërin tënd diplomatik të fuqishëm në vendet ku janë vendimmarrëse siç janë Uashingtoni, Londra, Tokio, Bruksel, pikat kryesore dhe kyçe që janë të vendimmarrjes politike botërore ti i ke pa ambasadorë, dhe kjo është një mungesë e planit, mungesë e veprimit, strategjisë dhe të gjitha bëhen bashkë dhe atëherë nuk ke sukses”, thotë ajo.

Ndërsa sipas profesorit të marrëdhënieve ndërkombëtare, Afrim Hoti, ky fenomen ka përcjellë Qeveritë e Kosovës në vazhdimësi.

“Nuk ka si të shihet kjo përpos si diçka negative në veçanti për faktin që qendrat kryesore të vendosjes dhe ato që kanë aktivitete të përditshme të ngjeshura diplomatike Kosova nuk është e përfaqësuara. Kjo mbase mund të provohet të justifikohet se vonesa të tilla kanë ardhur si rezultat i zhvillimeve të brendshme dhe mosmarrëveshjeve në mes të qeverisë dhe opozitës, dhe në veçanti tash me zhvillimet e fundit të dorëheqjes së presidentit, sido që të jetë në bazë të kushtetutës ne kemi autoritetet tona të cilat funksionojnë vërtetë përtej vonesave, lënia e këtyre vendeve pa mbulueshmëri me ambasadorë është e pakuptueshme”, thotë Hoti.

Ai thekson se në shërimin e jashtëm të Kosovës duhet të vendosen njerëzit e merituar.

Kosovën në Uashington është duke e përfaqësuar Vlora Çitaku si ambasadore në detyrë.

Përveç në Uashington, nuk dihet ende se kush do të vendoset ambasador në Bruksel, ku Kosova përfaqësohej nga Bernard Nikaj, e as në Londër ku ambasador ishte Lirim Grajçevci./KP/

Policia e Kosovës ka njoftuar për një rast të dhunës në familje që ka ndodhur ditën e hënë në Fushë Kosovë.

Policia bën të ditur se një grua ka sulmuar burrin e saj duke e goditur me kabllo, transmeton Telegrafi.

“Ankuesi mashkull kosovar raporton se pas një mosmarrëveshje me bashkëshorten e tij, të dyshuarën femër kosovare, e njëjta e kishte sulmuar fizikisht viktimën duke e goditur me një kabllo. Viktima ka pranuar tretman mjekësor”, thuhet në njoftimin e Policisë së Kosovës.

Policia njofton se me vendim të prokurorit, rasti shkon në procedurë të rregullt./Telegrafi/

Deputeti shqiptar në Kuvendin e Serbisë Shaip Kamberi, ka nisur një peticion me anë të së cilës kërkon ndërtimin e Qendres Memoriale në Batajnicë.

Kamberi ka deklaruar se e ka nënshkruar edhe vetë këtë peticion.

Ai iu ka bërë thirrje edhe qytetarëve të tjerë t’i bashkangjiten inciativës së tij.

Shkrimi i plotë:

Një studim i gjerë shton provat se njerëzit me gjak të tipit O ose Rh − negativ mund të jenë në rrezik pak më të ulët nga koronavirusi i ri, raporton Reutersi.

Midis 225,556 kanadezëve që u testuan për virusin, rreziku për një diagnozë COVID-19 ishte 12 për qind më i ulët dhe rreziku për COVID-19 me simptoma të rënda ose vdekja ishte 13 për qind më i ulët te njerëzit me grupin e gjakut “O” (Zero) në raport me ata që kanë A, AB ose B, raportuan studiuesit të martën në revistën shkencore, Annals of Internal Medicine.Njerëzit në çdo grup gjaku që ishin Rh-negativë ishin gjithashtu disi të mbrojtur, veçanërisht nëse kishin gjak O-negativ.

Njerëzit në këto grupe të gjakut mund të kenë zhvilluar antitrupa që mund të njohin disa aspekte të virusit të ri, i tha Reutersit, bashkautori Joel Ray nga spitali St. Michael në Toronto.“Studimi ynë i ardhshëm do të shikojë në mënyrë specifike antitrupa të tillë dhe nëse ato shpjegojnë efektin mbrojtës,” tha Ray.Nëse apo si ky informacion mund të ndikojë në parandalimin ose trajtimin e COVID-19 është ende e paqartë.

Vitamina D dështon të ndihmojë në raste të rënda me COVID-19
Nivelet e ulëta të vitaminës D janë lidhur me rrezik më të lartë për sëmurje më të rëndë nga COVID-19 por nivelet e larta të vitaminës D nuk e rregullojnë problemin.

Rritja e niveleve të vitaminës D në pacientët e sëmurë kritikë nuk e shkurtoi qëndrimin e tyre në spital si dhe nuk uli shanset që ata të mos shtriheshin në kujdesin intensiv.Sipas ta dhënave, pacientët patën nevojë për ventilim mekanik si dhe nuk u ulën gjasat për t’i mbijetuar sëmundjes, zbuluan mjekët në Brazil.Ata u dhanë 240 pacientëve të sëmurë rëndë dhe të shtruar në spital me COVID-19, qoftë një dozë të vetme të lartë të vitaminës D3 ose një placebo.
Vetëm 6.7 për qind e pacientëve në grupin e vitaminës D kishin nivele “të mangëta” të lëndës ushqyese, krahasuar me 51.5 për qind të pacientëve në grupin placebo, por nuk kishte ndryshim në rezultate, bazuar në një studim të publikuar në “medRxiv”.E njëjta gjë ishte vërtetuar kur studiuesit u përqendruan në 116 pacientë me mungesë të vitaminës D para trajtimit.

Autorët thonë se gjetjet e tyre janë prova e parë e këtij lloji për të treguar se plotësimi i vitaminës D “është joefektiv për të përmirësuar kohëzgjatjen e qëndrimit në spital ose ndonjë rezultat tjetër klinik midis pacientëve të shtruar në spital të sëmurë rëndë nga COVID-19”.Të mbijetuarit nga COVID-19 përfitojnë nga kujdesi shëndetësor në shtëpi
Të dhënat e reja thonë se të mbijetuarit nga COVID-19 që u lëshuan nga spitali përfituan nga kujdesi shëndetësor në shtëpi.Studiuesit nga Shërbimi i Infermierisë Vizituese të Nju Jorkut, Universiteti i Pensilvanisë dhe Universiteti Villanova, studiuan 1,409 pacientë që morën kujdes shëndetësor në shtëpi, gati gjysma e të cilëve ishin nën moshën 65 vjeç.

Kur u lëshuan, 80 për qind kishin ende probleme në frymëmarrje, shumica raportuan ankth ose konfuzion dhe më shumë se 80 për qind kishin nevojë për ndihmë për të ecur, veshur dhe larje.Pas një mesatareje prej 32 ditësh të kujdesit shëndetësor në shtëpi, 94 për qind e pacientëve nuk kishin më nevojë për ndihmë.Shumica dërrmuese nuk u rikuperuan plotësisht por shumica e simptomave u përmirësuan ndjeshëm, ashtu si aftësia e pacientëve për të kryer aktivitetet e përditshme.

“Vetëm 10 për qind është dashur që të rispitalizohen, raportuan studiuesit të martën në revistën shkencore, Annals of Internal Medicine.“Vetëm 11 për qind e të mbijetuarve nga COVID-19 në të gjithë vendin u lëshuan nga ambientet e spitalit me shërbime shëndetësore të kualifikuara në shtëpi”, tha bashkautorja Margaret McDonald, pjesë e Shërbimit të Infermierisë Vizituese të Nju Jorkut./rel