Persona të panjohur kanë hyrë në një shtëpi në fshatin Krajk të Hasit, ku kanë vjedhur stoli ari dhe para.
“Viktima mashkull kosovar ka raportuar se persona të panjohur kishin depërtuar në shtëpinë e tij ku kishin vjedhë stoli ari të ndryshme dhe para të gatshme. Në vendin e ngjarjes kanë dalë njësitë policore dhe janë duke e hetuar rastin”, njofton Policia e Kosovës.
Komisioni Qendror i Zgjedhjeve të enjten në ora 10:00 do të shpallë rezultatet përfundimtare të zgjedhjeve të jashtëzakonshme për kryetar të komunës së Podujevës dhe Mitrovicës së Veriut, të cilat u mbajtën më 29 nëntor 2020.
Sipas rezultateve preliminare në Podujevë Shpejtim Bulliq i Vetëvendosjes ka marrë 51.64 për qind të votave, i cili pasohet nga Nexhmi Rudari i LDK-së me 35.97 për qind dhe PDK-ja me kandidat Naim Fetahun ka marrë 12.40 për qind, njofton Klan Kosova.
Ndërkaq, në Mitrovicën e Veriut Lista Serbe prin me një shumicë votash prej 89.96 për qind të votave.
Një person është gjetur i vdekur në një vilë në Gjakovë, thuhet në raportin 24 orësh të Policisë.
Njësitë relevante të Policisë kanë dalë në vendin e ngjarjes dhe ekipi mjekësor ka konstatuar vdekjen e viktimës.“Është raportuar se viktima mashkull kosovar, në një vilë, nga dy dëshmitarë është gjetur pa shenja jete.
Njësitë relevante të policisë kanë dalur në vendin e ngjarjes dhe ekipi mjekësor i cili e ka konstatuar vdekjen e viktimës. Përveç njësive policore në vendin e ngjarjes ka dalë edhe prokurori, me urdhrin e të cilit trupi i pajetë është dërguar në IML për obduksion” thuhet në raportin 24 orësh të Policisë.
Kryetari i Prishtinës, Shpend Ahmeti, ka thënë se në vendin tonë vaksinat nuk mund të arrijnë të paktën edhe tre muaj.
Ai ka thënë se Kosova ka humbur një rast për të hyrë në proces të prokurimit para disa muajsh që të futemi në listë për vaksinën anti-Covid.
“Kanë fillur procedurat, por nuk mendoj se do t’i kemi vaksinat shpesh, besoj nga marsi mund t’i kemi sasitë e para”, ka thënë Ahmeti në TV Dukagjini, shkruan Reporteri.net.
Ai ka folur edhe për personat që kanë deklaruar se do të refuzojnë të marrin vaksinat anti-Covid.
“Ka persona që edhe për shkak të arsyejeve religjioneve nuk pranojnë ta marrin vaksinën, pasi thonë se trupi jonë nuk duhet të marrin diçka të tillë”, ka thënë ai.
Ahmeti ka thënë se vaksina anti-Covid është për të mirën e qytetarëve, dhe ka thënë se ky virus nuk duhet të merret hajgare. /Reporteri.net/.
Në fotot që janë publikuar nga një qytetar i rastit shihet se si vetura është rrokullisur e tëra si pasojë e rrëqitjes në rrugë. “Në mëngjesin e ditës së sotme një veturë e policisë doganore është rrotullisur në magjistralen Prishtinë- Pejë duke mbetur midis rrugës.
Njësitet policore po merren me aksidentin”, këto janë pamjet e veturës së policisë doganore të rrotullisur raporton TV Prizreni
Blagica Diçiq, 92 vjeç dhe me shëndet të dobët, është e vetmja banore e një fshati të largët të pakicës serbe në malet e Kosovës lindore që është braktisur nga të gjithë banorët e tjerë – përfshirë fëmijët e saj.
Gjorgje, djali i madh, është zhvendosur në kryeqytetin e Serbisë, Beograd dhe nuk ka vend për të. Ajo nuk mund të kujtohet se kur u takuan për herë të fundit.
Djali i vogël, Sllobodani, jeton në shtëpitë e siguruara nga këshilli në qytetin afër Kamenicës me gruan e tij të paralizuar. Ai rrallë e viziton të moshuarën.
Fadil Rama, një shqiptar i Kosovës, zgjedh produkte nga dyqani i tij për t’ia dërguar Blagica Diçiqit, një serbe 92-vjeçare e Kosovës e cila nuk ka askënd tjetër për t’u kujdesur për të.
(AP Foto / Visar Kryeziu)
Por tani, ajo ndjen se e ka një djalë të ri. E gjitha është edhe më e jashtëzakonshme sepse Fadil Rama, 54 vjeç, vjen nga ana tjetër e ndarjes së hidhur etnike të Kosovës, duke qenë një anëtar i shumicës shqiptare të Kosovës dhe mysliman, shkruan Associated Press.
“Unë i kam tre djem, jo dy”, thotë ajo, e shtrirë në shtrat me dy batanije për t’u mbuluar në shtëpinë e saj të vogël në fshatin Vaganesh, 45 kilometra (30 milje) në lindje të kryeqytetit, Prishtinës.
“Fadili është tjetri, duke më sjellë ushqim dhe duke u kujdesur për mua”, thotë ajo, mbështetur në njërin bërryl ndërsa e përkëdhel Ramën, i cili jeton më pak se një milje larg në fshatin shqiptar Strezovce.
Blagica Diçiq vizitohet rregullisht nga Fadil Rama, i cili i sjell ushqime dhe sende tjera.
(AP Foto / Visar Kryeziu)
Fadil Rama ecën në fshatin e shkretë duke çuar ushqim te Blagica Diçiq.
(AP Foto / Visar Kryeziu)
Deri në fillim të nëntorit, Diçiq gëzonte shëndet të mirë, por tani është dobësuar dhe ka vështirësi të qëndrojë në këmbë. Akoma, ajo nuk pranon të largohet nga shtëpia e saj e shkatërruar dykatëshe, duke mbijetuar me një pension mujor prej 60 eurosh (71 dollarë) dhe pa asnjë mbështetje tjetër zyrtare.
Është një nga rreth 50 shtëpi të ndërtuara me gurë dhe dru që ngadalë po shemben nga neglizhenca.
Para luftës 1998-1999, më shumë se 200 njerëz jetonin atje. Tani ata janë larguar, i fundit ishte djali i Diçiq, Sllobodani, kur gruaja e tij u sëmur tre vjet më parë.
Fadil Rama i flet Blagica Diçiqit ndërsa ajo qëndron e shtrirë në shtrat.
(AP Foto / Visar Kryeziu)
Fadil Rama ndez një sobë druri në shtëpinë e Blagica Diçiqit.
(AP Foto / Visar Kryeziu)
Lufta në ish-provincën serbe vrau më shumë se 10,000 persona – kryesisht shqiptarë etnikë – dhe përfundoi pasi një fushatë bombardimesh e NATO-s e detyroi Serbinë t’i tërhiqte forcat e saj që po luftonin me kryengritjen etnike shqiptare.
Kombet e Bashkuara drejtuan territorin për nëntë vjet para se Kosova të shpallte pavarësinë, të cilën Serbia nuk e njeh. Marrëdhëniet midis Beogradit dhe Prishtinës mbeten të tensionuara.
Rama, i cili ka një dyqan të vogël ushqimesh, e ka njohur Diçiqin që kur ishte djalë dhe ajo gjithnjë kishte një dhuratë ëmbëlsirash për fëmijët e Strezovcës, madje edhe gjatë luftimeve.
Fadil Rama shkurton dru zjarri për Blagica Diçiqin.
(AP Foto / Visar Kryeziu)
“Ajo ka qenë një grua kaq e mirë para, gjatë dhe pas luftës dhe na ka trajtuar si fëmijët e saj”, tha ai. “Kur mësova se ajo mbeti vetëm, u ndjeva shumë keq dhe mendova të paguaja punët e saj të mira”.
“Politika e Beogradit apo edhe e Prishtinës nuk kanë interes për ne sepse ne gjithmonë kemi mbështetur njëri-tjetrin”, tha Rama.
Që nga shpërthimi i koronavirusit në mars, Rama e ka vizituar atë dy herë në javë, duke i sjellë ushqim.
Fadil Rama çon dru zjarri në shtëpinë e Blagica Diçiqit.
(AP Foto / Visar Kryeziu)
Ai e pastron dhomën e saj sa më mirë që mundet, e ndezë sobën dhe ulet të gatuajë për të.
Rama tha se nuk sheh asgjë të çuditshme për ta ndihmuar një të moshuar, një serbe të krishtere ortodokse. Bashkëfshatarët e tij pajtohen me të.
“Pse? Për ta ndihmuar një zonjë të vjetër? Një serbe? Edhe çfarë?” dy burra në Strezovce u përgjigjën njëzëri. “Mirë për të”.
Fadil Rama ia ofron një filxhan ujë Blagica Diçiqit në shtëpinë e saj.
(AP Foto / Visar Kryeziu)
Që nga lufta, Vaganeshi nuk ka pasur ujë të pijshëm. Diçiq shkonte në Strezovce për ujë dhe furnizime thelbësore, por tani ajo është shumë e dobët fizikisht.
Rama thotë se barinjtë lokalë që dëgjuan se ai po e ndihmonte atë e kishin ndjekur shembullin e tij, duke e vizituar Diçiqin rregullisht “për të parë se si është dhe për t’i sjellë ujë ose ndonjë gjë tjetër”.
Ai ia ka dhënë fjalën djalit të Diçiqit, Sllobodanit, se ai do të kujdeset për të “deri në minutën e fundit të jetës (së saj) me gjithçka që kam”.
“Unë kurrë nuk do ta lë atë vetëm”, tha Rama.
Terrorizmi mbetet problem i rëndësishëm dhe serioz në shumë vende, pavarësisht nga rënia e përgjithshme e ndikimit të tij në të gjithë botën gjatë vitit 2019, vlersoi Instituti për Ekonomi dhe Paqe (Institute for Economics & Peace – IEP) në një raport mbi Indeksin Global të Terrorizmit 2020: Matja e Ndikimit të Terrorizmit.Vitin e kaluar, 63 vende regjistruan të paktën një vdekje nga një sulm terrorist, ndërsa shtatëmbëdhjetë vende regjistruan më shumë se 100 vdekje nga terrorizmi.Kosova, Kroacia dhe Sllovenia, së bashku me Islandën, Portugalinë dhe Rumaninë, janë vendet e renditura më mirë në Evropë dhe janë ndër vendet më të sigurta në botë ku ndikimi i terrorizmit është minimal. Ata ndiqen nga Serbia, Maqedonia e Veriut, Mali i Zi dhe Shqipëria.
Bosnja dhe Hercegovina thuhet se ka përjetuar rënien më të madhe të ndikimit terrorist në krahasim me vendet tjera në botë.Siguria në Ballkanin Perëndimor
Raporti thekson se rreth 6.8 milionë armë të lehta mbeten të depozituara në Ballkanin Perëndimor pas konfliktit të viteve 1990. Përveç rrezikut të shpërthimeve aksidentale në këto depo, krimi i organizuar në rajon dhe kthimi i luftëtarëve terroriste përmenden gjithashtu si një problem.“Është e arsyeshme të shqetësohemi se këto armë mund të vidhen nga këto depo në mënyrë që të pajisen më shumë se një ushtri e vogël terroriste,” tha raporti.
Më tej thuhet se nuk është për t’u habitur që secili vend vendos përdorimin terrorist të eksplozivëve, materialeve dhe armëve të rrezikshme në vendin e parë në regjistrat e tij të rrezikut. Shumica e qeverive pretendojnë se mund të merren vetë me këtë rrezik, por provat sugjerojnë se shumë prej tyre nuk ndërmarrin hapat e nevojshëm.Nitrati i amonit ruhet në sasi të mëdha në depo të mbrojtura dobët në shumë vende të tjera, jo vetëm në Bejrut. Por besohet se ishte i nevojshme një shpërthim në Bejrut që disa qeveri të vendosnin të rishikonin pikëpamjet e tyre.
“Bashkimi Evropian, dhe jo vendet e Ballkanit Perëndimor, po punojnë kryesisht për zgjidhjen e çështjes së armëve të vogla dhe të lehta”, thuhet në raport.Bosnja dhe Hercegovina ka bërë përparimin më të madh në vlerësimin për vitin 2019, dhe ajo ka marrë pak më shumë vëmendje krahasuar me vendet e tjera në rajon, pasuar nga Austria dhe Suedia.Në përgjithësi, që nga viti 2002, ndikimi i terrorizmit në Bosnje-Hercegovinë është zvogëluar. Nga 24 sulme të regjistruara që nga viti 2002, asnjë nuk u është atribuuar grupeve të njohura terroriste.Kroacia, Kosova dhe Sllovenia renditen ndër vendet më të sigurta në Evropë dhe në botë në përgjithësi. Sipas kësaj matjeje, ato ndajnë vendin e 138-të me 23 vende të tjera, duke përfshirë Islandën, Portugalinë dhe Rumaninë nga vendet evropiane dhe Kubën, Kamboxhian, Mongolinë, Singaporin, Emiratet e Bashkuara Arabe dhe Korenë e Veriut, e cila gjithashtu renditet si një vend i prekur minimalisht nga terrorizmi.Maqedonia Veriore është në vendin 123-të dhe Mali i Zi në 107-të, ndërsa Shqipëria është në vendin e 95-të.Serbia është gjithashtu ndër vendet e renditura më mirë në Evropë dhe botë dhe renditet në vendin e 128-të.Në vitin 2019, numri i të vdekurve nga terrorizmi ra për të pestin vit radhazi, pasi arriti kulmin në 2014. Numri i përgjithshëm i vdekjeve është ulur për 15.5 për qind dhe ky raport thotë se një total prej 13,826 njerëz janë vrarë. Rënia e numrit të vdekjeve pasqyron një ulje të ndikimit të terrorizmit, me 103 vende që regjistruan një përmirësim në rezultatin e tyre, krahasuar me 35 që e kanë gjendjen e përkeqësuar.Afganistani është ende vendi më i prekur nga terrorizmi, pasi me 2018 e kaloi Irakun.Në Amerikën e Veriut, Evropën Perëndimore dhe Oqeaninë, sulmet e ekstremit të djathtë janë rritur me 250 për qind që nga viti 2014 dhe numri i vdekjeve është rritur me 709 për qind gjatë së njëjtës periudhë. Në vitin 2019, 89 vdekje iu atribuuan terroristëve të ekstremit të djathtë, 51 prej tyre në sulmet ndaj një xhamie në Kristçërç të Zelandës së Re.Raporti thekson se fuqia dhe ndikimi i të ashtuquajturit Shteti Islamik (IDIL) vazhdoi të bie, dhe vdekjet që i atribuohen këtij grupi në 2019 ranë në 942, krahasuar me 1,571 në vitin paraprak./rel
Britania e Madhe u bë vendi i parë perëndimor që autorizoi një vaksinë kundër COVID-19, duke shënuar një moment kryesor në luftën globale kundër coronavirusit.Vaksinës Pfizer/BioNTech i është dhënë autorizimi emergjent nga rregullatorët britanikë dhe dozat e para pritet të arrijnë nga fillimi i javës së ardhshme.Britania ka qenë një nga vendet më të goditura nga pandemia, me numrin më të lartë të të vdekurve në Evropë dhe qeveria e saj është kritikuar ashpër për trajtimin e krizës, raporton cnn.
Por tani, britanikët kanë kapërcyer Bashkimin Evropian dhe Shtetet e Bashkuara me këtë njoftim.Pse ishte e para Britania e Madhe?Vaksinës iu dha autorizimi i urgjencës në Mbretërinë e Bashkuar nga rregullatori i saj i pavarur, Agjencia Rregullative e Barnave dhe Produkteve Shëndetësore (MHRA), e cila ka luajtur një rol vendimtar në proces.
MHRA filloi një rishikim rrotullues të të dhënave të Pfizer dhe BioNTech nga tetori, me çdo “paketë” të të dhënave të rishikuara sa më shpejt që të bëhen të disponueshme. Kjo i lejoi rregullatorët të shqyrtojnë të dhënat në detaje para se të dorëzohej një kërkesë përfundimtare për autorizim, transmeton Telegrafi.Sipas MHRA, një rishikim i dyfishtë “mundësoi të përdoret për të përfunduar vlerësimin e një ilaçi ose vaksine premtuese gjatë një emergjence të shëndetit publik në kohën më të shkurtër të mundshme”.Kjo qasje ndihmoi në përshpejtimin e procesit të autorizimit dhe një rishikim zyrtar i të gjitha informacioneve të nevojshme filloi në Britani më 23 nëntor, duke çuar në njoftimin e së mërkurës.Një qasje e ngjashme për rishikimin e vaksinave po përdoret nga Agjencia Evropiane e Barnave (EMA). EMA filloi procesin e saj të rishikimit të të dhënave Pfizer më 6 tetor dhe BioNTech dhe Pfizer paraqitën një kërkesë për të përfunduar procesin e rishikimit më 1 dhjetor. EMA ka thënë se do të përfundojë shqyrtimin e saj më së voni deri më 29 dhjetor.Shtetet anëtare të Bashkimit Evropian nuk mund të shpërndajnë një vaksinë kundër COVID-19 derisa të mos autorizohet nga EMA dhe të nënshkruhet nga Komisioni Evropian, sipas rregullave të EMA.Komisionit Evropian (KE) do t’i duhen më pas disa ditë për të përgatitur dokumentet ligjore dhe për të diskutuar vendimin e autorizimit me vendet anëtare, sipas një zëdhënësi të KE.Sikurse në Britani të Madhe dhe BE, Pfizer gjithashtu ka aplikuar në Administratën e Ushqimit dhe Barnave të SHBA (FDA) për autorizimin e përdorimit emergjent për kandidatin e tyre të vaksinës. Kërkesa u paraqit më 20 nëntor.Vaksinat e FDA-së dhe Komiteti Këshillimor i Produkteve Biologjike të Lidhura, një panel ekspertësh të pavarur, do të takohet më 10 dhjetor për të diskutuar aplikimin e Pfizer. Sipas një dokumenti të Operacionit Warp Speed të SHBA të marra nga CNN të martën, dërgesat e para të vaksinës së coronavirusit të Pfizer do të dorëzohen më 15 dhjetor, nëse vaksinës i jepet autorizimi i urgjencës.
Si funksionon vaksina mARN?Vaksina Pfizer/BioNTech përdor një qasje të re për të bërë vaksina që përdorin ARN ose mARN të dërguarin. mARN është një fije e vetme e kodit gjenetik që qelizat mund të “lexojnë” dhe të përdorin për të bërë një proteinë.Për këtë vaksinë, ARNi udhëzon qelizat në trup që të bëjnë një pjesë të veçantë të proteinave të virusit. Sistemi imunitar e sheh atë, e njeh atë si të huaj dhe përgatitet për ta sulmuar kur ndodh infeksioni aktual.Cilat janë efektet anësore të vaksinës Pfizer?
Një grup i pavarur ka mbikëqyrur rezultatet e provave dhe efektet anësore nga vaksina. Pfizer dhe BioNTech thonë se nuk kishte efekte anësore serioze gjatë provave në shkallë të gjerë.Deri më sot, Komiteti i Monitorimit të të Dhënave për studimin “nuk ka raportuar ndonjë shqetësim serioz të sigurisë në lidhje me vaksinën”, thanë kompanitë. I vetmi efekt anësor i dukshëm ishte lodhja në disa pjesëmarrës gjatë provave.“E vetmja ngjarje e padëshiruar e gradës 3 (e rëndë) më e madhe ose e barabartë me 2 për qind në frekuencë pas dozës së parë ose të dytë ishte lodhja në 3.7 për qind pas dozës 2”, thanë kompanitë, transmeton Telegrafi.Paul Offit, profesor i pediatrisë në Spitalin e Fëmijëve të Filadelfias, i tha CNN-i të mërkurën se disa efekte anësore janë normale për vaksinat.“Kjo do të thotë që përgjigjja juaj imune po funksionon për ju. Ju duhet të ndiheni mirë për këtë,” tha ai, ndërsa diskutoi efektet anësore.Ai shtoi se nëse njerëzit përjetojnë efekte anësore nga doza e parë, atëherë nuk duhet të ketë “ndonjë vështirësi për t’u rikthyer për atë goditje të dytë, duke ditur që tani jeni në një pozitë shumë më të mirë për të luftuar këtë virus të tmerrshëm”.A është e sigurt të marrësh më shumë se një vaksinë?Prodhuesit e tjerë të ilaçeve, Moderna dhe AstraZeneca, gjithashtu kanë kandidatë premtues për vaksinat.Qeveria e Mbretërisë së Bashkuar thotë se studimet janë duke u zhvilluar për të përcaktuar nëse vaksinat AstraZeneca dhe Pfizer/BioNTech mund të jepen në të njëjtën mënyrë në të dy dozat, pasi që “të dyja … bazohen në proteinën kulmore të virusit”, por deri më tani është e paqartë nëse kjo është efektiv.“Nuk ka asnjë provë në lidhje me këmbimin e vaksinave të ndryshme COVID-19 edhe pse studimet janë duke u zhvilluar. Prandaj, duhet bërë çdo përpjekje për të përcaktuar se cilën vaksinë e ka marrë individi dhe për të përfunduar me të njëjtën vaksinë”, njoftoi qeveria britanike, megjithëse përjashtimet lejohen.Udhëzimi shton se për njerëzit që kanë pasur një dozë dhe “marrin pjesë për vaksinim në një vend ku e njëjta vaksinë nuk është në dispozicion, ose ku produkti i parë i marrë është i panjohur, është e arsyeshme të ofrohet një dozë e vetme e produktit në dispozicion në vend, “megjithëse shton se ky opsion preferohet nëse individi” ka të ngjarë të jetë në rrezik
Deputetja nga radhët e Grupit Parlamentar 6+, Duda Balje, ka treguar arsyet se pse ajo dhe një pjesë tjetër e deputetëve të këtij grupi i janë bashkuar në Kuvend, NISMA-së dhe AKR-së.“Ne në Grupin Parlamentar 6+ kemi pasë shumë probleme, kjo pasi deputeti Adem Hoxha ka shkuar në Listën Serbe dhe Shefi i Grupit Parlamentar, Rasim Demiri ka kaluar në AAK. Pra, ne prej gjashtë tani jemi katër. Kemi pasë disa takime edhe me Grupin Parlamentar të LDK-së dhe grupe tjera, por vetëm në Grupin parlamentar NISMA dhe AKR, ne e kemi parë që kemi më shumë hapësirë për të funksionuar dhe punuar për komunitetet tona”.Balje në Edicionin Special ka pohuar se do të punojnë që të formojnë sërish Grupin Parlamentar 6+.
“Grupi parlamentar 6+ ka ekzistuar për 20 vjet që nga paslufta, ne edhe pse jemi ndarë prap do të provojmë ta bëjmë bashkë grupin tonë”.
Ajo ka theksuar se do të mundohen të punojnë më shumë për komunitetet e tyre edhe pse janë në tjetër Grup parlamentar.“Ne në fakt jemi në pozitë dhe do të marrim vendime si pozitë brenda parlamentit. Me deputetin Veton Berisha, i cili tashmë është në NISMA, ne do të mundohemi të punojmë për komunitetet tona”.
“Ne jemi duke pritur nëse deputetin Etem Arifi do të dalë nga burgu, do të mundohemi ta marrim edhe atë në këtë grup parlamentar”.Deputetja nga komuniteti boshnjak ka theksuar se do të punojë më shumë për komunitetin e saj.“Unë si deputete boshnjake, jam e kënaqur me Qeverinë dhe ajo ka punuar për komunitetin boshnjak. Jam duke pritur edhe miratimin e buxhetit, aty mendoj se mund të marrim diçka për komunitetin tim. Tani për tani jam e kënaqur”, ka thënë Balje.
Instituti Kombëtar i Shëndetësisë Publike ka njoftuar se numri i përgjithshëm i rasteve pozitive në Kosovë është 40 mijë e 672 raste.
IKSHPK bën të ditur se si të dyshuar për SARS COV-2 146 mijë e 703 persona.
Që nga data 13 mars kur edhe janë shfaqur rastet e para me koronavirus në Kosovë janë regjistruar gjithsejt 1 mijë e 40 raste të vdekjes.
Sipas Institutit të shëruar deri më sot janë 25 mijë e 910 persona.
Kurse, numri i raste aktive është 13 mijë e 722.
Njoftim nga IKSHPK:
