Kryetari i Nismës Socialdemokrate, Fatmir Limaj në emisionin “Debat” të RTK-së ka folur për fuqinë elektorale të partisë që e drejton, duke thënë se “matematikat që bëhen në Prishtinë” për ata do t’ua prish populli me votë.

“Artificialisht po tentohet të prishet vota e Nismës, por kjo nuk do t’ju del ashtu siç mendojnë disa për neve”, ka thënë ai.

Sipas tij, nëse ai nuk ndjehet i sfiduar, nuk i hyn fare garës. “Nëse s’ka sfidë, mua nuk më kënaq”.

Ai tha se po përdorën metoda të ulëta për ta prishur votën e Nismës.

“Janë matematika që bëhen në Prishtinë për t’ia ndalur votën Nismës. Porosia ime për atë është se ju vetëm sa me keni ndihmuar, vetëm sa e keni rritur votuesin e Nismës. Janë plot familje që po na bashkohën çdo ditë, prandaj ne do të jemi zëri i fuqishëm i qytetarëve në këto zgjedhje”, ka thënë Limaj.

“Ne jemi vend i lirë dhe secili voton lirshëm dhe secila forcë politike dërgon mesazhe dhe kërkon besimin gjithandej Kosovës. Por i papranueshëm është tentimi për deformimin e votës nga Prishtina. Ne jemi në terren dhe e shohim çka po ndodh. Njerëzit e kanë kuptuar mesazhin tonë, dhe çdo ditë kemi forcim dhe bashkim rreth projektit tonë”, ka shtuar kryetari i Nismës.

Ai tha se Kosova gjendet në situatë të jashtëzakonshme, por Nisma si parti nuk është në atë pozitë.

“Lojën artificial që po bëhet në Prishtinë tregon se Nisma po fuqizohet çdo ditë. Do të jemi befasi e këtyre zgjedhjeve, sepse ato matematika po ua prishin qytetarët. Ky është realiteti”, theksoi ai.

Sipas tij, ata që flasin për votat e Nismës dhe pragun zgjedhor, nuk e kanë idenë as ku janë ato zona për të cilat po flet ai.

“Prandaj, ju do ta shihni reaksionin e qytetarëve, sepse besimi nuk ndërtohet në studio, por ai ndërtohet çdo ditë dhe në terren. Qytetarët me njohin qe 20 vjet. Jam njeri i luftës dhe pjesëmarrës në projektet e pasluftës për ndërtimin e shtetit. Kam qenë pjesë e vendimeve që kanë ndryshuar jetën e qytetarëve”, theksoi ai. /RTKLive/

Kandidati për kryeministër nga radhët e LDK-së, Avdullah Hoti ka qëndruar gjatë ditës së sotme në Prizren.

“Sektori privat është gjenerator i rritjes ekonomike dhe punësimit, prandaj qeveria jonë do të vlerësojë kornizën ligjore dhe do të ndryshojë atë në përputhje me zhvillimet në treg. Eliminimi i barrierave ligjore dhe zvogëlimi i burokracisë, do të jetë fokus i qeverisjes tonë” shkruan Hoti në Facebook.

Postimi i plotë:

Prizreni është shpirti i kulturës dhe punës!
Sektori privat është gjenerator i rritjes ekonomike dhe punësimit, prandaj qeveria jonë do të vlerësojë kornizën ligjore dhe do të ndryshojë atë në përputhje me zhvillimet në treg. Eliminimi i barrierave ligjore dhe zvogëlimi i burokracisë, do të jetë fokus i qeverisjes tonë.

Një qytetar i Prishtinës nuk ka respektuar rregullat e qarkullit duke parkuar makinën e tij në mes të trotuarit në lagjen “Emshir” .

Fotografia është publikuar nga faqja ” Vrojtuesit e lagjes” ku mjeti i tipit BMW shihet i parkuar në mes të trotuarit.

Më poshtë iu sjellim fotografinë:

Kandidatja për deputete nga radhët e Vv’së, Donika Gërvalla, ka folur për herë të parë pasi u bë e ditur se do të kandidojë në zgjedhje. Ajo thotë se e sheh si kontribut të vetin për çlirim të Kosovës nga krimi dhe korrupsioni.

“Ka pak ditë që jam kthyer përsëri në Kosovë. Këtë herë për një kohë më të gjatë. Për herë të parë kandidoj që si deputete e Kuvendit të Republikës së Kosovës të jem pjesë e drejtpërdrejtë e politikës së vendit. E shoh këtë si kontribut timin për çlirimin e Kosovës nga krimi dhe korrupsioni i instaluar prei vitesh dhe hapjen e një perspektive më të mirë për të gjithë qytetarët e saj”, ka shkruar ajo.

Ajo thotë se do t’i ruaj mendimet e saja të pavarura përkundër futjes në parti politike.

“Unë në politikë mbetem ajo Donikë që kam qenë gjithmonë, me të gjithë personalitetin dhe bindjet e mia. Askush nuk do të mund të ma ndalojë mendimin e pavarur, të mësuar dhe ushtruar që në vegjëlinë më të hershme në Prishtinë dhe Dubovik. As respektin ndaj qytetarit në çdo cep të vendit. Kosova nuk është vetëm Prishtinë por është çdo qytet e fshat nga Dukagjini në Drenicë, nga Llapi në Anamoravë dhe sigurisht edhe në Mitrovicë”

Ajo thotë se gjatë javës së ardhshme do të bëhet e ditur se si ajo, dhe njerëz tjerë brenda listës së VV’së, mund të japin kontribut për vendin.

“Gjatë ditëve dhe javëve të ardhshme në këtë platformë, por edhe tjetërkund do të mund të lexohet konkretisht se si, së bashku me një grup të vogël, płot njerëz të guximshëm dhe të mençur, kemi menduar të japim kontributin tonë”, shtoi ajo.

Kandidati i VV-së për kryeministër, Albin Kurti, përmes një videomesazhi i është drejtuar diasporës duke ua bërë me dije procedurat aplikimit për t’u regjistruar si votues jashtë vendit.

Ai ndër të tjera ka thënë se “Mërgata i prin ndryshimit”.

“Kanë mbetur edhe dy ditë për të aplikuar për t’u regjistruar si votues jashtë vendit. Kësaj radhe kemi interesim të jashtëzakonshëm. Andaj iu bëjnë thirrje ta ushtroni të drejtën themelore për të votuar”

Na ndanë pak kohë nga ndryshimi i shumëpritur, ju lutemi t’i ndjekeni udhëzimet nga KQZ”, ka thënë Kurti.

Ai ka treguar edhe mënyrën se si duhet të votohet nga mërgata.

“Është vendimtare t’i ndjekni hapat, prandaj të mobilizohemi. Bashkë jemi më të fortë dhe më afër referendumit, bashkë ia kemi dalë. Tash ju bëj thirrje të jemi të bashkuar, që zëri juaj të dëgjohet regjistrohuni”, ka shtuar në fund lideri i VV-së.