Ministres së Punëve të Jashtme dhe Diasporës, Meliza Haradinaj-Stublla, pasditen e sotme, i është sulmuar llogaria e saj në Facebook.

Sipas MPJD-së, ky sulm kibernetik ndaj llogarisë së saj vjen pas reagimit që kishte sot ndaj deklaratave tendencioze të Aleksandër Vuçiqit, ish ministër dhe bashkëpunëtor i afërt i Sllobodan Millosheviqit, i cili kërcënoi hapur me luftë të re në Ballkan të gjitha shtetet fqinje të rreshtuara me NATO-n, duke thënë se Serbia duhet të vazhdojë forcimin ushtarak.

“Ministria e Punëve të Jashtme dhe Diasporës kërkon mirëkuptimin e opinionit publik deri në ri-kthimin e llogarisë”.

Me urdhër të Prokurorisë Speciale të Republikës së Kosovës, Drejtoria për Hetimin e Krimit të Organizuar, përkatësisht Sektori për Hetime të Krimeve Kibernetike, si dhe në kuadër të bashkëpunimit ndërkombëtar (Gjermaninë), pas hetimeve disamujore dhe shkëmbimit të informacioneve me Autoritetet Gjermane, gjatë ditës janë kontrolluar 13 lokacione në Prishtinë, Fushë Kosovë dhe Vushtrri, ku janë arrestuar nëntë (9) persona të dyshimtë (disa prej tyre në flagrancë), ka bërë të ditur përmes një komunikate Prokuroria Speciale.

Prokuroria ka bërë të ditur se bazuar në dyshimeve të mbledhura gjatë hetimeve, është ardhur në përfundim se ekziston dyshimi i bazuar që të dyshuarit me inicialet: A.K., K.B., F.G., A.S., H.K., L.B., L.B., E.Z dhe H.B., në bashkëveprim me njëri tjetrin, me qëllim të përfitimit material në mënyrë të kundërligjshme, përmes sistemeve kompjuterike kanë komunikuar përmes e-maileve dhe telefonit me viktimat, kryesisht shtetas të huaj, të cilët i kanë mashtruar dhe më pas detyruar që përmes institucioneve mikro-financiare që operojnë në Republikën e Kosovës, të ju dërgojnë mjete financiare (para) në vlera të ndryshme.

Gjatë këtij operacioni janë sekuestruar, të gjitha provat relevante të cilat janë përdorur për kryerjen e veprave penale.

Në cilësi të provave janë sekuestruar: 35 (tridhjetë e pesë) shtëpiza kompjuteri; 31 (tridhjetë e një) monitorë kompjuteri; 4 (katër) llaptopa; 1 (një)veturë Audi A8; 15 (pesëmbëdhjetë) telefona mobil; 5 (pesë) USB; 53 (pesëdhjetë e tre) CD; 2 (dy) revole me gaz; 52 (pesëdhjetë e dy) copë municion dhe dokumentacion i ndryshëm (fletore, dorëshkrime etj.).

Me urdhër të Prokurorit të Prokurorit të Prokurorisë Speciale, tetë (8) të dyshuarit me inicialet A.K., K.B., F.G., A.S., H.K., L.B., L.B., E.Z janë dërguar në mbajtje, ndërsa, e dyshuara me inicialet H.B., është liruar në procedurë të rregullt.

Nëntë persona janë arrestuar nga Policia e Kosovës, mbi dyshimin për veprën penale krime kibernetike, mashtrim ndaj qytetarëve të shteteve të ndryshme të Europës.

Burime brenda institucioneve të Sigurisë në vend, për Klan Kosovën bëjnë me dije ekskluzivisht se në këtë aksion për arrestimin e të dyshuarve u përfshinë rreth 140 policë.

Të arrestuarit, janë të gjithë shqiptarë.

Gjithashtu vlera e dëmit të shkaktuar është miliona Euro, njofton Klan Kosova.

Klan Kosova mëson se aksioni u zhvillua në 13 lokacione të ndryshme përfshirë Prishtinën, Fushë Kosovën.

E gjithë kjo u realizua pas shkëmbimeve të informacioneve me autoritetet nga Gjermania, dhe hetimeve disamujore.

Ministrja e Jashtme e Kosovës, Meliza Haradinaj-Stublla, e ka quajtur ”këlysh të Rusisë” presidentin serb, Aleksander Vuçiq, i cili bashkë me Moskën zyrtare po tentojnë ta minojnë stabilitetin dhe paqen në rajon.

Ky reagim i ministres kosovare vjen pasi Vuçiqi ka thënë se Serbia po përgatitet ushtarakisht pasi që një konflikt i ngrirë mund të eskalojë papritur, njësoj siç ka ndodhur mes Armenisë dhe Azerbajxhanit.

”Pas nxitjes së luftimeve në Nagorno-Karabakh me armë të prodhuara në Serbi, Serbia në krye me Vuçiqin – Ministrin e Propagandës së Millosheviqit – tani po kërcënon të gjitha shtetet fqinje të rreshtuara me NATOn se do të vazhdojë forcimin ushtarak për t’u përgaditur për luftëra të reja në Ballkan!”.

”Politika dhe qasja e Serbisë nën rolin e “këlyshit të Rusisë” është qartazi kundër vlerave evropiane, dhe kundër politikave të NATOs për stabilitet dhe siguri në Ballkan.

Të gjitha përpjekjet ruso-serbe për të minuar stabilitetin, paqen dhe sigurinë në rajon janë të papranueshme për Kosovën, dhe do të dështojnë ashtu siç kapitulluan turpshëm në vitin 1999”.

Në kuadër të aktiviteteve për shënimin e Ditës Botërore të Përkujtimit të Viktimave në Trafikun Rrugor, për vitin 2020, ka vazhduar aktiviteti sa i përket monitorimit dhe kontrollimit të shpejtësisë në autostrada.

Aktivitet që ka për qëllim sensibilizimin e pjesëmarrësve në trafikun rrugor në respektim të kufizimeve të shpejtësisë dhe përshtatjen e shpejtësisë me kushtet e rrugës, pasi që konsiderohet njëri nga shkaktarët kontribuues në aksidentet fatale dhe aksidentet me lëndime.

Ministri i Shëndetësisë, Armend Zemaj, ka thënë se janë duke komunikuar në dy nivele me Organizatën Botërore të Shëndetësisë për sigurimin e vaksinës anti-covid.

Ai ka thënë se në momentin që ajo del në treg e kanë obligim ligjor të sigurojnë dhe ta shpërndajnë tek qytetarët.

“Janë dy nivele të komunikimit përmes organizatës së shëndetësisë. Në momentin kur del në përdorim e kemi obligim ligjor ta sigurojmë të tërën dhe të shpërndajmë te qytetarët e Kosovës”, ka thënë Zemaj gjatë një vizite që ka bërë në Mitrovicë.

Shoqata e Gastronomëve dhe anëtarët e saj kanë demantuar zv.kryeministrin Besnik Tahiri të kenë zhvilluar një takim me ta.

Ky i fundit sot gjatë ditës ka zhvilluar një takim me përfaqësues të disa bizneseve, duke thënë para mediave se kinse ka takuar anëtarë dhe përfaqësues nga Gastronomia, mirëpo i njëjti del të jetë i pavërtetë.

Kryetar i Shoqatës se Gastronomeve të Kosovës, Petrit Kllokoqi në një bisedë për IndeksOnline ka thënë se nuk pranojnë të takohen me Tahirin, deri në përmbushjen e disa kërkesave.

“Unë kam shumë respekt për z.Besnik Tahiri, asgjë nuk kemi kundër tij. Shoqata e Gastronomëve nuk ishte dhe nuk u perfaqësua nga përfaqësuesit e saj. Ne nuk do të takohemi me të derisa të na përmbushin disa kërkesa sa i përket planit për sektorin e Gastronomisë, pastaj ne jemi të gatshëm për takim”, ka thënë Kllokoqi për IndeksOnline.

Ai ka bërë me dije se i kanë dhënë 7 ditë kohë për një plan konkret, si ndihmesë ekonomike për sektorin e Gastronomisë.

“Ju kemi ofruar 7 ditë kohë për të në ofruar zgjedhje dhe diçka konkrete”, ka thënë ai tutje.

“Ne presim të ketë subvencionim për paga, mbulim për qera, riprogramim të kredive, shtyerje të deklarimeve ose rimbursime ekonomike. Pa u plotësu këto ne nuk e shohim të arsyeshëm takimin me Tahirin”, shtoi ai.

Sipas tij, nëse nuk kanë zgjedhje tjera , atëherë e e vetmja mundësi që mbetet është dalja në rrugë për të protestuar. /IndeksOnline/