Deputeti i Lëvizjes “Vetëvendosje”, Mefail Bajqinovci ka paralajmëruar kryeministrin e vendit, Avdullah Hoti, se partia e Albin Kurtit nuk do të ndalet së publikuari skandalet e ekzekutivit.

“Ne nuk do ndalemi Avdullah. Do t’a publikojmë çdo skandal tuajin si kryeministër, e në të njëjtën kohë po e tenton t’a mashtrosh popullin”, është shprehur ai.

Postim i plotë:

Avdullah Hotit kur po ia publikojmë skandalet e tij dhe hajnitë e bashkpartiakëve, po na quan të dhunshëm. Është normale kjo gjuhë e tij, me të cilën po mundohet ta mbrojë veten e tij.

Ne nuk do ndalemi Avdullah. Do t’a publikojmë çdo skandal tuajin si kryeministër, e në të njëjtën kohë po e tenton t’a mashtrosh popullin.

Hallin e ke te skandalet që po t’i publikojmë, nëse është dhunē verbale skandali i dy milionëshit apo vjedhja arkês në AVUK si dhe vendimet e tua skandaloze atëherë ne qenkemi me të vërtetē të “dhunshëm”

Gjatë 24 orëve të fundit në vend janë shënuar 14 raste të vdekjeve me COVID-19.

Ndërsa janë shënuar edhe 560 raste si dhe janë shëruar 678 pacientë, transmeton Klan Kosova.

Rastet e vdekjes janë nga këto komuna: Prishtinë 6 raste (75, 74, 68, 66, 61, 48 vjeç), Ferizaj 2 raste (71, 62 vjeç), Gjakovë 2 raste (76, 60 vjeç), Pejë 2 raste (71, 72 vjeç), Gjilan 1 rast (56 vjeç), Istog 1 rast (64 vjeç).

Njoftimi i plotë:

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.620 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 560 raste pozitive.

Brenda 24 orëve janë raportuar 14 raste të vdekjes me SARS CoV-2 pozitiv. Rastet e vdekjes janë nga komunat: Prishtinë 6 raste (75, 74, 68, 66, 61, 48 vjeç), Ferizaj 2 raste (71, 62 vjeç), Gjakovë 2 raste (76, 60 vjeç), Pejë 2 raste (71, 72 vjeç), Gjilan 1 rast (56 vjeç), Istog 1 rast (64 vjeç).

Numri total i rasteve pozitive është 42.377 raste nga 151.363 persona të dyshimtë në virusin SARS-CoV-2 dhe 1.087 raste të vdekjes.

Gjatë 24 orëve të fundit, janë shëruar 678 pacientë derisa numri i përgjithshëm i të shëruarve deri më sot është gjithsej 27.821 raste, kurse numri i rasteve aktive është 13.469.

Rastet pozitive janë nga komuna Prishtinë 198 raste, Gjilan 54 raste, Mitrovicë 46 raste, Ferizaj 32 raste, Fushë-Kosovë 28 raste, Lipjan 23 raste, Podujevë 21 raste, Drenas 18 raste, Prizren 18 raste, Pejë 17 raste, Gjakovë 15 raste, Kamenicë 13 raste, Viti 11 raste, Vushtrri 11 raste, Obiliq 9 raste, Malishevë 7 raste, Suharekë 7 raste, Istog 5 raste, Klinë 5 raste, Rahovec 5 raste, Shtime 4 raste, Skenderaj 4 raste, Deçan 3 raste, Kaçanik 3 raste, Dragash 1 rast, Kllokot 1 rast, Zubin-Potok 1 rast.

Bashkim Osmani, pronar i kompanisë “Laberion”, që merret me prodhimin e lëngjeve në Kosovë, thotë se miratimi i Projektligjit për rimëkëmbje ekonomike, edhe pse shumë i vonuar, pritet të ndihmojë në rimëkëmbjen e bizneseve që kanë pësuar humbje nga pandemia e shkaktuar nga koronavirusi.

Kompania “Laberion”, për shkak të masave kufizuese për parandalimin e pandemisë, ka zvogëluar kapacitetet prodhues për 20 për qind, por që nuk ka larguar asnjë punëtorë nga puna.Me përfitimet eventuale nga Projektligji për rimëkëmbje ekonomike, Osmani thotë se do kujdeset për kushtet dhe pagat e punëtorëve. Numri i punëtorëve të rregullt në këtë kompani është 76, kurse 70 të tjerë punojnë gjatë sezonit të verës.

“Për mua punëtorët e kanë rolin kryesor dhe jo kompanitë. Unë prioritet apo kujdes të veçantë i kam punëtorët, mundohem që të krijoj favore, benificione në mënyrë që t’i motivoj për punë. Kështu që miratimi i projektligjit do më ndihmoj në këtë aspekt”, thotë Osmani për Radion Evropa e Lirë.Projektligji për rimëkëmbje ekonomike ka arritur të votohet të premten në Kuvendin e Kosovës, pas propozimit të disa amendamenteve nga Partia Demokratike e Kosovës, si kusht për të votuar projektligjin, me të cilat janë arritur votat e nevojshme për miratim.Kryeministri i Kosovës, Avdullah Hoti ka thënë se rreth 600 milionë euro arrin vlera financiare e këtij projektligji, me të cilën shumë do të përkrahen bizneset dhe qytetarët.

Cilat do të jenë përfitimet?
Një ndër propozimet e reja në kuadër të projektligjit është themelimi i një granti prej 200 milionë eurosh, për ndihmë direkte financiare bizneseve të cilat kanë vështirësi të funksionimit si rezultat i ndikimit të pandemisë së shkaktuar nga COVID-19. Këto mjete janë në kuadër të projektbuxhetit për vitin e ardhshëm.Këto mjete do t’iu shpërndahen të gjitha bizneseve sipas kritereve dhe kushteve të caktuara nga ana e një komisioni të posaçëm, i cili do të themelohet ekskluzivisht për këtë çështje nga ana e Qeverisë së Kosovës.Sipas këtij projektligji, të gjithë punëtorët që kanë humbur vendin e punës për shkak të ndikimit të pandemisë do të paguhen nga Qeveria e Kosovës me nga 300 euro për periudhën tetor-dhjetor 2020.

Edhe kontributpaguesit mund t’i tërheqin 10 për qind të kursimeve pensionale në Fondin e Kursimeve Pensionale të Kosovës.Sipas projektligjit, deri në shumën 10 mijë euro, në rast të tërheqjes së 10 përqindëshit nga kontributpaguesi, Qeveria e Kosovës do ta kompensojë atë brenda pesë vjetëve të ardhshme.Projektligji ka paraparë që lënda e parë e cila prodhohet nga veprimtaritë biznesore në Kosovë, pavarësisht a eksportohet jashtë vendit, të lirohet nga Tatimi mbi Vlerën e Shtuar (TVSH).

Përveç këtyre, në këtë projektligj, parashihet që Fondi Kreditor Garantues i Kosovës, (FKGK) të autorizohet që të lëshojë garanci kreditore me përqindje të mbulesës nga 50 deri në 80 për qind.Po ashtu, me qëllim të rimëkëmbjes ekonomike, Ministria e Financave mund të shtyjë afatin e pagesës së tatimeve deri në dy vjet nga data e hyrjes në fuqi të këtij ligji.Për bizneset që nuk arrijnë të bëjnë pagesën e deklaratës tatimore, nuk shqiptohet ndonjë ndëshkim, me kusht që pagesa të bëhet në tremujorin e parë të vitit 2021.Rukiqi: Këto mjete lehtësojnë gjendjen financiare të bizneseve

Bashkim Osmani nga kompania “Laberion” thotë se ndihma financiare e qeverisë për bizneset prapë kthehet te qeveria.“Çfarëdo ndihme për bizneset është e mirëseardhur për shkak se ato në mënyrë indirekte kthehen te qeveria sepse paguhen taksat, paguhen obligimet tjera. Por, duhet të jetë e menaxhuar në mënyrë adekuate dhe mënyrë profesionale”, shprehet Osmani.Edhe kryetari i Odës Ekonomike të Kosovës, Berat Rukiqi, në një bisedë për Radion Evropa e Lirë, thotë se miratimi i Projektligjit për rimëkëmbje ekonomike sjell favore për bizneset dhe lehtëson gjendjen financiare të tyre, duke shtuar se në këtë projektligj janë futur edhe kërkesat e komunitetit të biznesit.“Amendamentet e kanë pasuruar ligjin dhe janë shumë të rëndësishme për financim të bizneseve. Për këtë çështje edhe Partia Demokratike e Kosovës, edhe deputetë të pozitës që janë në Komisionin për buxhet dhe financa në Kuvendin e Kosovës, por edhe gjatë konsultimeve me qeverinë, pak a shumë kërkesat tona i kanë paraqitur në projektligj”, tha Rukiqi.Miratimi i këtij projektligj është pritur me padurim nga sektori privat, pasi që shumë biznese tashmë për një kohë të gjatë janë në vështirësi të mëdha financiare, thuhet në një komunikatë për media të Klubit të Prodhuesve të Kosovës.Edhe Aleanca Kosovare e Biznesit, pas miratimit të projektligjit ka thënë se “kjo është mbështetja më e madhe për të ngritur mirëqenien e të gjithë qytetarëve të Kosovës”.

Komuniteti i biznesit kërkon sa më shpejtë të fillojë zbatimi i projektligjit, duke mos humbur më kohë, pasi sipas tyre, kjo po i kushton mjaft shumë bizneseve të vendit.Kur mund të hyjë në fuqi Projektligji për rimëkëmbje ekonomike?
Sipas Kushtetutës së Republikës se Kosovës, projektligji i miratuar nga kuvendi nënshkruhet nga kryetari i Kuvendit të Kosovës dhe shpallet nga presidenti i Republikës së Kosovës tetë ditë pasi të ketë marrë ligjin. Nëse presidenti gjatë kësaj periudhe nuk merr asnjë vendim për shpalljen ose kthimin e tij, ligji konsiderohet i shpallur, pa nënshkrimin e presidentit dhe publikohet në Gazetën Zyrtare.Ligji hyn në fuqi 15 ditë pas publikimit në Gazetën Zyrtare të Republikës së Kosovës, përveç nëse, në vetë ligjin nuk përcaktohet ndryshe. /REL/

Partitë politike ende nuk kanë arritur një marrëveshje për postin e presidentit, megjithëse sot bëhen një muaj prej kur Kosova është me ushtrues detyre të presidentit.“Betonimi” i qëndrimeve të partive parlamentare po konsiderohet si arsye se kjo gjendje do të vazhdojë edhe në muajt e ardhshëm, përkundër paralajmërimeve të kryeministrit Avdullah Hoti për tryezë politike.Ndërkohë partitë nuk shprehen as të gatshme që krye vete të iniciojnë procedurat në Kuvend për zgjedhjen e presidentit.

Deputeti i LDK-së, Faton Bislimi thotë se koalicioni qeverisës nuk ka ende një kandidat për president të vendit, por shpreson se do të gjendet një zgjidhje.“Koalicioni qeverisës ende nuk ka kandidat për president. Ju e dini që ekziston tanimë një ftesë e kryeministrit Hoti për një tryezë me liderët partiak në mënyrë që të dakordohen për mundësinë e zgjedhjes së presidentit. Shpresoj që liderët politikë të vendit do të gjejnë mundësinë më të mirë të mundshme që zgjidhja e presidentit të kryhet. E mandej nëse ka nevojë të shkohet në zgjedhje ne si LDK nuk i frikësohemi zgjedhjeve në asnjë moment”, deklaron ai.Ani pse ka muaj që AAK-ja ka propozuar Ramush Haradinaj për president të vendit, ata ende nuk e shohin të arsyeshme të mbledhin nënshkrime për të proceduar në Kuvend kandidaturën e tij.

Deputeti Pal Lekaj thotë se procedurat në Kuvend mund të nisen posa të ketë pajtueshmëri të gjerë.Por në rastin e kundërt, Lekaj thotë se 14 deputetët e AAK-së nuk votojnë asnjë kandidat përveç liderit të tyre.
“Sa i përket procedurave është kushtetuese të merren tridhjetë nënshkrime. Por ne ende nuk kemi filluar, pasi nuk kemi një pajtueshmëri me subjektet tjera politike që janë në parlament. Pasi të dakordohemi dhe merremi vesh për kandidimin e zotëri Haradinaj për president ne do t’i mbledhim edhe nënshkrimet…Ne e kemi bërë të qartë që në fillim, ne 14 deputetët e AAK-së nuk votojnë asnjë kandidatë tjetër për president…do të vijë edhe koha kur do të ulemi dhe dakordohemi, ka një përafrim por jo aq sa mund të themi është e kryer puna. Shpresoj që ditët në vijim, apo javën e ardhshme të ulemi të gjitha subjektet politike që të bëjmë një zgjidhje”, thotë ai.Mosinteresim për këtë çështje shprehën në Lëvizjen Vetëvendosje.Deputeti, Artan Abrashi thotë se në këtë legjislaturë nuk mendojnë të procedojnë një kandidat për president.“Ne besojmë që Kuvendi si autoritet që bënë përzgjedhjen e presidentit nuk mund të procedojë këtë çështje. Unë besoj që ky formacion i kuvendit ka devijuar nga vullneti i qytetarëve që ka dalë nga vota e 6 tetorit. Rrjedhimisht e konsiderojmë të papërshtatshëm votimin e presidentit në këto rrethana. Tash krejt çka dëgjojmë është propozime politike dhe partiake që nuk reflektojnë me kritere që duhet t’i plotësojë një person si presidenti që paraqet unitetin e popullit. Rrjedhimisht LVV-ja në këtë legjislaturë nuk mendon të procedon një kandidatë për president”, thotë ai.Qëndrim të njëjtë, për KosovaPress shpreh edhe zëdhënësi i PDK-së, Avni Bytyçi, i cili thotë se aktualisht në parti nuk kanë diskutuar për këtë postë dhe rrjedhimisht nuk mund të procedojnë kandidat të tyre për president në Kuvend.Ndërsa, njohësi i Kushtetutës së vendit, Kushtrim Palushaj shpjegon rrjedhjen e afatit kur procedohen në Kuvend dy kandidatura për president të vendit.“Me një aktgjykim të Gjykatës Kushtetuese është përcaktuar se së paku të jenë dy kandidatë për president. Është përcaktuar ajo procedura e votimit të parë me dy të tretat e votave, nëse nuk sigurohet atëherë raundi i dytë. Në këtë rast duhet të kenë formalisht së paku dy kandidatë me tridhjetë nënshkrime të deputetëve të Kuvendit të Kosovës. Mirëpo siç duket partitë politike nuk kanë konsensus për kandidatë të cilët mund të zgjedhshin për president. Atëherë kandidatët e tillë duhet të marrin vetiniciativë dhe të mbledhin nënshkrimet dhe dorëzojnë në Kuvend për t’iu nënshtruar procedurës si president…afati është dy muaj 60 ditë kur duhet të zgjedhet presidenti i Kosovës dhe nëse nuk zgjidhet brenda 60 ditëve Kuvendi shpërndahet dhe vendi shkon në zgjedhje”, thotë ai.Kryeministri Avdullah Hoti ka paralajmëruar takim me liderët e partive politike javën e ardhshme për të gjetur një zgjidhje për presidentin. Që nga 5 nëntori në krye të shtetit si ushtruese e detyrës është Vjosa Osmani. /KP/

Kuvendi i Kosovës këtë legjislaturë po vazhdon të ballafaqohet me mungesë të kuorumit për votimin e ligjeve dhe rezolutave të shumta.Mosmarrja pjesë në votim të deputetëve të Kuvendit të Kosovës, është shndërruar në praktikë për këtë legjislaturë, e që ka ndikuar të grumbullohen pika të rendit të ditës që nga muaji gusht.

Organizatat që bëjnë monitorimin e punës së Kuvendit të Kosovës, deklarojnë se rregullorja e re e Kuvendit të Kosovës duhet të përfshijë ndëshkime financiare dhe ndëshkime të tjera për deputetët të cilët ani pse janë në sallën e Kuvendit, nuk marrin pjesë në votim duke e prishur kështu kuorumin.

Deputetët e Kuvendit të Kosovës, pagë bazë kanë një mijë e 547 euro, pa llogaritur këtu mëditjet që ata marrin për pjesëmarrje në seanca dhe në komisione parlamentare, që duke përfshirë këto paga e tyre arrin deri në dy mijë euro.Rregullorja aktuale e punës së Kuvendit të Kosovës nuk parasheh ndëshkime për deputetët që nuk marrin pjesë në votim gjatë një seance.E një gjë të tillë po e kërkon Artan Demhasaj nga organizata Çohu.

Ai thotë se rregullorja e re e Kuvendit të Kosovës duhet të parasheh sanksione për deputetët që nuk marrin pjesë në votim.
“Mendoj që po në rishikim të rregullores së Kuvendit duhet me u parapa kjo dhe duhet të sanksionohet kjo çështje për shkak se deputetët të marrin mandat nga qytetarët për ta përfaqësuar zërin e tyre, qoftë nëpër komisione apo edhe në seancat plenare të Kuvendit, qoftë me votën pro apo kundër në çka do që diskutohet aty dhe çka do që votohet.

Nuk e konsideroj që është e drejtë fakti që deputetët fillimisht bëhen pjesë e komisioneve, nënshkruhen në listat që janë aty dhe pastaj përmes atij nënshkrimi e marrin edhe mëditjen meqë kanë qenë pjesë e mbledhjes së komisionit apo edhe seancës plenare dhe në momentin kur diskutohet një pikë e rendit të ditës për të cilën ata nuk pajtohen, ata automatikisht largohen dhe e prishin kuorumin e mbledhjes, qoftë komision apo në séance, në Kuvend.

Pra, në momentin kur e nënshkruan listën dhe bëhesh pjesë e asaj mbledhje, mendoj që nuk ish dashtë me pas mundësi që më tutje pastaj në mes të mbledhjes t’i me dalë dhe me e prish kuorumin. Kjo mendoj që ish dashtë me u sanksionua me rregulloren e re të Kuvendit”, thotë ai.Të njëjtën kërkesë që rregullorja e re e Kuvendit të përfshijë sanksione financiare për deputetët që nuk marrin pjesë në votim e ka edhe Agnesa Haxhiu, nga Instituti Demokratik i Kosovës.Nëse do të kishte një dispozitë të tillë brenda rregullores së Kuvendit, Haxhiu thotë se do të ndikonte në zhbllokimin e punës së Kuvendit të Kosovës.

“Është shumë e rëndësishme që ta përfshijë një mekanizëm sanksionues financiar i cili do t’i sanksiononte deputetët të cilët nuk marrin pjesë në votim e para dhe e dyta nuk qëndrojnë gjatë gjithë kohës sa zhvillohen punimet plenare. Kjo nuk është një praktikë e re, sepse ka shumë parlamente edhe në vendet e Evropës po edhe në vendet e rajonit që e kanë një mekanizëm të tillë, si për shembull Kuvendi i Shqipërisë, Malit të Zi, Maqedonisë e kanë të integruar brenda rregullores së punës.

Kjo në fakt ka qenë edhe një propozim dhe një përpjekje e legjislaturave të kaluara sidomos të pestës dhe të gjashtës kur është hartuar një rregullore e re, ndonëse ka dështuar për t’u miratuar. Mirëpo, ka pasur një përpjekje që të vendoset një mekanizëm i tillë që në një farë forme do ta rriste përgjegjësinë e deputetëve karshi detyrave që i kanë. Prandaj, është shumë e rëndësishme që kjo të vendoset tash sa është koha duke u shqyrtuar rregullorja aktuale dhe është një farë mundësie që deri diku