Shumë kompani farmaceutike po bëjnë hulumtime për zbulimin e një vaksine adekuate kundër COVID-19, ku dy prej tyre tashmë kanë nxjerrë rezultate mbresëlënëse.

Disa shtete kanë nisur procedurat e aplikimit për të siguruar dozat e para në momentin që vaksina do të dalë në treg.

Ndërkohë, një gjë të tillë po planifikon ta bëjë edhe Kosova. Nga Ministria e Shëndetësisë kanë bërë të ditur se planifikimet janë që Kosova të sigurojë 1.2 milionë vaksina, dhe se të njëjtat do t’u jepen falas qytetarëve.

“Planifikimet janë që Kosova të sigurojë rreth 1.2 milionë vaksina, që do të ishin të mjaftueshme për vaksinimin e grupeve që duhet të vaksinohen me prioritet, si profesionistët shëndetësorë dhe të sëmurët kronikë. Pra, 360 000 vaksina pritet që Kosova t’i marrë falas, pjesën tjetër do ta blejë. Sa kemi njohuri, ende nuk janë bërë publike çmimet e vaksinave nga prodhuesit potencialë, meqë asnjë vaksinë ende nuk është aprovuar përfundimisht për përdorim kundër COVID-19. Vaksinat që do t’i sigurojë shteti do t’u jepen falas qytetarëve”, është thënë në përgjigjen e MSH-së për Telegrafin.

Nga Ministria më tej kanë deklaruar se Aleanca Gavi COVAX AMC e ka listuar Kosovën në mesin e shteteve që do të përfitojnë falas 20% të vaksinave kundër COVID-19, kurse pjesën tjetër do ta blejë.

“Aleanca Gavi COVAX AMC që është një aleancë e vaksinave që i bashkon vendet në zhvillim dhe donatorët si OBSH, UNICEF, Bankën Botërore, industrinë e vaksinave, agjencitë teknike, shoqërinë civile, Fondacione te ndryshme dhe partnerë të tjerë të sektorit privat e ka listuar Kosovën në mesin e shteteve që do të përfitojë falas 20% te vaksinave kundër COVID-19, ndërsa për pjesën e tjetër (që blihet), sikurse shumë shtete tjetër edhe Kosova ka paraqitur shprehjen e interesit në këtë aleancë me qëllim që ajo të fascilitojë blerjen e pjesës tjetër të vaksinave për Kosovën përmes marrëveshjeve që aleanca kryen me prodhuesit e vaksinave, të cilët janë pjesë e aleancës”, thuhet në përgjigjen e MSH-së.

Kujtojmë se kompania amerikane Moderna njoftoi se vaksina e tyre kundër koronavirusit ka një efikasitet deri në 95 për qind. Efektiviteti i vaksinës së Moderna-s është pak më i lartë se efektiviteti prej 90 për qind, të cilën e kishin raportuar javën e kaluar gjigantët farmaceutikë, Pfizer dhe BioNTech.

Një vaksinë do të mësonte në mënyrë të sigurt trupat tanë që të luftojnë infeksionin. Ose do të na ndalonte të infektoheshim me koronavirus në radhë të parë ose të paktën do ta bënte më pak vdekjeprurës.

Një 31-vjeçar ka vdekur në Kosovë pas infektimit me COVID 19.

Kështu ka njoftuar Instituti në njoftimin e fundit 24-orësh.

Në njoftimin e Institutit bëhet e ditur se 31-vjeçari që ka vdekur është nga Mamusha.

Për 24 orë në Kosovë kanë vdekur 11 persona pas infektimit me COVID 19.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.599 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 720 raste pozitive. Brenda 24 orëve janë raportuar 11 raste të vdekjes me SARS CoV-2 pozitiv. Rastet e vdekjes janë nga komunat: Prizren 4 raste (81, 79, 72, 72 vjeç), Istog 1 rast (51 vjeç), Klinë 1 rast (63 vjeç), Mamushë 1 rast (31 vjeç), Mitrovicë 1 rast (84 vjeç), Pejë 1 rast (70 vjeç), Prishtinë 1 rast (76 vjeç), Viti 1 rast (74 vjeç)”, thuhet në njoftim.

Brenda 24 orëve janë raportuar 11 raste të vdekjes me SARS CoV-2 pozitiv. Rastet e vdekjes janë nga komunat: Prizren 4 raste (81, 79, 72, 72 vjeç), Istog 1 rast (51 vjeç), Klinë 1 rast (63 vjeç), Mamushë 1 rast (31 vjeç), Mitrovicë 1 rast (84 vjeç), Pejë 1 rast (70 vjeç), Prishtinë 1 rast (76 vjeç), Viti 1 rast (74 vjeç).

Numri total i rasteve pozitive është 31.215 raste nga 123.976 persona të dyshimtë në virusin SARS-CoV-2 dhe 860 raste të vdekjes.

Gjatë 24 orëve të fundit, janë shëruar 469 pacientë derisa numri i përgjithshëm i të shëruarve deri më sot është gjithsej 18.347 raste, kurse numri i rasteve aktive është 12.008.

U.d e presidentit të vendit, Vjosa Osmani është në gjendje stabile shëndetësore dhe është duke vazhduar obligimet e saj Kushtetuese.

Për Gazetën Express, këshilltari për media i u.d të presidentit, Bekim Kupina ka thënë se kabineti në presidencë dhe në Kuvend po vazhdon punën normalisht.

Dje gjatë ditës, u.d e presidentit Vjosa Osmani ka njoftuar përmes Facebook’ut se është infektuar me COVID 19.

Se cila është gjendja shëndetësore e Osmanit ka bërë të ditur këshilltari për media i u.d të presidentit Bekim Kupina.

Kupina ka thënë se Osmani është në gjendje stabile shëndetësore dhe po vazhdon që t’i kryejë obligimet kushtetuese.

“Pra, u.d.Presidentja është në gjendje stabile shëndetësore dhe po vazhdon t’i kryejë obligimet kushtetuese”, thotë ai, teksa shton se asnjë cështje që lidhet me funksionet e saj nuk do të mbetet pa u mbuluar.

“Siç e ka bërë të ditur në postim u.d. Presidentja Osmani, gjatë periudhës sa do të qëndrojë e izoluar shkaku i infektimit me Covid-19, asnjë çështje që lidhet me funksionet që bartë ajo nuk do të mbetet pa mbulim”, deklaron Kupina.

Sipas tij, kabineti i Osmanit në presidencë dhe në Kuvend janë duke e vazhduar punën pasi që një pjesë e ekipit tashmë e kanë kaluar përballjen me pandeminë.

“Kabineti në Presidencë, sikurse edhe ai në Kuvend vazhdojnë punën, ngase një pjesë e ekipit tashmë e kanë kaluar përballjen me Covid-19. U.D.Presidentja po i vazhdon të gjitha takimet e planifikuara, vetëm se i ka bartur ato në platforma elektronike. Gjithashtu po vazhdon t’i shqyrtojë e nënshkruaj me kohë të gjitha dokumentet e kërkuara për të dy funksionet që i ushtron”, thotë ai.

Sot është përuruar objekti i Urgjencës në Qendrën Kryesore të Mjekësisë Familjare në Malishevë.

Në përurimin e kësaj qendre ishte edhe ministri i Shëndetësisë, Armend Zemaj.

Zemaj derisa flet për rëndësinë e kësaj qendre, shtoi edhe se situata epidemiologjike e në Malishevë është nën kontroll.

“Sot, kur po përurojmë objektin tepër të nevojshëm të Urgjencës në Qendrën Kryesore të Mjekësisë Familjare në Malishevë, është shumë e rëndësishme të theksohet se situata epidemiologjike në këtë komunë është nën kontroll dhe Malisheva ndodhet në zonën e gjelbër. Tashmë pacientët nga kjo komunë nuk do të kenë nevojë të frekuentojnë urgjencat spitalore në qytetet e tjera”, shkruan Zemaj.

“Angazhimi i udhëheqjes Komunale, Drejtorisë së Shëndetësisë, së shtabeve emergjente, Policisë dhe Inspektorateve, do të vazhdoj me këtë ritëm në mënyrë që qytetarët të mbrohen maksimalisht nga Covid-19”, thotë Zemaj

Tutje Zemaj ka thënë se investimet për kompletimin e infrastrukturës shëndetësore në Kosovë janë prioritet i Ministrisë së Shëndetësisë.

Ndërsa, krahas kësaj po vazhdojmë të rrisim edhe kapacitetet testuese, po sigurojmë pajisje mjekësore dhe furnizimet me barna.

“Dua ta falënderoj personelin shëndetësor për angazhimin që ka pasur që nga dita e parë, duke trajtuar rastet me Covid-19, të cilat nuk janë hospitalizuar, duke marrë trajtimin mjekësor përmes vizitave mjekësore shtëpiake. Përkrahja dhe ndihma do të vazhdoj edhe më tej. Bashkë ia dalim!”, ka shkruar tutje Zemaj.

Prokuroria e Gjykatës Speciale ka kërkuar që të ketë masa mbrojtëse për disa prej dëshmitarëve që janë pjesë e rastit ndaj krerëve të Ushtrisë Çlirimtare të Kosovës.

Në seancën statusore për Thaçin e të tjerët, Prokuroria ka bërë të ditur se në këtë rast janë 153 dëshmitarë të përfshirë, shkruan Reporteri.net.

Prokurorja e Speciales ka thënë se Gjykimi ndaj ish krerëve të UÇK-së mund të fillojë në verën tjetër.

Sipas saj nuk ka arsye pse gjykimi ndaj Hashim Thaçit dhe të tjerëve të mos nisë në verën e vitit 2021.

Kjo është kundërshtuar nga avokatët mbrojtës, të Thaçit e Veselit cilët kanë dhënë se kjo është një çështje e komplikuar dhe mund të duhen deri në 18 muaj deri në fillimin e gjykimit.

Ben Emerson, avokat i Veselit ka thënë se gjykimi nuk mund të nisë para qershorit të viti 2022.