Kryeministri Avdullah Hoti, përmes një konference për media, dje ka shpalosur masat e reja anti-COVID të cilat pritet të hyjnë në fuqi nesër.

Këto masa janë të ndryshme nga komuna në komunë, në varësi të numrit të rasteve me të infektuar, nga zona e kuqe deri tek zona e verdhë.Infektologu, Izet Sadiku, përmes një postimi të bërë në FB ka folur në lidhje me këto masa, ndërsa ka thënë se edhe Kosova ashtu si edhe vendet e botës, sidomos ato europiane, po ballafaqohet me situatë alarmante.

Ai tutje ka shtuar se spitalet po mbushen, ndërsa ka kritikuar disa politikanë të cilët sipas tij në duhet të merren me angazhim rreth Pakos së Rimëkëmbjes Ekonomike.Ky është postimi i tij (pa ndërhyrje):Masat antiCOVID19
Kosova sikurse plot vende te botës e sidomos vendet europiane po ballaafqohet me një situatë alarmante me COVID19!

Spitalet po mbushen shpejt, numri i punëtorëve shendetësor të infektuar po rritet dhe të gjitha këto parametra i limitojnë mundësit tona spitalore me çka rrezikohet mundësia për dhenjën e shërbimeve për të gjithë ata që mund te kenë nevoje për trajtim spitalor.
E kur dihet se njëra nga rezultaet e trajtimit të sukseshëm është fillimi i trajtimit me kohë dhe percjellja në dinamik.Masat e reja janë të propozuara nga ekspertet shëndetësor që ka vendi, të cilët kanë pasur barrën kryesore në ballafaqim me pandemin që nga fillimi i këtij viti.

E kemi parë se si është mengjuar pandemia në vendet ku politikanët nuk kanë ndëgjuar sygjerimet e ekpsertëve shëndetësor dhe kemi parë si e kanë menagjaur vendet ku janë respektuar sygjerimet e ekspertëve shëndetësor psh. Gjermania dhe kancelarja Merkel janë shembulli më i mirë.

Disa politikan më mirë se të meren me kritik ndaj masave do të ishte mirë të angazhohen më shumë në respektimin e tyre sepse mosrespektimi i masave ka qenë njëra nga arsyet e rritjes së rasteve të reja dhe na ka sjelll në këtë situatë.Reagimet e veprimtarive biznisore të ndryshme janë të kuptushme, por nuk duhet propozuar masa që rrezikojnë jetën e njerëzve por fokusi të jetë në pakon e rimëkëmbjen ekonomike.

Duhet përkrahur anagzhimin e pakursim të punëtorëve të arsimit të cilët sikur në vitet ’90 po bajnë veprime titanike për mbajtjen e sistemit shkollor për kundër ritjes së numrit të infektuarëve në mesin e tyre dhe nxënseve.
Politikanët do të duhej të anahzhiheshin rreth pakos së rimëkëmbjes ekonomike për të kalur sa më leht kjo situatë e emrgjencës së shëndetit publik e cika e ka për detyre të ruaj jetën e njerëzve nga pandemia COVID19 e cila vazhdon të jetë pandemia me madhe pas asaj të gripit spanjoh para 100 viteve.

Kami hyrë në fazën kur kanë filluar të qartësohen gjërat pët futjen në kontroll tē kësaj pandemie.
Ne duhet të angazhohemi ta ruajëm shëndetin dhe jetën e secilit qytetar të gendit tonë.

Duhet të angazhohemi që me aprovimin e vaksinës anti COVID19 e cila po duket në horizont, ta sigurojmë sa më shpejt vaksinën se e dim sa do të ketë kërkesë për të, e deri atëherë të respektojme masat e propozuara që kanë pêr qëllim ruajtjen e jetës të secilit prej nesh.

#mbajemasken#mbajedistancen#mbajehigjenen#mosdilpaneboje

Kuvendi i Kosovës do të mblidhet në ora 10:00. Në këtë seancë pos tjerash janë paraparë edhe dy interpelanca të kryeministrit Hoti.

Hoti me kërkesë të Lëvizjes Vetëvendosje do të ballafaqohet me deputetët për dy tema, për Liqenin e Ujmanit dhe për personat e pagjetur.

Në këtë seancë priten të shqyrtohet edhe disa projektligje.

Ky është rendi i ditës:

Deklarimet jashtë rendit të ditës,

Pyetjet parlamentare,

Interpelanca e Kryeministrit të Republikës së Kosovë, z. Avdullah Hoti, sipas kërkesës së deputetit Liburn Aliu, mbështetur edhe nga 6 deputetë të GP të LVV-së, për çështjen “Përfshirja dhe ndarja e liqenit të Ujmanit me Serbinë në dokumentin e zotimeve të 4 shtatorit 2020”,

Interpelanca e Kryeministrit të Republikës së Kosovë, z. Avdullah Hoti, sipas kërkesës së deputetes Saranda Bogujevci, mbështetur edhe nga 6 deputetë të GP të LVV-së, për çështjen “Trajtimi i dëmshëm i temës së të pagjeturve në zotimet e 4 shtatorit, duke e kushtëzuar me personat e zhvendosur”,

Shqyrtimi i parë i Projektligjit nr. 07/L-033 për të Drejtën Ndërkombëtare Private,
Shqyrtimi i parë i Projektligjit nr. 07/L-027 për ndryshimin dhe plotësimin e Ligjit nr. 04/L-008 për Këshillin Ekonomiko-Social,

Shqyrtimi i parë i Projektligjit nr. 07/L-028 për Inspektoratin e Punës,
Shqyrtimi i parë i Projektligjit nr. 07/L-038 për identifikimin elektronik dh shërbimet e besuara në transaksionet elektronike,

Shqyrtimi i parë i Projektligjit nr. 07/L-012 për ndryshimin dhe plotësimin e Ligjit nr.03/L-073 për zgjedhjet e përgjithshme në Republikën e Kosovës, i ndryshuar dhe plotësuar me Ligjin nr.03/L-256,

Shqyrtimi i Raportit të Buxhetit të Republikës së Kosovës për vitin 2019,

Shqyrtimi i Raportit Vjetor të Organit Shqyrtues të Prokurimit për vitin 2019,

Shqyrtimi i Rekomandimeve të Komisionit për Mbikëqyrjen e Financave Publike, për raportin e auditimit të Pasqyrave Vjetore Financiare të Ministrisë së Arsimit, Shkencës dhe Teknologjisë për vitin 2019,

Shqyrtimi i Raportit Vjetor të Komisionit Rregullator të Prokurimit Publik për vitin 2019,

Shqyrtimi i Raportit Vjetor të performancës së Zyrës Kombëtare të Auditimit për vitin 2019,

Shqyrtimi i Raportit Vjetor të Agjencisë së Statistikave të Kosovës për vitin 2019,

Formimi i Komisionit Ad-Hoc për përzgjedhjen e kandidatëve për dy (2) anëtarë të Komisionit të Pavarur të Mediave, nga radhët e komunitetit shqiptar.

Vendi: Në sallën e Kuvendit Koha: 10:00

Shefi i Grupit Parlamentar të AAK-së, Daut Haradinaj flet për krimet ndaj katolikëve që përmenden në aktakuzën ndaj Hashim Thaçit dhe të tjerëve.

Haradinaj tha se duke u nisur që aktakuza ka shkuar deri në këtë nivel, tregon qëllimin e aktakuzës. Ai tha se nuk i intereson feja dhe se ai është shqiptar.

“Në Dukagjin nëse i ke thon dikujt je katolik ose mysliman je kon burrë i keq. Para çdo feje unë e kam etninë time. Unë jam shqiptar i vendit tem. Mua nuk më intereson hiç ku është feja, nëse nuk kam shtet e as vatan, çka ka rëndësi feja”, tha Haradinaj në Kanal10.

Zëvendëskryeministri i parë i Kosovës, Besnik Tahiri thotë se përplasjet politike në këtë kohë do të dëmtonin të akuzuarit në Hagë.

“Duhet të jemi të kujdesshëm me deklarata pasi do të dëmtohet pozicioni i atyre që po akuzohen nga Specialja…Deklarata si ajo e Sali Berishën që i thotë Thaçit tradhtarë nuk janë në rregull në këtë kohë”, deklaroi në Dukagjin.

Duke folur për situatën aktuale politike në vend, Tahiri thotë se AAK nuk e ka ndërmjet të tërhiqet që Ramush Haradinaj ta merr pozitën e presidentit.

“Kuvendi i Kosovës i ka 120 deputetë. Le ta zgjedhin presidentin mbi 100 deputetët tjerë që janë në Kuvend pa AAK-në”, tha ai.

Zëvendëskryeministri i parë thotë se diskursi publik në Kosovë ka ndryshuar pasi Gjykata Speciale ka dalë me aktakuzë ndaj Thaçit e Veselit.

“Në këto rrethana të rënda Haradinaj ka kapacitetin, lidershipin njohurinë për të qenë president dhe për të krijuar stabilitetin në Kosovë, pasi vet ka kaluar nëpër këto procese…Në këto rrethana ne kemi një ofertë, që nuk pranohet oferta shkojmë në zgjedhje”, deklaroi Tahiri

Që nga 13 marsi kur edhe u shënuan dy rastet e para me COVID-19 në Kosovë, kanë humbur jetën 777 persona.Numri i të prekurve me koronavirus ka arritur në 26 mijë e 121 persona, ndërsa 16 mijë e 499 prej tyre janë shëruar.Kurse numri i rasteve aktive është 8 mijë e 845.

Deri më tani si të të dyshimtë në virusin SARS-CoV-2 janë testuar 111 mijë e 560 persona.“Numri total i rasteve pozitive është 26.121 raste nga 111.560 persona të dyshimtë në virusin SARS-CoV-2 dhe 777 raste të vdekjes.

Gjatë 24 orëve të fundit, janë shëruar 137 pacientë derisa numri i përgjithshëm i të shëruarve deri më sot është gjithsej 16.499 raste, kurse numri i rasteve aktive është 8.845”, thuhet në raportin e fundit të Institutit Kombëtar të Shëndetësisë Publike (IKSHPK

Instituti Hidrometeorologjik i Kosovës bën të ditur se do të mbajë mot me diell dhe pjesërisht i vranët.

Në mëngjes nëpër ultësira parashihet të ketë mjegull të radiacionit, për shkak të kthjellimeve dhe rënies së temperaturave minimale.IHK njofton se temperaturat minimale do të lëvizin ndërmjet 0-2 gradë Celsius, ndërsa maksimalet e ditës parashihen të lëvizin ndërmjet 12-14 gradë Celsius.