Në fillim të viteve ‘90 shqiptarët donin të jetonin në Europë, tani në fillim të viteve 2020-të ata duan të jetojnë si evropianë. Eksodi i shqiptarëve gjatë viteve të para të tranzicionit kishte në qendër të tij personat me arsim të ulët dhe të papunë, por nxitësit e emigracionit vitet e fundit kanë ndryshuar.

Për këto arsye u fol të martën, në emisionin ‘Me pak fjalë’ në Euronews Albania. Shëndetësia, shkollimi, shërbimet shoqërore dhe në përgjithësi përmirësimi i cilësisë së jetës janë bërë kërkesa kryesore që motivojnë edhe emigrimin.

Sipas një studimi nga Qendra për Studime Ekonomike dhe Sociale në vitin 2018, 52% e popullsisë shqiptare 18-40 vjeç, rreth 940 mijë banorë, dëshirojnë të largohen, ndërsa vetëm një dekadë më parë kjo shifër ishte 44%. Vetëm 7% e tyre kanë mundësi reale për tu larguar.

Duke bërë llogaritë, rezulton se rreth 34 mijë shqiptarë të moshave 18-40 vjeç mund të emigrojnë çdo vit dhe më shumë se gjysma e tyre janë me arsim profesional, universitar dhe pasuniversitar.

Dëshira për migrim është pak më e lartë në grupet që kanë të ardhura mbi mesataren se sa në ato që i kanë të ardhurat më të ulëta.

Pra emigracioni i dekadës së katërt ka në qendër të tij popullsinë më aktive në Shqipëri dhe më prodhuese për tregun dhe ekonominë. Ky fakt ka sjellë një tjetër pasojë, tkurrjen dhe plakjen e popullsisë si dhe uljen e fertilitetit.

Shqipëria ka humbur kapitalin e saj njerëzor, pra forcën e punës me produktivitet të lartë, si pasojë e largimit të rinisë dhe shtresës së kualifikuar.

Një shembull tipik i këtij fenomeni janë sipërmarrësit shqiptarë në Itali. Rreth 460 mijë shqiptarë në moshë punë janë emigrantë në Itali dhe rreth 47 mijë prej tyre janë sipërmarrës, pra pothuajse 10%.

Ky raport popullsi-sipërmarrës është dy herë më i vogël në Shqipëri ku rreth 5% e popullsisë së aftë për punë janë sipërmarrës.

Hetuesit gjetën manipulime në dokumentin e regjistrimit. Arsyeja dyshohet të jetë në rregulloret e importit në Kosovë për automjete e përdorura
Nuk është regjistruar sipas rregullave, nuk është siguruar dhe për më tepër, ka shenja të fshirjes me gomë në dokumentin e regjistrimit të automjetit, shkruan pnp.de.

Një shtetas kosovar 36 vjeç është akuzuar për këto shkelje ndërsa donte të udhëtonte nga Franca në Kosovë me makinën e tij të blerë së fundmi, transmeton albinfo.ch. Ai është kontrolluar nga hetuesit e Policisë Kufitare në Piding, Gjermani.

Kur i kontrolluan dokumentin francez të regjistrimit të automjeteve, hetuesit gjetën manipulime (fshirje) në të. Arsyeja për një gjë të tillë dyshohet se ka të bëjë me rregulloret e importit për automjete të përdorura në Republikën e Kosovës.

Fakti nëse makina që ai po përdorte gjatë inspektimit ishte e siguruar apo regjistruar siç duhet, duhet të përcaktohet vetëm gjatë hetimeve të mëtejshme në konsultim me autoritetet franceze.

Dokumenti i falsifikuar është konfiskuar dhe do t’i dërgohet zyrës së prokurorit publik në Traunstein së bashku me padinë, përcjell albinfo.ch. Vazhdimi i udhëtimit të kosovarit me makinën e tij u parandalua, për shkaqe procedurale.

Një rast i rrallë ka ndodhur në fshatin Makresh të Epërm të komunës së Novobërdës. I ndjeri me inicialet I.F. ua kishte lënë amanet familjarëve që ta varrosin në oborrin e shtëpisë. Familjarët e mbajtën fjalën e të ndjerit dhe e varrosën por fqinjët kanë nisur një peticion kundër këtij varrimi.

Mënyra e varrimit në oborrin e shtëpisë sipas rregulloreve nuk është e lejuar dhe për këtë komuna e Novobërdës thotë se familjarët e të ndjerit nuk kanë marr leje. Ndërkaq Bashkësia Islame në Gjilan thotë se hapjen e varrit nuk e bëjnë punëtorët e tyre.

I.F. para se të vdiste ua la një amanet familjarëve. Ai u kërkoi atyre që ta varrosnin në oborrin e shtëpisë në fshatin Markesh të Epërm të Novobërdës. Por me këtë nuk po pajtohen fqinjët të cilët janë shprehur të shqetësuar me këtë varr. Atje ata kanë iniciuar edhe një peticion përmes të cilit po kërkojnë zhvarrosjen e trupit.

Në komunën e Novobërdës thonë se familja nuk ka kërkuar leje për një gjë të tillë. Nënkryetari Bajrush Ymeri thotë se është hera e parë që përballen më këso raste.

Kryetari i Këshillit të Bashkësisë Islame të Kosovës në Gjilan, Naim Aliu, tha se punëtorët e BIK’ut nuk e kanë hapur këtë varr.

Për këtë rast familjarët e të ndjerit të cilët jetojnë jashtë vendit nuk kanë pranuar të flasin./rtk

Edhe këtë vit banorët e fshatrave Bizhtazhin e Pjetërshon të Gjakovës kanë dekoruar fshatrat tyre n prag të festave të fundvitit. Pamja edhe sivjet është përrallore.

Me vetiniciativë dhe punë të palodhshme në prag të fetave të fundvitit këto fshatra tash e sa vjet dekorohen dhe marrin pamje të mrekullueshme.

Zbukurimet do të vazhdojnë edhe gjatë ditëve në vijim nëpër të dy fshatrat.

Ky është viti i pesë që me dekorimin e këtyre fshatrave e bëjnë madhështor këtë vend.

https://www.youtube.com/watch?v=8qYqrIdy4_o&feature=emb_title

Kuvendarja e PDK-së në komunën e Prizrenit, Sherife Balaj ka akuzuar drejtuesit komunalë të Prizrenit për ndarjen e 23 mijë eurove për krijimin e web faqes për Drejtorinë e Turizmit.

Ajo ka reaguar përmes një statusi në Facebook duke thënë se është e panevojshme një faqe e tillë kur komuna e ka faqen zyrtare që i mbulon të gjitha drejtoritë

“23 mijë Euro 💶, për mirëmbajtje të web faqes së një drejtorie komunale në Prizren. Nuk e di a ekziston ajo web faqe, sepse web faqja e Komunës i mbulon të gjitha drejtoritë dhe zyret komunale”, ka shkruar Balaj.
Ajo është një nga kuvendaret më aktive në Prizren dhe jo rrallë herë ka qenë kritike në drejtim të pushtetit të Vetëvendosjes në Prizren.

Sot është datëlindja 76-të e ish-presidentit të Kosovës, Ibrahim Rugova.Për të nderuar veprimtarinë e tij, Kryesia e LDK-së do të bëjë homazhe te varri i Rugovës.
Ish-presidenti Rugova ka ndërruar jetë më 21 janar të vitit 2006.

Instituti Hidrometeorologjik i Kosovës njofton se sot dhe nesër do të mbajë mot i vranët dhe me intervale me diell.

Temperaturat minimale do të lëvizin ndërmjet -7 deri -1 gradë Celsius, ndërsa maksimalet e ditës parashihen të lëvizin ndërmjet 3-7 gradë Celsius.Do të fryjë lehtë deri mesatare nga drejtimi i juglindjes.