Nesër në Kuvendin e Kosovës, me fillim nga ora 11:00, do të mbahet seancë e jashtëzakonshme, ku do të bëhet shqyrtimi i dytë i Projektligjit për rimëkëmbjen ekonomike.

Seanca e jashtëzakonshme është iniciuar nga Partia Demokratike e Kosovës. Dje është dakorduar Qeveria me PDK-në për t’i futur në Projektligj katër amandamentet e propozuara nga PDK-ja.

Sabit Geci është rikthyer në burg, për ta vuajtur dënimin për krime lufte.

Me vendimin e fundit të Gjykatës Themelore në Mitrovicë, Geci tani dënimin do ta vuajë në burg.

Vajza e Sabit Gecit, Fitore Geci, në një postim në “Facebook”, ka shkruar se e ka habitur fakti që është marrë vendimi që babai i saj të kthehet në burg.

“Me habite jashtëzakonisht fakti se si është e mundur qe per nje njeri si Sabit Geci, i cili ka plage te pashëruara nga lufta dhe shume diagnoza qe duhet te trajtohen, te merret nje vendim qe te kthehet ne burg. Nuk me habite fakti qe kete vendim e mori nje gjyqtare serb, sepse deshira e tij ishte dhe eshte qe ai te mos jete i gjalle por me habit fakti qe ne si popull , si instutcion nuk kemi fuqi apo nuk duam ta ngrisim zerin per njerëzit e luftes qe plaget e tyre akoma kullojne gjak. .Jemi maltretuar shume dhe ende po maltretohemi me vuajtje te lloj-llojshe per qellime te ndryshe por une si vajza e Sabit Gecit e di karakterin e prindit tim qe eshte dhe do te jete i pathyshem”, ka shkruar ajo.

Në ndërkohë trupi gjykues i Gjykatës së Qarkut të Mitrovicës, në pati dënuar me 15 vjet burgim Sabit Gecin për vrasje dhe keqtrajtime të të burgosurve në Kukës dhe Cahan gjatë viteve të luftës 1998-1999.

Trupi gjykues shpalli aktgjykimet edhe për tre të akuzuar të tjerë, ish-pjesëtarë të UÇK-së, për krime të luftës në burgun e Cahanit. Riza Aliaj u dënua me 12 vjet burgim, Shaban Hoti nga Rezalla me 7 dhe Haki Rexhepi nga Skenderaj me 6 vjet burgim.

Geci për shkak të gjendjes së rënduar me shëndetin, burgun po e mbante në shtëpi.

Rasim Selmanaj nga AAK thotë se nuk ka përgjigjie tani për tani se a do merr pjesë partia e tij në tryezën për presidentin.Por se kjo parti është e gatshme të marrë pjesë në konsulta, jo vetëm për këtë temë.“Në pyetjen konkrete nuk kam ndonjë përgjigjie për shkak se nuk e kam taku kryetarin me e pyet ose s’kemi pasë ndodnjë takim. Ajo që dihet është që ne jemi të gatshëm me marrë pjesë në konsulta për presidentin por edhe tema të tjera“, deklaroi Selmanaj për Gazeta Blic.

Selmanaj kur u pyet se a do kërkojnë nga partitë tjera që Ramush Haradinaj të votohet për president tha se qëndrimi i tyre veçse dihet.“Ne e kemi propozimin tonë dhe qëndrim tonë, kjo tashmë dihet“, thotë Selmanaj për Gazeta Blic.
Kryeministri i Kosovës Avdullah Hoti ka thënë se shumë shpejt do të mblidhen për të diskutuar në një tryezë të përbashkët e partive politike për të biseduar për çështjen e presidentit.

“Do të ndjekim vetëm një zgjidhje kushtetuese dhe unë besoj që shumë shpejt do të organizohet tryeza e partive politike për të parë disponimin e partive politike nëse ka disponim të diskutohet për të gjetur një zgjidhje për presidentin e vendit”, deklaroi Hoti në konferencë për media.

Brenda 24 orëve janë raportuar 22 raste të vdekjes me SARS CoV-2 pozitiv.

Rastet e vdekjes janë nga komunat: Prishtinë 9 raste (87, 80, 79, 79, 79, 75, 74, 74, 60 vjeç), Mitrovicë 2 raste (79, 77 vjeç), Prizren 2 raste (82, 77 vjeç), Gjakovë 2 raste (76, 60 vjeç), Istog 2 raste (84, 65 vjeç), Pejë 1 rast (72 vjeç), Klinë 1 rast (62 vjeç), Suharekë 1 rast (78 vjeç).

Numri total i rasteve pozitive është 41.299 raste nga 148.213 persona të dyshimtë në virusin SARS-CoV-2 dhe 1.062 raste të vdekjes.