Kryetari i zgjedhur i Podujevës, Shpejtim Bulliqi, ka folur për ish-partinë e tij, Lidhjen Demokratike të Kosovës. Thotë se kjo parti po gabon që po largon njerëz si Vjosa Osmani. Sipas tij, pa Vjosa Osmanin, LDK’ja sdo të dilte e dyta në zgjedhje ashtu siç ka ndodhur.

“Vjosa Osmani, ju e dini, është një prej politikaneve të reja shumë të fuqishme. Reputacioni, përgatitja profesionale e Vjosa Osmanit është larg me këta që sot e kanë bërë atë klanin e tyre dhe të cilët po i eleminojnë politikanët nga Lidhja Demokratike e Kosovës”, tha Bulliqi.

“Mua më vjen shumë keq që Vjosës i ka ndodh diçka e tillë sepse jam më se i bindur se po mos të kish qenë emri i Vjosa Osmanit në zgjedhjet nacionale LDK’ja do ta kishte vendin ndoshta edhe më poshtë se AAK’ja e mos të flasim për vendin e dytë”, shtoi ai për RTV21.

“Por sidoqoftë këto janë politika të brendshme të tyre ata le të vazhdojnë punën tyre”, tha ai.

Ish-zëvendëskryeministri Ramiz Kelmendi ka folur për Ligjin për Rimëkëmbje Ekonomike. E quan të vonuar një gjë të tillë.“Shpeshherë thuhet që ky ligj, ose është i majtë ose i djathtë, por unë po mendoj që Ligji për Rimëkëmbje Ekonomike është i drejtë.

Nuk ka të bëjë me orientime politike, të majta ose të djathta por është i drejtë”, tha Kelmendi në emisionin DPT te Fidani
“Kjo është e vonuar sa i përket kohës së kaluar mirëpo është në kohën e duhur sa i përket kohës së ardhshme”, shtoi Kelmendi.

Por ka edhe kritika.“Fatkeqësisht as në këtë rimëkëmbje nuk është përfshi ajo që unë kam luftuat me vite të tëra : Lirimi nga Dogana i të gjitha retromaterialeve, ambalazhimeve dhe pjesëve rezervë që janë të gjitha në funksion të prodhimtarisë së Kosovës. Të gjitha nuk janë futë”, tha Kelmendi.

Pas dy dekadave, LDK ka humbur bastionin e saj më të madh, atë në Llap. Madje, Lidhja Demokratike e Kosovës këtë bastion e humbi me të parë, pa balotazh, shkruan GazetaBlic.

Garës që i printe kësaj partie, Nexhmi Rudari nuk arriti të vazhdonte qeverisjen e LDK-së në Llap, derisa u mposht të dielën nga kandidati i VV-së, Shpejtim Bulliqi.

E për këtë rezultat, deputeti i LDK-së, Haxhi Avdyli ka “gjetur” dy fajtorë.

Avdyli, për “Expose” – prodhim i GazetaBlic, thotë se pikërisht humbja e bastionit të LDK-së në Llap, fjatorë janë vetë kryetari i kësaj partie, Isa Mustafa dhe ish-kryetari i Podujevës, Agim Veliu.

“Agim Veliu la pozitën e kryetarit të komunës për t’u bërë ministër i Kurtit edhe pse ishte kundërshtari më i madh i atij koalicioni. Ata (Isa Mustafa dhe Agim Veliu), po e çojnë LDK-në drejt humnerës”,thotë Avdyli./GazetaBlic

Shoqërimi në Gjykatën Speciale të Hagës të figurave kryesore të politikës kosovare dhe UÇK-së, ngjalli reagime të shumta, ku u kërkua drejtësi nga pala shqiptare.Kryeministri i Kosovës, Avdullah Hoti ka thënë për Ora News se Dhomat e Specializuara janë pjesë e sistemit të drejtësisë në Kosovë dhe se ato nuk mund të hetojnë luftën e një populli për liri apo UÇK.

Ai ka vijuar më tej duke thënë se të shoqëruarit në Hagë dhe institucionet kosovare kanë treguar maturi ndaj kësaj çështje.

“Dhomat e Specializuara janë pjesë e sistemit të drejtësisë në Republikën e Kosovës të vendosura në Hagë në bazë të një marrëveshje me Holandën. Mënyra se si janë sjellë këta persona me akuzat, tregon një shkallë maturie shumë të lartë të shoqërisë në Kosovë. Akuzohet Presidenti që jep dorëheqjen, dy ish-kryetarë të Kuvendit të Kosovës dhe persona të tjerë të përfshirë në këtë temë. Kjo tregon maturitet për tu përballur me të gjitha sfidat që kemi para.”

“Kjo gjykatë nuk gjykon luftën e UÇK-së, sepse nuk gjykohet lufta e një populli për liri dhe pavarësi. T’i japim shans drejtësisë kohë për të mbyllur këtë çështje. Ne me institucione po mundohemi që të tregojmë maturinë e nevojshme shtetërore dhe institucionale për t’u përballur me këtë sfidë. Besoj që këtë na e kanë bërë më të lehtë personat që kanë qenë të përfshirë, duke u sjellë mirë me institucionet e Kosovës dhe duke bërë vetë thirrje për kujdes e maturi.”

“Lufta e Kosovës dhe e popullit të saj për pavarësi nuk mund të gjykohet”, u shpreh Hoti.

Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës, Faton Klinaku, ka njoftuar për konfirmim të aktakuzës edhe ndaj ish-kreut të kësaj organizate, Hysni Gucatit.

Klinaku, përmes ‘Facebook’-ut të tij, ka sqaruar se si Haradinajt, ashtu edhe Gucatit do t’i rëndojë e njëjta aktakuzë, teksa të të dy të apostrofuarve do t’iu konfirmohet më 11 dhjetor.

Klinaku thotë se këtë informacion e ka marrë nga përfaqësuesi ligjor i dy të dyshuarve për “pengim në administrimin e drejtësisë, frikësim të dëshmitarëve, hakmarrje dhe shkelje të fshehtësisë së procedures”.

Në bazë të avokatit të Nasim Haradinajt, Bas Martens, aktakuza është e njëjtë për të dytë dhe me datën 11 dhjetor 2020 iu konfirmohet krerëve të OVL UÇK-së, kryetarit Hysni Gucati dhe nënkryetarit Nasim Haradinaj”, ka shkruar ai.

Ai ka thënë se që të dy do të paraqiten në seancë gjyqësore në Gjykatën e Hagës më 15 dhjetor të këtij viti.