Qytetarët po vazhdojnë që të mos i respektojnë masat antiCOVID-19.

Ndaj qytetarëve që po shkelin masat e vendosura për parandalimin e përhapjes së COVID-19 po shqiptohen gjoba nga Policia e Kosovës, për çka parashihet edhe me Ligjin për Pandeminë COVID-19 i miratuar muaj më parë në Kuvendin e Kosovës me 77 vota pro, 7 abstenime dhe asnjë kundër.

E vetëm gjatë së dielës, policia ka shqiptuar 603 gjoba për mos respektim të masave antiCOVID.

Policia e Kosovës ka arrestuar një person të dyshimtë në Vushtrri, për shkak se kishte organizuar aheng me rreth 200 persona duke rënë në kundërshtim me masat e lëshuara nga Qeveria.

I njëjti pas intervistimit me vendim të prokurorit është liruar në procedurë të rregullt.Duhet përkujtuar se si pasojë e përhapjes së virusit COVID-19 dhe situatës së rënduar nga ky virus Qeveria pati ndaluar tubimin e shumë personave në një hapësirë të njëjtë.

Në mbledhjen e sotme të Qeverisë së Kosovës është marrë vendim për rithemelimin e Lotarisë së Kosovës.Ministrja e Financave, Hykmete Bajrami, sot në fjalën e saj gjatë prezantimit të projektligjit, ka deklaruar se me këtë vendim nuk përfshihet edhe rihapja e bastoreve, kazinove dhe llojeve të tjera të lojërave të fatit.

“Lotaria e Kosovës ka të drejtë që të organizojë vetëm dy lloje të lojërave, ato numerike dhe instant”, ka thënë Bajrami.

“Janë 62 punëtorë që kanë mbetur pa punë dhe me këtë ligj ata automatikisht kthehen në punë”.Bajrami ka theksuar se Qeveria e Kosovës është aksionar i Lotarisë së Kosovës dhe që organ mbikëqyrës i saj është bordi i saj që ka mandat katërvjeçarë.

Isak Asllani familjarët iu vranë para syve. Edhe ai lehtë mund të ishte martir i luftës së fundit në Kosovë, por ai mbijetoi për të treguar.

Për të treguar se çka ndodhi në Kosovë, derisa eshtrat e atyre që sillen nga varrezat masive nga Serbia, tregojnë pjesën tjetër të atij tmerri.

Atij iu vranë 7 fëmijë. Gruaja. Nëna. Gruaja e vëllait dhe një mbesa 6 muajsh.

20 vjet më vonë ai e nuk e ka të lehtë që të flas. Por më shumë se sa tragjedia e tij atë e acaron padrejtësia. Fakti që sidomos drejtësia ndërkombëtare e instaluar në Kosovë pasluftës nuk solli para gjyqit ata që ia vranë familjen.

Ai ka humbur krejt familjen e ngushtë. Por as sot e as më herët nuk mban urrejtje ndaj ndonjë personi të pafajshëm, pavarësisht kombësisë.

“Unë e kam gruan me 7 fëmijë të vrarë prej Serbisë, nënë dhe kunatën me një vajzë të vogël 6 muajshe. Këtë punë e kemi prit prej Serbisë gjithmonë, mirëpo tash po vazhdon hala po ka miq që po përkrahin për mu habit padrejtësisht edhe ushtarakët tonë politikanë tonë po gjinden nëpër burgje edhe ka pas media shumë që kanë ardhë në ato media më kanë pyetur edhe gazetarët edhe poltikanët e jashtëm kanë thënë si mendon me jetu serbë nesër. Gjithmonë kam thënë që me serbë të pafajshëm me gra e fëmijë nuk kemi të bëjmë UÇK edhe sot po e them që ne qato punë nuk i kishim bërë as nuk i kemi bërë kurrë. Kisha pas një apel të udhëheqësisë më qenë më të bashkuar me rastin e të zhdukurve masakrave që janë bërë sa ma shpejt me zbardhë”, ka deklaruar ai.

Gjykata Speciale edhe me tej vazhdon të jetë shpresa vetme e familjarëve të ish-anëtarëve të Lidhjes Demokratike të Kosovës, të vrarë në rrethana të pasqaruara.Se Specialja do të merret me zbulimin e të vërtetës për ish-zyrtarët e vrarë të LDK-së, këtë e bënë edhe më të fortë pasi ky subjekt përmendet shumë herë në aktakuzën e publikuar ditë më parë nga Dhomat e kësaj gjykate.

Aktakuza e publikuar nga Dhomat e Specializuara e cila ka 69 faqe, përmenden raste të ndryshme për të cilët ish-krerët e UÇK-së po akuzohen nga Gjykata Speciale. Madje përmenden edhe anëtarë e përkrahës të Lidhjes Demokratike të Kosovës, të cilët thuhet se janë torturuar e frikësuar nga ish-udhëheqësit e UÇK-së.

Lidhur më këtë çështje, gazeta “Bota sot”, ka kontaktuar njohës të rrethanave politike, dhe të çështjeve juridike në vend.Analistët konsiderojnë se gjykata do të merret ekskluzivisht edhe me vrasjet e pasluftës, kryesisht të aktivistëve të vrarë të Lidhjes Demokratike të Kosovës.Ndërsa, sipas tyre, në veçanti dhe në fokus të këtyre vrasjeve do të jetë ish-kreu i Partisë Demokratike të Kosovës, Kadri Veseli.

Analisti politik, Faton Mehmeti, në një prononcim dhënë gazetës “Bota sot”, ka thënë se shpresat e familjarëve janë se Specialja do të zbulojë të vërtetën e kërkuar për dy dekada.Ai është i mendimi se gjykimi ndaj ish-kreut të PDK-së, Kadri Veseli, do të jetë fokus lidhur me vrasjet e aktivistëve të Lidhjes Demokratike të Kosovës.“Padyshim se Gjykata Speciale do të merret me vrasjet e pasluftës, kryesisht të aktivistëve të vrarë të LDK-së. Kjo është një shpresë për familjarët e të vrarëve që më në fund të zbardhet e vërteta, dhe që eshtrat e të vrarëve të prehen të qetë. Në veçanti në gjykimin ndaj Kadri Veselit, fokusi do të jetë te vrasjet e aktivistëve të Lidhjes Demokratike të Kosovës, të cilët dihet se janë vrasje nga rivaliteti politik”, është shprehur Mehmeti.

Tutje, ai thekson se zbardhja e këtyre vrasjeve do të jetë goditje e fortë për Partinë Demokratike të Kosovës, pasi që, sipas analistit, kryetari i kësaj të fundit është i përfshirë në këtë proces.“Zbardhja e vrasjeve të aktivistëve të lartë të Lidhjes Demokratike të Kosovës do të jetë goditje e fortë për Partinë Demokratike të Kosovës, me kryetarin e saj të përfshirë në këtë proces. Besoj se do të dalin në pah urdhërdhënësit e vrasjeve te pasluftës, të cilët do të marrin dënimin e merituar”, ka theksuar analisti politik, Faton Mehmeti.

Kurse, profesori i shkencave politike, Jeton Kelmendi, në një bisedë për “Bota sot”, ka thënë se përmendja e ish-zyrtarëve të vrarë të LDK-së në aktakuzën e publikuar nga Dhomat e Specializuara është një temë e nxehtë, pasi sipas tij, viktimat dihet se janë nga LDK-ja, dhe krejt kjo ka ndodhur për çështje politike.“Përmendja e anëtarëve të Lidhjes Demokratike të Kosovës në aktakuzën e publikuar nga Dhomat e Specializuara për të akuzuarit Hashim Thaçi, Kadri Veseli, Rexhep Selimi e Jakup Krasniqi, është një temë e nxehtë, pasi dihet se viktimat janë nga radhët e LDK-së dhe krejt kjo për çështje politike.

Në këtë rast janë dy anët e medaljes. E para; të bën të mendosh se po afrohet zbardhja e këtyre vrasjeve, që mendohet ose supozohet që të kenë pasur edhe urdhërdhënës, e për çka Specialja pretendon se këta njerëz dinë për vrasjen e zyrtarëve të LDK-së, gjegjësisht rivalëve të tyre politik”, shprehet Kelmendi.Se a do të ndodhë mrekullia e zbardhjeve të vrasjeve të ish-zyrtarëve të Lidhjes Demokratike të Kosovës, profesori universitar shprehet se kjo çështje mbetet për t’u parë, por që Kelmendi shpreh edhe doza skepticizmi.

“Nga aspekti i tjetër është, pra ana tjetër e medaljes është e keqe për Kosovën pasi këta njerëz që janë në Gjykatën Speciale janë krerë institucionesh. Është ish-presidenti Hashim Thaçi, dy ish-kryetarët e Kuvendit të Kosovës, Kadri Veseli e Jakup Krasniqi, dhe ish-shefi i Grupit Parlamentar të VV-së, Rexhep Selimi. Pra, janë figura të rëndësishme politike, dhe mënyra se si është duke i përdorur gjykata edhe mund të jetë për t’i deskridituar në masë të madhe. Se a do të ndodhë ajo mrekullia, kushtimisht ta quajmë, për zbardhjen reale të vrasjeve politike, mbetet për t’u parë, por vazhdoj të jem skeptik, pasi këto vrasje nuk janë zbardhur nga Gjykata e UNMIK-ut, as nga Gjykata e EULEX-it, dhe as nga gjykatat vendore”, tha me tej profesori dhe njohësi i çështjeve politike.Kelmendi në këtë bisedë thekson se duhet pritur verdikti i gjykatës lidhur me aktakuzat e ngritura, dhe se opinioni nuk duhet të merret me thashetheme.“Faktet edhe mund të jenë humbur, natyrisht në vrasjet dëshmitarët edhe mund të jenë blerë, të ndërrojnë deklaratat pasi që kanë kaluar dy dekada nga koha e këtyre vrasjeve. Sido që të jetë duhet pritur, dhe duhet duruar në raport me drejtësinë, pra nuk duhet të bije pre e opinionit se këta qenkan fajtorët, por as nuk duhet thuhet se këta qenkan të pafajshmit, thjesht duhet t’i lihet gjykatës. Pasi e kemi prurë këtu punën, dhe janë duke u akuzuar këta njerëz për pretendimet e gjykatës, thjesht duhet të durojmë, dhe të mos merremi me thashetheme dhe të presim verdiktin e gjykatës”, tha krejt në fund profesori i shkencave politike, Jeton Kelmendi, për gazetën “Bota sot”.Ndërsa, nga ana tjetër, juristi dhe njohësi i çështjeve juridike, Blerim Burjani, në një prononcim dhënë gazetës “Bota sot”, ka thënë se e gjithë aktakuza e Dhoma të Specializuara është hipotetike.Burjani konsideron se prokuroria edhe me tej është ende është larg arritjes së qëllimit të saj, pra rreth zbulimit të vrasjeve të zyrtarëve të LDK-së.“Tash kjo aktakuzë është hipotetike, por kuptohet se të gjitha rastet duhet zbardhur, është detyrë e drejtësisë të zbardhë faktet nëse ka dhe nëse ka ende të dyshuar për rastet pretenduese. Prokuroria ende është larg arritjes së qëllimit të saj, fjalët janë diçka tjetër edhe përmbajtja. por faktet janë diçka tjetër”, është shprehur Burjani.Juristi me tej për gazetën “Bota sot”, ka shpjeguar situatën e krijuar, dukë thënë se sigurimi i provave dhe fakteve tjera lidhur me vrasjet e ish-anëtarëve të LDK-së është një çështje mjaftë e komplikuar për këtë gjykatë.“Njerëzit nuk mund të akuzohen pa emra dhe pa fakte dhe pa kurrgjë. Kjo gjykatë tenton përgjatë kohës së seancës të zbardhë diçka nëse ka prova, por është e komplikuar shumë kjo çështje, pra sigurimi i provave dhe fakteve tjera është mjaftë e komplikuar për këtë gjykatë”, ka deklaruar juristi Blerim Burjan

Ditë më parë, sekretari i përgjithshëm i PDK-së, Uran Ismaili, hapur shprehur dëshirën për të kandiduar për kryetar të Prishtinës, në zgjedhjet komunale që mbahen në tetor të vitit 2021.

Siç duket Ismaili do ta ketë edhe përkrahjen e partisë dhe së shpejti pritet të zyrtariohet edhe kandidat për të parin e kryeqytetit.

Enver Hoxhaj, kryetar në detyrë i PDK-së, ka deklaruar se Ismaili ka mbështetjen e tij.

“Nuk kemi arritur deri tash ta bisedojmë këtë teme. Ismaili e ka mbështetjen time, por duhet ta bisedojmë me degën, por i ka të gjitha përgatitjet për të qenë kryetar i Prishtinës”, ka deklaruar Hoxhaj në REPORTERI/INTERVISTA.