Kryetari i LVV-së, Albin Kurti ka komentuar vendimin e fundit të KGJK-së, ku thuhet se 47 kandidatë për deputetë kanë probleme me ligjin, në mesin e të cilëve përfshihet edhe Kurti.

Kurti në një deklaratë për media ka thënë se nuk ka pranuar asnjë njoftim nga KQZ-ja, shkruan Telegrafi.

“Unë nuk jam në dijeni për kurrëfar vendimi të tillë të KQZ-së, nuk kemi marrë ndonjë shkresë, unë si kryetar i Lëvizjes Vetëvendosje dhe as kryesia. Por, ajo cka po verejë në Kosovës është një entuzjazëm i jashtëzakonshëm për zgjedhjet e 14 shkurtit. Kurrë nuk ka pasur më shumë interesim për pjesëmarrje në këto zgjedhje dhe këtu mërgata gjithsesi prinë, por edhe populli në Kosovë, besojë që të gjithë jemi dëshmitarë që me gëzim po e presim 14 shkurtin dhe ky vullnet i madh i qytetarëve për ndryshime, në vitin 2021 besoj që duhet të ndiqet edhe nga institucionet relevante të shtetit”, u shpreh Kurti, për RTV Dukagjini.

Tutje Kurti ka thënë se institucionet e vendit duhet ta ndjekin vullnetin e popullit dhe jo t’i vihen përballë atij.

“Ju e dini që unë jam bartës i listës dhe këtë me vendim të Këshillit të Përgjithshëm të Lëvizjes Vetëvendosje dhe Kryesisë së Lëvizjes Vetëvendosje, institucionet e shtetit duhet ta ndjekin vullnetin e popullit të vetëdijesuar si asnjëherë më parë në Kosovën e pasluftës dhe jo t’i vihen përballë atij”, tha ai.

Sipas një vendimi të Këshillit Gjyqësor të Kosovës, 47 kandidatë për deputetët nga 15 subjekte politike, kanë problem me ligjin për të kandiduar në zgjedhjet e 14 shkurtit.

“ Ata janë verifikuar nga Këshilli Gjyqësor, se janë shpallur fajtorë për vepër penale me një vendim përfundimtar të gjykatës në tri vitet e fundit”, ka thënë zëdhënësi i Komisionit Qendror të Zgjedhjeve, Valmir Elezi.

Ekipi i monitoruesve dhe hulumtuesve të Institutit të Kosovës për Drejtësi (IKD) ka hulumtuar integritetin e kandidatëve të partive politike të përfshirë̈ në listat zgjedhore për zgjedhjet e parakohshme, të cilat do të mbahen më 14 shkurt 2021. Gjetjet e hulumtimit të IKD-së tregojnë̈ se në listën zgjedhore të Lëvizjes Vetëvendosje (LVV) nga 110 kandidatë për deputetë, janë 10 kandidatë me aktakuza dhe 2 kandidatë me dënime të plotfuqishme gjatë 3 viteve të fundit.

Duke qenë se IKD është e vetmja organizatë, e cila monitoron sistematikisht trajtimin e rasteve në sistemin e drejtësisë, në vazhdim pasqyron në mënyrë detajuar, të gjitha informacionet për këta kandidatë të LVV-së:

Emri i kandidatit për deputet Data e ngritjes së aktakuzës Vepra penale në aktakuzë Faza procedurale Lloji i aktgjykimit Data e dënimit Dënim i plotfuqishëm
Albin Kurti 16.12.2015 Përdorim i armës dhe pengim i personit zyrtar Aktgjykim i formës së prerë Dënues 18.09.2018 Po
Glauk Konjuca 22.02.2016 Përdorim i armës dhe pengim i personit zyrtar Në proces në shkallë të parë
Albulena Haxhiu (2 raste) Rasti 1: 16.12.2015
Rasti 2:

08.04.2016

Rasti 1 dhe 2: Përdorim i armës dhe pengim i personit zyrtar Rasti 1: Aktgjykim i formës së prerë
Rasti 2: Në proces në shkallë të parë

Rasti 1: Dënues

Rasti 1: 18.09.2018 Rasti 1: Po
Arbërie Nagavci / Përdorim i armës dhe pengim i personit zyrtar Në proces në shkallë të parë
Mimoza Kusari – Lila 10.04.2020 Keqpërdorim i pozitës apo autoritetit zyrtar Në proces në shkallë të parë
Xhelal Svecla / Përdorimi i armës apo mjetit të rrezikshëm Në proces në shkallë të parë
Fitore Pacolli / Përdorim i armës dhe pengim i personit zyrtar Në proces në shkallë të parë
Valon Ramadani / Përdorimi i armës apo mjetit të rrezikshëm Në proces në shkallë të parë
Jetmire Vrenezi 20.12.2019 Keqpërdorim i pozitës apo autoritetit zyrtar Në proces në shkallë të parë
Drita Millaku / Përdorimi i armës apo mjetit të rrezikshëm Në proces në shkallë të parë
Ekrem Mustafa 21.03.2017 “Rrezikim i trafikut publik” Në proces në shkallë të parë
Sali Zyba Rasti 3: /
Rasti 4: 23.01.2017

Rasti 1: Përdorim i armës; Rasti 2: “Sulm ndaj personit zyrtarë, gjatë kryerjes së detyrave zyrtare ” Rasti 1 dhe 2: Në proces
IKD vazhdimisht ka avokuar për dekriminalizimin e skenës politike, duke kërkuar nga partitë politike që të ngrisin integritetin e listave zgjedhore me kandidatë që nuk kanë probleme me ligjin.

IKD thekson se këto të dhëna janë mbledhur nga monitorimi sistematik i seancave gjyqësore publike. Pra, ka mundësi, sikurse ka ndodhur në praktikën gjyqësore, që të ketë aktakuza të ngritura ndaj politikanëve të caktuar, që mund të jenë në këto lista, por të cilat nuk janë bërë publike ende. Gjithsesi, IKD do të hulumtojë edhe ditët në vazhdim, për të kompletuar secilin informacion mbi secilin kandidatë që gjendet në listat zgjedhore.

IKD do të publikojë të dhënat e te gjithë kandidatëve që janë në listat zgjedhore të të gjitha partive politike dhe koalicioneve, duke u bazuar në të dhënat e monitorimit nga sistemi i drejtësisë, thuhet në në hulumtimin e publikuar nga IKD.

Policia e rajonit të Prishtinës, e ka arrestuar të dyshuarin që iu shmang policisë që tri ditë, pas disa veprimeve hetimore me synim të veçantë arrestimin e personave të kërkuar.

“Në kuadër të punës së shkëlqyer parandaluese që po bën policia e rajonit të Prishtinës, ka ndërmarrë një sërë veprimesh hetimore dhe operative të cilat kanë rezultuar me parandalimin e disa akteve të ndryshme kriminale”, ka bërë të ditur Policia e Kosovë

Tutje është bërë e ditur pas një kontrolli të detajuar të ushtruar gjatë bastisjes policia arriti të gjejë dhe sekuestroj një revole e tipit ZORAKI, kalibër 9mm, 22 copë fishek, kalibër 9mm dhe dy karikatorë.

“I dyshuar, i kërkuar edhe për vepra të tjera kriminale, pas arrestimit është dërguar në stacionin policor për tu proceduar më tej në përputhje me rekomandimet e prokurorit të shtetit”.

Donald Trump ka lënë një shënim për Joe Biden në Zyrën Ovale, sipas zëdhënësit të Shtëpisë së Bardhë Judd Deere.

Ka qenë traditë që presidenti në largim të shkruajë dhe të lërë një shënim nisjeje për atë që vjen në Zyrën Ovale.

Ishte e paqartë, megjithatë, nëse Trump do të respektojë atë normë.

Trump kurrë nuk ka pranuar se ai i humbi zgjedhjet ndaj Biden dhe ai kaloi pjesën më të madhe të dy muajve përpara Ditës së Inaugurimit duke u përpjekur të përmbyste rezultatet e zgjedhjeve.

Trump gjithashtu po thyen traditën duke mos marrë pjesë në inaugurimin e Biden. Shtëpia e Bardhë nuk specifikoi se çfarë tha shënimi i Trump, raporton Washington Post, transmeton Klan Kosova.

Ish-krerët dhe luftëtarët e UÇK-së që po mbahen në paraburgim në në Hagë, kanë dorëzuar aplikacionet për t’u regjistruar si votues jashtë Kosovës në zgjedhjet e 14 shkurtit në Kosovë.

Express mëson nga burime brenda KQZ’së se ish-Presidenti Hashim Thaçi, ish-krerët e Kuvendit Kadri Veseli e Jakup Krasniqi, ish-shefi i Grupit Parlamentar të Lëvizjes Vetëvendosje Rexhep Selimi, ish-eprori i UÇK’së Sali Morina dhe krerët e OVL-UÇK;së, Hysni Gucati e Nasim Haradinaj janë regjistruar tashmë si votues jashtë Kosovës.

Në një përgjigje për Express, zyra për informim e Dhomave të Specializuara të Hagës pati thënë se se çështja e votimit të Thaçit dhe të tjerëve do të adresohet sipas ligjeve dhe rregulloreve të Kosovës në lidhje me zgjedhjet dhe kanë thënë se do të ofrojnë përkrahje për t’u mundësuar të akuzuarve që të votojnë.

“Dhomat e Specializuara të Kosovës do ta adresojnë këtë çështje sipas ligjeve dhe rregulloreve të Kosovës në lidhje me zgjedhjet. Nëse kërkohet në mënyrë specifike, Dhomat e Specializuara të Kosovës dhe Qendra e Ndalimit e Dhomave të Specializuara të Kosovës do të ofrojnë përkrahje për organizimin praktik të realizimit të procedurave të votimit”, kanë deklaruar nga Dhomat e Specializuara.

Ndërkohë, sipas nenit 96 të Ligjit për Zgjedhjet e Përgjithshme votuesi i cili gjendet jashtë Kosovës, mund të votojë nëse ka aplikuar për votim jashtë Kosovës.

Nisma Socialdemokrate ka numrin më të madh të kandidatëve për deputet, që s’mund të garojnë në zgjedhjet e 14 shkurtit.Gazeta Blic mëson se KGJK ka verifikuar se 12 kandidatë të Nismës Socialdemokrate kanë aktgjykime dënuese të formës së prerë.
Merret vesh se edhe kandidati për deputet, Endrit Shala nuk mund të kandidoj.

Ndërkohë, nga VV janë 5 kandidatë që s’mund të garojnë më 14 shkurt, nga LDK një, nga PDK një dhe nga AAK tre.