Asambleisti i AAK-së në Prizren, Ilir Baldedaj, përmes një postimi në facebook thotë se drejtori i gjimnazit “Gjon Buzuku”, Jeronim Susuri, ka punësuar motrën e tij Blerina Susuri në shkollën “Heronjtë e Lumës”.

Ai thotë se depolitizimi në arsimin prizrenas ishte ndër prioritetet e para të Mytaher Haskukës, por premtimet mbetën vetëm kujtim nga fushata politike e Lëvizjes Vetëvendosje.

Postimi i plotë:

Skandal pas skandali!

Drejtori i Gjimnazit “Gjon Buzuku” Jeronim Susuri e paska rehatu mirë motrën e vetë Blerina Susuri në shkollën “Heronjtë e Lumës”. Skandali nuk mbaron me kaq, ai e rehatoi edhe vjehrrën e vetë Agnesa Laçi në shkollën “Haziz Tola”.

Depolitizimi në Arsim ishte ndër prioritetet e para të Mytaher Haskukës, por premtimet mbetën vetëm kujtim nga fushata politike e Lëvizjes Vetëvendosje!

Ndërsa këto skandale do të mbeten hija më e keqe që do të kujtohen ndonjëherë në kryeqytetin tonë Historik.

Skandalet tona, tani po dëgjohen edhe në Tiranë!

POSTIMI I PLOTË

Zafir Berisha, zv.ministër në Ministrinë e Punëve të Brendshme dhe koordinator nacional për Siguri Kibernetike, në emisionin “N’shpi” në KTV, shpalosi një histori nga jeta e tij që tha se kishte 25 vjet që e mbante në vete.

Ai tha se në fillim të viteve ’90, për shkak të rrethanave politike iu desh atij dhe tre vëllezërve të tjerë të largohen nga Kosova. Pikërisht në periudhën që ata ishin jashtë vendit, iu martua motra e vetme.

Motrën nuk e panë gjashtë vjet.

“Edhe baba ishte në Gjermani, nëna vetëm, motra Liza u martua pa asnjë burrë të shtëpisë”, tha ai.

“Në fillim të 98-s unë kthehem në luftë edhe dy-tre javët e para deri sa u organizuam, edhe mu më ra të kalojë afër derës së motrës, ku ishte e martuar, edhe pse ishim ende pa dalë publikisht, me një shok, pasi kalova nja 10 metra, u ktheva prapa, thashë s’ka mundësi ta kaloj, e qela derën e oborrit, pa prit një fëmijë, Argjendi pra djali i motrës, 2-3 atëherë, bërtiti ‘mami’ se unë me mjekër, i pazakontë, edhe motra qëllon me enë kështu”, kujtoi ai.

Për zv.ministrin Berisha, ky ishte një moment që nuk do ta harrojë kurrë në jetë dhe se kishte 25 vjet që e mbante brenda.

Bisedën e plotë mund ta ndiqni më poshtë.

Prokuroria në Prizren ka hedhur poshtë pretendimet e kryetarit të Prizrenit, Mytaher Haskuka, karshi kryetarit të degës së PDK-së në Prizren, Shaqir Totaj.

Haskuka kishte paraqitur kallëzim penal ndaj Shaqir Totajt, Jeton Bytyqit (anëtar i PDK-së në Prizren) dhe dr. Sylejman Nishorit që e kishte shoqëruar delegacionin e PDK-së gjatë vizitës në Korishë me arsyetimin se kishin shkelur rregullat e karantinimit të fshatit Korishë me vizitën e tyre.

Kallëzimi penal lidhej me veprën penale – mosveprim sipas dispozitave shëndetësore gjatë epidemisë.

Prokuroria ka hedhur poshtë akuzën pasi në veprimet e të dyshuarve nuk inkriminohen elementet e kryerjes së veprës penale të cilën kishte pretenduar Haskuka.

Gjithashtu, sipas prokurorisë kjo vepër konsiderohet e konsumuar vetëm kur kemi të bëjmë vendime individuale që organet kompetente të autorizuara me ligj kanë lëshuar ndaj cilido person apo grup personash për ndonjë masë konkrete që ai ap ata të mos veprojnë. Pra, sipas prokurorië, kjo vepër penale është e inkriminuar nga mos veprimi sipas urdhrave apo vendimeve të nxjerra në bazë të dispozitave ligjore nga organi kompetent në bazë të të cilave caktohen masat që kanë ëpr qëllim luftimin apo parandalimin e tyre.

Po ashtu, në vendim thuhet që kryerësi përgjegjës duhet të ekzistoj dashje e cila duhet të përfshijë në vete vetëdijen e kryerësit se veprimi është marrë gjatë kohës së pandemisë.

Haskuka kishte pretenduar se Shaqir Totaj me veprimin e tij nuk ka vepruar sipas urdhrave apo vendimeve të nxjerra  në bazë të dispozitave të organit kompetent, vendime këto  që kanë pasur për qëllim luftimin apo parandalimin e përhapjes së epdemisë.

Më 4 prill fshati Korishë ishte shpallur zonë karantinë me vendim të Ministrisë së Shëndetësisë.

Më 7 prill kryetari i PDK-së në Prizren, Shaqir Totaj së bashku me një delegacion të PDK-së dhe një mjek, Sylejman Nishorin, kishin vizituar fshatin Korishë.

Totaj kishte shkruar në Facebook se ka vizituar këtë fshat për të vizituar për së afërmi shtabin lokal të formuar nga vetë banorët.

“Kjo vizitë u bë në plotëni me rekomandimet e institucioneve tona relevante, për mbajtjen e distancës dhe masat tjera mbrojtëse”, thotë në  njoftimin e tij për vizitën Shaqir Totaj.

Rreth hedhjes poshtë të kallëzimit penal, ka reaguar anëtari i PDK-së, Jeton Bytyqi, i cili ka marrë pjesë në këtë vizitë.

Bytyqi përmes reagimit ka thënë se Mytaher Haskuka ka dashur që të hutojë të tjerët për dështimet në menaxhimin e pandemisë dhe ka ngritur kallëzim penal ndaj tyre.

Gjithashtu, Bytyqi ka thënë se do të iniciojnë procedurë penale ndaj Haskukës sepse ka publikuar kallëzimin penal në Facebook I cili ka pasur të dhëna personale të mbrojtura me ligj.

Publikimi i Bytyqit:

Dështimi i radhës, nga kryedështaku i Prizrenit z.Mytaher Haskuka!

Bëri shumë zhurmë për asgjë, se gjoja kemi shkelur ligjet aktuale në fuqi dhe ngriti kallëzim penal me motive politike në kohë të pandemisë. U tregua aq i paskrupullt, injorant, mashtrues dhe i padishëm “prof.dr.” Mytaher Haskuka, saqë në vend se të mirrej seriozisht me luftimin e pandemisë Covid-19, ai tentoi që përmes kallëzimeve penale, që dolën të jenë të kota, ta hutoj opinionin publik dhe ta shpërqëndroj vëmendjen nga dështimi total i tij, për mos menaxhim adekuat me pasojat e koronavirusit. Por, në fund drejtësia foli drejt, sepse të gjitha ato supozime nga z.Haskuka, dolën të jenë antikushtetuese.

Ndërsa sa i përket publikimit të kallëzimit penal ndaj nesh në faqen e tij në fb, Kryetari i Komunës së Prizrenit, ka cënuar rëndë dhe ka shkelur ligjin për mbrojtjen e privatësisë dhe për mbrojtjen e të dhënave personale, ku rrjedhimisht për këto shkelje z.Mytaher Haskuka, për shkak të cënimit të personalitetit, ne, si palë të dëmtuara, do të inicojmë procedurë penale pranë organeve kompetente.

Në vijim gjeni: Vendimin e Gjykatës Supreme dhe njoftimin e hudhjes poshtë të kallëzimit penal, nga Prokuroria Themelore në Prizren.