Deputetja boshnjake, Duda Balje, ka kërkuar nga institucionet e Republikës që të hapin një Zyrë Ndërlidhës të Kosovës, në Sarajevë.

Në dokumentet e publikuara nga Balje, bëhet e ditur se kërkesa është dërguar në adresë të Ministrisë së Punëve të Jashtme, njofton Klan Kosova.

Në këtë kërkesë, theksohet se hapja e një misioni të posaçëm, të tipit Zyrë Ndërlidhëse e Republikës së Kosovës në Sarajevë, do të ndihmonte në zgjidhjen e shumë problemeve, e njëkohësisht do të mund të shërbente edhe në përafrimin politik midis dy shteteve sovrane dhe do ta rriste bashkëpunimin ndërshtetëror e rajonal.

Një kompani ndërtimi është gjobitur nga inspektorët e komunës së Prishtinës.

Gjoba prej 500 eurove iu shqiptua meqë në vendpunishte nuk kishte vendosur masat e sigurisë të cilat janë të detyrueshme.

Këtë e ka bërë të ditur kryeinspektori i komunës së Prishtinës, Adonis Tahiri.

Derisa ka njoftuar për gjobën e vënë ndaj kompanisë, thotë edhe se këto masat janë të domosdoshme.

“Masat e sigurisë në vendpunishte janë obligative. Mosrespektimi i vendimeve është i dënueshëm! Gjobë për investitorin – gjobë për punëkryesin”, ka shkruar Tahiri në Facebook.

Kryeministri i Kosovës, Avdullah Hoti dhe zëvendëskryeministri Driton Selmanaj kanë mbajtur tryezë konsultative me Organizata të Shoqërisë Civile për prioritetet e Agjendës së Reformave Evropiane.

Gjatë këtij takimi të sotëm me organizata të shoqërisë civile, kryeministri Avdullah Hoti tha se qeveria që udhëheq e ka prioritet integrimin evropian.

Tutje, ai njoftoi se zëvendësi i tij, Driton Selmanaj nga sot do të jetë përgjegjës për procesin e integrimit evropian të vendit.

“Zëvendëskryeministri Selmanaj do ta mbulojë pjesën e integrimeve evropiane, pra do të jetë zëvendëskryeministër për çështje të integrimeve evropiane. Ai ka përvojë të gjatë në shoqërinë civile, besoj me shumicën prej jush njihet edhe personalisht, ose mund të keni punu bashkë, dhe unë besoj se së bashku me ju dhe stafin i cili është mjaft i përgatitur brenda zyrës dhe departamenteve që mbulojnë çështjet e integrimeve evropiane të punojnë së bashku në çuarjen përpara të agjendës evropiane”, tha Hoti. /Reporteri.net

Deputeti i Aleancës për Ardhmërinë e Kosovës, Gazmend Abrashi ka paralajmëruar se shumë shpejt do të dërgohet në Kuvend për lexim të dytë Projektligji për Rimëkëmbje Ekonomike, raporton Gazeta Blic.

Ai ka shkruar se Komisioni për Buxhet dhe Transfere po punon intensivisht në këtë projektligj.

“Në Komisionin për Buxhet dhe Transfere po punohet intezivisht në Ligjin për Rimëkëmbjen Ekonomike i cili po bëhet gati të votohet në lexim të dytë dhe të filloj implementimi i Pakos së Rimëkëmbjes Ekonomike në ndihmë bizneseve të atakuara nga Pandemia”, ka shkruar ai.

Ndryshe, para pak ditësh pas 7 tentativave, Kuvendi i Kosovës e kishte miratuar në lexim të parë këtë projektligj.

Ministria e Financave ditë më parë ka bërë njoftimin për një Re-tender.Dikasteri që udhëhiqet nga Hykmete Bajrami e Lidhjes Demokratike të Kosovës (LDK), kërkon të furnizohet me një dron.Pas skandaleve që ndodhen në këtë Ministri ditë më parë, sa i përket 2 milionëshit, Bajrami duket të jetë me e kujdesshme me punonjësit e saj.

Përmes këtij tenderi, ministrja Bajrami ka kërkuar të blejë një dron, për Departamentin e Tatimit në Pronë.
Për kontraten “Furnizim me Fluturake (Dron), Trajnimi dhe mbështetja e stafit të Departamentit – Tatimi në Pronë – R”, janë ndarë 17 mijë e 500 euro.Po të njëjtën kërkesë, Ministria e Financave pati shpallur tender edhe më datën 14 të këtij muaji, porse i njëjti është anuluar vetëm disa ditë më pas.

“Anulimi i këtij aktiviteti bëhet pasi që asnjë Operator Ekonomik nuk ka ofruar ofertë të përgjegjshme”, pati njoftuar prokurimi disa ditë më parë.Ndërkohë që afati i fundit për pranimin e tenderëve është më 06.11.2020.

Shtetet e Bashkuara të Amerikës po vazhdojnë ta ndihmojnë Kosovën në përballjen me pandeminë.

Kosova sot ka pranuar pajisje shtesë, transmeton Klan Kosova.

“Shtetet e Bashkuara të Amerikës vazhdojnë ta mbështesin shëndetësinë e vendit tonë. Donacioni i radhës janë pajisje mbështetëse për oksigjen dhe plotëson kërkesën e parashtruar nga Shërbimi Spitalor Klinik dhe Universitar i Kosovës. Bashkë me Kolonel, Stephen A. Rose dhe Major, Courtney Olson morëm pjesë në pranim-dorëzimin e këtij donacioni”, është shprehur Ministri i Shëndetësisë, Armend Zemaj.

“Përmes misioneve të saja civile dhe ushtarake, ShBA-ja na ka dhuruar pajisje të ndryshme si respiratorë, pajisje termo-skanerë, pajisje mbrojtëse profesionale për personelin shëndetësor po edhe ndihma të tjera”.
https://www.facebook.com/zemajarmend/posts/3526960984017423