Haki Abazi nga Lëvizja Vetëvendosje i ka dalë në mbrojtje UÇK-së, derisa ka atakuar fshatin e kryetarit të LDK-së, Isa Mustafa.

“Mbrojtja e UÇK është obligim i secilit nga ne sepse UÇK është historia nëpërmjet së cilës ka kaluar liria dhe Pavarësia e Kosovës drejt realizimit të aspiratave kombëtare”, thotë ai.

Abazi shton se demokracia, sipas tij, është garë me vota.

“Demokracia nuk është sport i Prapashticës demokracia është garë me vota. Kush friksohet nga vota është qyqar i demokracisë”, ka shkruar ai në Facebook.

Postimi i plotë:

Sa herë që LVV dhe Kurti fyhen dhe shpërndahen lajme të pavërteta nga njerëz pa integritet, me konflikt interesi, nepotik e me të punësuar familjar në BQK, të përfshirë në afera korruptive e kriminale, atëherë është e qartë që kanë kuptuar që kapitulli i tyre ka përfunduar dhe jetërat në politikë i kanë të konsumuara dhe ezauruara. Mediat dhe portalet që amplifikojnë lajmet e rreme dhe sulmet pa bazë e pa etikë gazetareske e mediale, janë servis i sistemit të kapur dhe që me naivitet mendojnë se qytetarët nuk e kuptojnë lojën djallëzore dhe të ndytë që po bëjnë për të mbajtur veten në biznes.

Demokracia nuk është sport i Prapashticës demokracia është garë me vota. Kush friksohet nga vota është qyqar i demokracisë.

Mbrojtja e UÇK është obligim i secilit nga ne sepse UÇK është historia nëpërmjet së cilës ka kaluar liria dhe Pavarësia e Kosovës drejt realizimit të aspiratave kombtare.

Pavarësia e Kosovës nuk është stacioni hajnisë e as krimit dhe nuk do të shënohet si e tillë ne historinë tonë. Pavarësia e Kosovës është stacioni i faktorizimit dhe prosperitetit të shqiptarëve në Ballkan.

Albena Reshitaj e AAK’së thotë se partitë politike në vend duhet të bisedojnë për të gjetur emrin e presidentit të ri. Ajo thotë se AAK ka për kandidat të parin e saj, Ramush Haradinaj.E ftuar në T7, Reshitaj ka thënë se ish-kryeministri është njeriu i duher për të pasuar Hashim Thacin.“Në këto rrethana nëpër të cilat është duke kaluar vendi ynë më shumë se kurrë vendit i duhet një stabilitet politikdhe institucional. Ne si AAK ka kohë që kemi marrë vendim që Ramush Haradinaj të jetë kandidat për president”, tha Reshitaj.

Ajo ka numëruar dy arsyet sipas saj, që e bëjnë Ramush Haradinajn kandidatin e duhur për të parin e shtetit.“E para, është e kaluara e Haradinajt si pjesëmarrës në cdo etapë të ndërtimit të Kosovës. Është një garant për një personalitet të qëndrueshëm dhe kredibil, një personalitet me një bagazh të dëshmuar kombëtar dhe në shërbim të atdhëut dhe qytetarëve”, tha Reshitaj.

“Dhe e dyta, nëse kthehemi në kujtesë dhe realisht duke pasur në mendje secili prej nesh kur në Kosovë serbe e udhëhequr nga Millosheviqi kryente masakra cnjerëzore, ish-ministri i informacionit në atë kohë sot drejton shtetin e Serbisë. Ndërsa ish-zëdhënësi i tij sot është kretar i Kuvendit të Serbisë. Andaj duke u nisur nga këto rrethana ne e vlerësojmë ggatishmërinë e z.Haradinajt për të qenë president dhe e përkrahim”, sqaroi ajo.

“Do të ishte mirë që të gjitha forcat politike të ulen dhe të vendosin për një president. Nuk mund të zgjedhet president i ri pa një unitet politik por edhe partiak e aq më pak nga forca politike e mazhorancës”, shtoi Reshitaj.

Babai 69 vjeçar dhe i biri 41 vjeçar ndërruan jetë brenda pak ditësh, si shkak i infektimit nga COVID-19.

Valon Rrahimi u varros të martën në varrezat e Podujevës, ndërkaq sipas familjarëve nuk kishte asnjë sëmundje tjetër, njofton Klan Kosova.

Ramadan Rrahimi, vëllai i 69 vjeçarit Isufit, rrëfen se si dyshojnë të jetë infektuar i biri i tij.

“Jo, nuk ka pasë asnjë sëmundje tjetër. Ka shkuar që ta vizitojë babën e tij në spital edhe ka nejt aty pak”, deklaroi Rrahimi.

E pame nuk do të mbahet, ndërkaq Valoni ka lënë pas vetës gruan e tre fëmijët.

Glauk Konjufca, nënkryetar i Lëvizjes Vetëvendosje, në emisionin “Debat” të RTK-së ka thënë se drejtuesit e qeverisë nga LDK-ja “asgjë s’po dishin” sa i përket qeverisjes së shtetit.“Asnjë gjë s’po e dishin ose qaq fort janë të kapur të kjo ideja që pushteti është shërbim, e jo privilegj.

Nëse mendon kështu, atëherë shko në biznes dhe bëhu milioner. Nëse e ki për të bërë 10 shtëpi, shko në biznes. Aty s’ke buxhet të shtetit që me i shti duart”, ka thënë Konjufca.Duke komentuar fotografinë “e famshme” ku kryeministri Hotit shihet duke ngrënë sendviç,

Konjufca ka thënë se s’ka rëndësi se çfarë ushqehet kryeministri, rëndësi sipas tij ka që ai të menaxhojë sa më mirë situatën me koronavirus, gjendjen ekonomike.

“Ndaq ha sendviç, ndaq pasul, s’ka rëndësi. Me rëndësi është me krye punë sa i përket menaxhimit me COVID, gjendjen ekonomike”, ka thënë ai.

Duke folur për marrëveshjen e 4 shtatorit në Uashington, Konjufca ka thënë se Kosova atje është dëmtuar për “një copë letër elektorale të Grenellit”.“Kjo është shumë e gabueshme. Ia shtruan tepihun e kuq Vuçiqit. Nuk ka pasur shancë që një ministër i Millosheviqit të hyjë në Shtëpinë e Bardhë, e këta ia mundësuan”, ka thënë ai.

Ai tha se zgjidhja më e mirë në situatën në të cilën gjendet vendi janë zgjedhjet.

Që nga 13 marsi kur edhe u paraqitën dy rastet e para pozitive me COVID-19 në Kosovë, numri i të infektuarve deri më tani ka shkuar në 30 mijë e 495. Ndërkaq shkak i infektimit me koronavirus deri më tani kanë vdekur 849 persona.

Raporti i fundit i Institutit Kombëtar të Shëndetësisë Publike të Kosovës (IKSHPK) bëri të ditur se në vend janë 11 mijë e 768 raste aktive me COVID-19.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.566 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 690 raste pozitive. Brenda 24 orëve janë raportuar 16 raste të vdekjes me SARS CoV-2 pozitiv. Rastet e vdekjes janë nga komunat: Gjakovë 2 raste (78, 76 vjeç), Prishtinë 2 raste (68, 65 vjeç), Prizren 2 raste (72, 69 vjeç), Rahovec 2 raste (55, 53 vjeç), Dragash 1 rast (76 vjeç), Ferizaj 1 rast (75 vjeç), Gjilan 1 rast (65 vjeç), Kamenicë 1 rast (75 vjeç), Mitrovicë 1 rast (60 vjeç), Pejë 1 rast (67 vjeç), Podujevë 1 rast (41 vjeç), Suharekë 1 rast (82 vjeç). Numri total i rasteve pozitive është 30.495 raste nga 122.377 persona të dyshimtë në virusin SARS-CoV-2 dhe 849 raste të vdekjes. Gjatë 24 orëve të fundit, janë shëruar 337 pacientë derisa numri i përgjithshëm i të shëruarve deri më sot është gjithsej 17.878 raste, kurse numri i rasteve aktive është 11.768”, thueht në raportin 24 orësh të IKSHPK-së.

Me më së shumti raste është komuna e Prishtinës. Ku vetëm brenda një dite raportohet për 277 raste të reja me COVID-19, e pasuar nga komuna e Gjilanit me 64 raste, Podujeva me 59 raste e Gjakova me 55 raste.

40 raste të reja të të infektuarve me SARS CoV2 janë shënuar në Pejë, 27 raste në Ferizaj, Fushë-Kosovë 25 raste, Viti 23 raste, Prizren 19 raste, Suharekë 16 raste, Lipjan 13 raste, Deçan 11 raste, Klinë 11 raste, Kamenicë 7 raste, Drenas 6 raste, Dragash 5 raste, Shtime 5 raste, Istog 4 raste, Mitrovicë 4 raste, Obiliq 4 raste, Rahovec 4 raste, Vushtrri 3 raste, Kaçanik 2 raste, Malishevë 2 raste dhe me nga 1 rast komunat Hani i Elezit, Kllokot, Novobërdë dhe Skenderaj.

Gjatë këtij viti u ndryshuan disa herë mënyrat e funksionimit të hyrje-daljeve nëpër pikat kufitare, për shkak të situatë së krijuar si pasojë e përhapjes së virusit COVID-19.

Shtetet të cilat aktualisht Republika e Kosovës i konsideron me rrezikshmëri të lartë të infektimit me COVID-19 janë: Gjermania, Danimarka, Qipro, Sllovakia, Spanja, Franca, Italia, Britania e Madhe, Holanda, Rumania, Belgjika, Çekia, Austria, Irlanda, Hungaria, Luksenburgu, Islanda, Sllovenia, Malta, Polonia, Kroacia, Lihtershtajni, Portugalia dhe Bullgaria.

Kësisoj të gjithë qytetarët të cilët jetojnë në këto shtete, për të hyrë në Kosovës duhet të posedojnë testin PCR negative, jo më të vjetër se 72 orë ose duhet të vetizolohen për shtatë ditë.

Numri total i rasteve pozitive me COVID-19 ka arritur në 30 mijë e 495 raste, teksa të dyshuar për këtë virus deri më sot ishin 122 mijë e 377 qytetarë.

Si pasojë e infektimit me këtë virus humbën jetën 849 persona. Numri i rasteve aktive me COVID-19 anembanë vendit është 11 mijë e 768.