Është lakuar disa herë emri i Isa Mustafës si njëri nga pretendentët për postin e presidentit të vendit, temë kjo më aktualja e ditëve të fundit në skenën politike në vend.

Ai sot u dha përgjigje të gjitha spekulimeve rreth tij, duke thënë se në një situatë të tillë, kur partia e tij ka kryeministrit, ai nuk ka ambicie të tilla.

Mustafa madje ka kritikuar edhe analistët e shumtë nëpër studio televizive që kanë lakuar emrin e tij, duke thënë se çuditet se si njerëzit arrijnë në përfundime të tilla logjike ose jo logjike.

“Vet fakti që thash se në këtë mandat LDK nuk synon presidentin, në këtë situatë ne e kemi qeverinë, e kemi zotëri Hotin kryeministër, nuk kemi ambicie, unë në asnjë rast nuk e vë ambicien time para interesit që ta ka kemi zotëri Hotin kryeministër dhe me askënd nuk bëj pazare të tilla”, tha Mustafa.

Kryetari i Lidhjes Demokratike të Kosovës, Isa Mustafa, e ka quajtur atë të Lëvizjes Vetëvendosje, Albin Kurti, si person të shkathët në bërjen e propagandës.

Në pyetjen se a është Lidhja Demokratike e gatshme për shkuarjen në zgjedhje të parakohshme, Mustafa tha se janë të gatshëm t’i dalin përballë Kurtit, qoftë në zgjedhje të përgjithshme, qoftë në ato lokale.

“Ky është mjaft i shkathët në propagandë. Ne nuk i frikësohemi zgjedhjeve. Ne i dalim përballë Albin Kurtit, qoftë në zgjedhje të përgjithshme, qoftë në ato lokale”, ka thënë Mustafa.

Ende nuk dihet se kur mund të përfundojë procesi gjyqësor ndaj udhëheqësve të OVL-UÇK-së, Hysni Gucati dhe Nasim Haradinaj.

Më 29 tetor të këtij viti, Prokuroria e Specializuar në Hagë kishte përpiluar aktakuzë ndaj Hysni Gucatit dhe Nasim Haradinajt, udhëheqësve të Organizatës së Veteranëve të Luftës së Ushtrisë Çlirimtare të Kosovës (OVL-UÇK).

Mirëpo një vendim i tillë ishte bërë publik më 17 nëntor dhe gjykatës i procedurës paraprake është Nicolas Guillou, i cili ka kohë gjashtë muaj që ta vërtetojë aktakuzën apo të hedh poshtë.

Pavarësisht se Gjykata Speciale është themeluar për të gjykuar krimet e luftës, Gucati dhe Haradinaj, nuk po akuzohen për një gjë të tillë, raporton lajmi.net.

Që të dy janë arrestuar me pretendimin se kanë penguar drejtësinë pasi që kishin publikuar disa dokumente të cilat supozohen se i përkasin Gjykatës Speciale.

Nisur nga ky fakt që ish-udhëheqësit e OVL-UÇK-së nuk janë arrestuar për krime lufte, procesi ndaj tyre mund të zgjasë më pak krahasuar me ata që janë arrestuar për krime lufte, përsëri nuk dihet saktë se sa mund të zgjas ky proces.

Avokati i akredituar nga Gjykata Speciale, Teki Bokshi, ka thënë për lajmi.net, se askush nuk mund të jap ndonjë përgjigje rreth afateve kohore.

Siç theksoi Bokshi, bazuar në praktikat e kaluara të Gjykatës së Tribunalit të Hagës, procesi gjyqësor ndaj Gucatit e Haradinajt nuk pritet të përfundoj brenda pesë apo gjashtë muajve.“Me thënë të drejtën kjo është praktikë krejtësisht e re e kësaj gjykate. Nuk kanë filluar procedimet e akuzave, aktualisht janë duke u zhvilluar procedurat paraprake. Përndryshe sipas skemës se si janë duke punuar, sipas skemës së Gjykatës të Tribunalit të Hagës për krime lufte në ish-Jugosllavi, këta i çojnë shumë gjatë proceset. Kështu që mund të zgjasë edhe pse këta dy nuk kanë të bëjnë me krime lufte, kjo është një çështje tjetër e cila është quajtur pengim i drejtësisë. Kështu që nuk pritet shpejtë të zhvillohet procedura. Në këto raste të tilla të ngjashme, kanë qenë diku nja dy-tre raste të ngjashme, as ato nuk janë zhvilluar shumë shpejtë në Tribunalin e Hagës. Kështu që bazuar në atë se si ka ndodhur në të kaluarën, po besoj që për nja pesë apo gjashtë muajt e ardhshëm s’besoj se munden me u procesua edhe me u përfundua proceset. Tash duhet të qartësohet kolegji, është seanca e parë e më pas në qoftë se ka edhe ankesë të ndonjërës prej palëve, e që mundet me pas, kështu që nuk pritet shpejtë përfundimi. Askush nuk mund të jap ndonjë afat se kur mund të përfundojë procesi ndaj tyre për shkak se nuk limit kohor në këto dispozita”, ka sqaruar Bokshi për lajmi.net.

Në anën tjetër, ushtruesi i detyrës së kryetarit të OVL-UÇK-së, Faton Klinaku, ka ritheksuar edhe një herë se ky organ nuk e njeh Gjykatën Speciale, duke theksuar se nuk beson që do të ngrihet aktakuzë ndaj Gucatit e Haradinajt.

I pyetur nga lajmi.net se çfarë masa apo veprime do të ndërmarrë OVL e UÇK-së në rast të ngritjes së aktakuzave ndaj Gucatit e Haradinajt, Klinaku ka thënë se janë organet drejtuese të organizatës që e vendosin këtë.

“Ne së pari nuk besojmë që do ta konfirmojë mirëpo, ne nuk e kemi njohur dhe nuk e njohim këtë Gjykatë. Për çështjet e tjera vendosin organet drejtuese. Për çdo gjë do të vendosin organet drejtuese. Ne si gjykatë nuk e njohim. Dhe edhe ne këtu edhe ata atje edhe përmes betejës juridike edhe ata natyrisht që do të bëjnë çdo gjë, sepse atyre s’ka nevojë t’ju ngrihet asnjë aktakuzë sepse është vetë faji i Gjykatës që i ka lënë që të dalin ato dosje. Ata nuk kanë të bëjnë kurrgjë me atë punë sepse kurrfarë krimi nuk kanë bërë. Po e them se për gjitha vendosin organet drejtuese dhe e kemi këshillin që vendos për këtë punë”, ka thënë Klinaku për lajmi.net.

Theksojmë se më 25 shtator Hysni Gucati dhe Nasim Haradinaj ishin arrestuar nga EULEX-i me urdhër të Gjykatës Speciale, pas bastisjes prej disa orësh që ishte bërë në zyrat e Organizatës se Veteranëve dhe Luftëtarëve të Ushtrisë Çlirimtare të Kosovës.

Ky arrestim i tyre ishte bërë pas publikimit të disa dosjeve që pretendohet se i përkasin Gjykatës Speciale.

Partia Demokratike e Kosovës (PDK) është duke insistuar në postin e Presidentit. E këtë post e dëshiron edhe AAK-ja, që e ka propozuar Ramush Haradinajn për këtë pozitë. Në ndërkohë partitë tjera ende nuk kanë vendosur për kandidatin e tyre, teksa ka një ndarje të qëndrimeve për sa i përket shkuarjes së vendit në zgjedhje para emërimit të presidentit.

Nënkryetari i PDK`së, Shaqir Totaj në një deklaratë për Gazetën Express ka thënë që zgjedhjet janë opsioni i fundit të cilin e mendon PDK-ja.

Sipas tij më mirë do të ishte që të arrihet një konsensus paraprak për presidentin.

“PDK`ja mendon se do të ishte mirë nëse do mund të arrihej një konsensus për presidentin para se te shkojmë në zgjedhje. Nëse jo atëherë zgjedhjet janë të paevitueshme. PDK`ja është e gatshme për zgjedhje por ne i shohim zgjedhjet si opsion i fundit pasi te jene konsumuar te gjitha mundësitë tjera. Këtë e arsyetojmë me faktin se vitin e kaluar kishim zgjedhje dhe qytetaret janë te lodhur nga zgjedhjet e shpeshta”, ka thënë ai për Express.

Mirëpo, nga Aleanca për Ardhmërinë e Kosovës, parti kjo e cila bashkë me LDK`në e Nismën udhëheqin Qeverinë “Hoti”, mendojnë që Ramush Haradinaj është emri më i përshtatshëm për këtë pozitë.

Deputeti i AAK`së, Gazmend Syla ka thënë për Express se situata me presidentin duhet të zgjidhet sa më shpejtë, duke aluduar kështu që nuk është momenti i duhur për zgjedhje.

“Subjekti politik AAK e ka thënë̈ fjalën e vet në lidhje me emrin e Presidentit. Ne besojmë̈ se Ramush Haradinaj është̈ emri më i përshtatshëm për qindra arsye. Në mënyrë̈ që të shmangen ngërçet politike në qeverisjet e ardhshme dhe duke marrë parasysh se situata me pandeminë̈ duhet të ketë̈ prioritetin kryesor, situata me presidentin duhet të zgjidhet sa më shpejtë”, ka thënë ai.

Për çështjen e zgjedhjeve është deklaruar sot edhe anëtarja e kryesisë së VV`së, Arbërie Nagavci.

Ajo ka theksuar se vendi ka nevojë urgjente për zgjedhje.

“Ligji për Zgjedhjet e Përgjithshme e përcakton qartë që dënimi i një anëtari të Kuvendit për vepër penale është pengesë absolute, dhe tutje e ndalon shprehimisht kandidimin për t’u zgjedhur deputet një shtetasi të Kosovës nëse është shpallur fajtor për vepër penale me një veprim të prerë në tre vitet e fundit. Vendi ka nevojë urgjente për zgjedhje të reja, çkapje të institucioneve e rregullim politik dhe njëkohësisht dhe për rregullim të gjendjes juridike”, ka shkruar ajo në një postim në “Facebook”.

Kryetari i LDK’së të hënën i ka thënë Expressit se partia e tij është e gatshme për zgjedhje, qoftë komunale apo të përgjithshme.

“Sa u përket zgjedhjeve komunale apo të përgjithshme, që nesër jemi të gatshëm. Pa fije hezitimi”, ka deklaruar Mustafa, për Express. /Gazeta Express/

Banorët e Krushës së Madhe dhe të Vogël, por edhe fshatërat përreth nesër do ta mbajnë një protestë para Pallatit të Drejtësisë në Prishtinë.

Kjo protestë sipas organizatorëve vjen me thirrjen “Duam Drejtësi”, në shenjë revolte të uljes së dënimit ndaj kriminelit serb Darko Tasiç, shkruan IndeksOnline.

“Kjo, për arsye të uljes përgjysëm të dënimit ndaj kriminelit serb Darko Tasic njëri nga kriminelët e luftës përgjegjës për vrasjen, djegien dhe hudhjen në lumin Drini i bardhë të familjarëve tanë të cilët ishin mbledhur nëpër fshat dhe me kamion ishin dërguar tek lumi Dri në Krushë të Vogël.

Nisja bëhet në ora 09:00 tek rrethi me autobus dhe me makina private.

Ju lus gjithë juve që mund të vini, të veproni konform rekomandimeve të IKSHPK-së”, thuhet në thirrjen e protestës.

Protesta do të nis në orën 11:00.

Kadri Kryeziu, ish-gjyqtar në Gjykatën Kushtetuese, ka thënë se seanca e sotme dëgjimore ndikon në vendimin përfundimtar të Gjykatës Kushtetuese për votën e deputetit Etem Arifi, për Qeverinë Hoti.

I ftuar në emisionin “Frontal” në T7, Kryeziu tha se derisa kolegji i gjyqatrëve e konsideron se ka nevojë për seancë dëgjimore, atëherë duhet të ndodh.

“Ndikon seanca dëgjimore në vendimin përfundimitar, në mënyrë që të ketë sa më shumë fakte, materiale, debate”, tha ai në Frontal, transmeton Gazeta Express.

Tutje, ai tha se rast të ngjashëm si me seancën e sotme nuk ka pasur në Gjykatën Kushtetuese.

Ai tha se nëse rastin e fiton Lëvizja Vetëvendosje, situata duhet të kthehet në pikën zero.

Sipas tij Albin Kurti kthehet në pozitën e kryeministrit në detyrë.

“Pika zero nënkupton momenti kur është krijuar Qeveria Hoti dhe duhet filluar prej momentit kur Albin Kurti ka qenë ushtrues detyre. Sipas mendimit tim, Kurti kthehet në detyrën e kryeministrit në detyrë”, tha Kryeziu, transmeton Gazeta Express.

“Në momentin kur është bërë qeveria e re, Kurti ka qenë kryeministër në detyrë”, shtoi ai.

Teksa qytetarët janë në pritje që të premten para deputetëve të jetë në rend dite Projektligji për rimëkëmbje ekonomike, tërheqja e 10% nga Trusti, është pika që ka marr vëmendje më së shumti.

Zëdhënësi i këtij institucioni, Jeton Demi, thotë se kurdo që ligji të aprovohet, ata janë gati për të mundësuar aplikimin

“Besojmë se ne jemi gati, sikurse e kemi deklaruar edhe disa herë, që sapo të jetë kjo e mundur ligjërisht, ne do të mundësojmë aplikimin për tërheqjen e 10 përqindëshin”, pati deklaruar për RTV Dukagjinin, Jeton Demi.

Lajm i mirë është se pas aplikimit nga ana e qytetarëve, mjetet në një kohë të shkurtër do të dalin në llogaritë bankare të tyre.

“Kalimi i mjeteve nga llogaria e Fondit Pensional në llogarinë bankare të përfituesit, është çështje e procedurave, por ne mendojmë se do të duhej të kryhej brenda disa ditëve, e në skenarin më të keq mund të jetë çështje javësh”, deklaroi më tej Jeton Demi.