Lëvizja Vetëvendosje ka kërkuar serish shkuarjen e vendit në zgjedhje të parakohshme, pasi sipas partisë së Albin Kurtit, Qeveria aktuale e drejtuar nga Avdullah Hoti i Lidhjes Demokratike të Kosovës është e paligjshme.

Lëvizja Vetëvendosje ka kërkuar serish shkuarjen e vendit në zgjedhje të parakohshme, pasi sipas partisë së Albin Kurtit, Qeveria aktuale e drejtuar nga Avdullah Hoti i Lidhjes Demokratike të Kosovës është e paligjshme.

Në një postim në mediat sociale thuhet se zgjedhjet në SHBA janë një tregues tjetër për domosdoshmërinë e mbajtjes së zgjedhjeve në Kosovë.

“Qeveria e Grenellit, e zotimeve të një kryeministri të pa ligjshëm duhet të shkarkohet sa më parë. Vendit i duhet një qeveri e re, me legjitimitet të plotë për të dalë nga kjo krizë e shumëfishtë me të cilën po përballet vendi. Vendit i duhet Qeveria Kurti”, shkruan Vetëvendosje në Facebook.

Ndryshe, ish-partneri i Vetëvendosjes në Qeverinë Kurti, LDK-ja dhe kryetari i saj Isa Mustafa janë shprehur kundër shkuarjes së vendit në zgjedhje të reja.

Ish-deputeti i Kuvendit, Milaim Zeka, thotë se Gjykata Speciale, i ka konfirmuar aktakuzat ndaj Azem Sylës dhe Adem Grabovcit.

Sipas Zekës, për ngritjen e aktakuzës ndaj Azem Sylës, i ka treguar vetë ish-deputeti i PDK-së, ndërsa për Adem Grabovcin, ia ka konfirmuar një person tjetër.

“Azem Sylës i kanë thënë nga Gjykata Speciale, që këtë javë mos ta lëshojnë Kosovën. Ndërsa, për Adem Grabovcin e kam marrë informatën nga dikush tjetër”, ka thënë Zeka në Kanal10.

Kryetari i partisë “Fjala”, Gezim Kelmendi përmes një deklarate, u ka thënë partive opozitare, PDK dhe Vetëvendosje se duhet t’i lënë anash inatet politike dhe duhet ta votojnë ligjin për Rimëkëmbje Ekonomike.

“Populli i izoluar me shkallë të lartë të papunësisë dhe varfërisë, ndërsa në seanca prej 120 deputetëve sa janë, vetëm 30-40 prej tyre marrin pjesë. E paga deputetit është 8 herë ma e madhe se paga mesatare në Kosovë. Kjo nuk është as etike as njerëzore”, thuhet në deklaratën e Kelmendit.

Ai ka përmendur se edhe në të kaluarën partitë politike në opozitë kanë votuar ligjet e qeverisë.

“Me 2014, VV-ja kishte votuar ligjin kundër “Ezanit”, ligj ky i sponzoruar nga qeveria e PDK-së. Pra nëse VV-ja si opozitë ka mbështetur qeverinë kundër “Ezanit”, edhe tani VV-ja le ta voton ligjin e qeverisë për Rimëkëmbjen ekonomike”, thuhet ndër të tjera në deklaratën e Gëzim Kelmendit.

Kreu i Lidhjes Demokratike të Kosovës, Isa Mustafa ka komentuar deklaratat e Lëvizjes Vetëvendosje, saktësisht të kryetarit të saj, Albin Kurtit rreth legjitimitetit të Qeverisë Hoti.

Mustafa tha se nuk hidhërohet nëse e quajnë jolegjitime këtë Qeveri, derisa Gjykata Kushtetuese e ka njohur këtë formë të formimit të Qeverisë.

“Ne nuk hidhrohemi nga ajo që ata e quajnë jolegjitime. Gykata Kushtetuese e ka njohur këtë formë të veprimit të qeverisë, dhe asnjë veprim nuk është kryer jashtë aktgjykimit të Gjykatës Kushtetuese”, ka thënë Mustafa në rtv21.

Ish-Kryetari i Gjykatës Ushtarake të UÇK-së, Sokol Dobruna, i është bashkuar Lëvizjes Vetëvendosje.

Këtë e ka bërë të ditur vet kryetari i këtij subjekti, Albin Kurti, përmes një reagimi të bërë në llogarnë e tij në facebook, ndërsa ka përshkruar në detaje veprimtarinë e Sokol Dobrunës.

Ish-Kryetari i Gjykatës Ushtarake të UÇK-së, Sokol Dobruna, sot na u bashkua në Lëvizjen VETËVENDOSJE!. Në vitin 1961 ishte student në Zagreb, mirëpo u detyrua t’i ndërprejë studimet atje e t’i përfundojë në Fakultetin Juridik në Prishtinë, për shkak se familja e tij konsiderohej politikisht e papërshtatshme në ish Jugosllavi. Baca Sokol është ish i burgosur politik dhe veprimtar i kahmotshëm i çështjes kombëtare, pjesëmarrës në lëvizje e organizata të ndryshme legale e ilegale të kohës. Në dimrin e ashpër 1998/1999, jemi takuar në Shtab të Përgjithshëm në malet e Berishës kur Adem Demaçi përfaqësonte dhe mbronte UÇK-në duke udhëhequr zyren e saj në Prishtinë. Gjatë luftës, Baca Sokol asnjë ditë të vetme nuk ka qenë jashtë Kosovës dhe e ka ecur në këmbë Kosovën nga Shala e Bajgora deri në Vrri të Prizrenit. Me tetë dekadat e jetës së tij ai është dëshmi e gjallë se është e mundur të plakesh duke qenë edhe patriot edhe i ndershëm.

“Në moment ata që janë të gatshëm por edhe Vetëvendosja jemi të vullnetshëm që të ulemi dhe të gjejmë një zgjidhje. Me Vetëvendosjen nuk kemi diskutuar për këtë çështje sepse ata kanë qenë të prerë duke kërkuar vetëm zgjedhje”, theksoi Mustafa.

Kryetari i LDK’së, Isa Mustafa kërkon nga subjektet politike bashkëpunim për gjetjen e një zgjidhje për postin presidentit pas dorëheqjes së Hashim Thaçit nga kjo pozitë.

Sipas tij, posti i presidentit nuk duhet ta dërgoj vendin në zgjedhje.

“Ne s’mund të themi që s’kemi diskutuar. Kemi diskutuar edhe para shkuarjes në Hagë të presidentit Thaçi dhe kryetarit të PDK’së Veseli. Kemi bërë përpjekje që të gjejmë një zgjidhje e cila kishte me qenë zgjidhje me një përfshirje të gjerë të komunikimit dhe diskutimit lidhur me pozitën e ardhshme të presidentit në mënyrë që të mos jetë shkas i shkuarjes në zgjedhje të reja”, tha Mustafa për RTV21.

“Ne kemi komunikuar por nuk jemi ulur të komunikojmë drejtpërsëdrejti sepse kemi vlerësuar që edhe PDK’së i nevojitet një periudhë që të merret me çështjet e tyre sepse nuk është lehtë që kryetari të shkojë në Hagë dhe sigurisht atyre iu nevojitet kohë e konsolidimit”, tha ai.

Telekomi njofton se janë zhbllokuar llogaritë e Telekomit, të cilat ishin bllokuar si pasojë e borxhit ndaj kompansië së Blerim Devollit.

Telekomi i Kosovës dhe ministri i Ekonomisë, Blerim Kuçi, njoftojnë se kanë arritur marrëveshje me Dardafonin për t’i çbllokuar llogaritë bankare.

Marrëveshja u arrit pas protestës së punëtorëve para objektit të Qeverisë.

Telekomi i Kosovës është gjobitur me rreth 30 milionë euro nga Gjykata Ndërkombëtare e Arbitrazhit për shkak se nuk e kishte respektuar marrëveshjen me Z-Mobile’in e Devollit.

Ky është njoftimi i plotë i ministrit:

Sot kemi arritur me sukses të zhbllokojmë llogaritë bankare të Telekomit të Kosovës dhe është nënshkruar një marrëveshje me operatorin ekonomik “Dardafone.net”.

Me këtë marrëveshje, borxhi i konfirmuar nga organet e drejtësisë do t’i paguhet operatorit privat në një periudhë disa-vjeçare, dhe nuk do të ketë më bllokim të llogarive nga përmbaruesit privatë.

Kjo marrëveshje për zhbllokim të llogarive do të përcillet edhe nga një Marrëveshje Mirëkuptimi për Subvencionim të Kushtëzuar për Investime në operacionet vitale mes Qeverisë së Kosovës dhe Telekomit.

Kjo marrëveshje që tashmë e kam nënshkruar unë dhe Bordi i Telekomit, do të bëjë zgjidhje të përhershme të kësaj ndërmarrje dhe jo një zgjidhje vetëm për disa muaj.

Me këtë marrëveshje mirëkuptimi, Telekomi ka marrë obligime për të investuar në teknologjinë e tyre, duke filluar nga implementimi i plotë i kodit shtetëror +383.

Gjithashtu, në zotimet e Bordit të Telekomit, kjo ndërmarrje do të punojë për të shkurtuar shpenzimet.

Duhet bërë e ditur që Telekomi i Kosovës do të kthen këto mjete të subvencionimit në llogarinë e Qeverisë së Kosovës.