Gazetari Milaim Zeka në DPT te Fidani në T7 ka thënë se do të ketë arrestime të radhës fillimisht nga anëtarët e Shtabit të Përgjithshëm e pastaj në zonat operative.Zeka tha se personat që arrestohen nuk dihen fillimisht me emra por vijnë vetëm si shifra dhe deri në momentin e fundit nuk dihen emrat e tyre.

“Këta e kanë kapur zinxhirin komandues, në bazë të këtij zinxhiri komandues normal që do të ketë arrestime. Fillimisht nga anëtarët e Shtabit të Përgjithshëm pastaj te zinxhiri komandues i zonave operative, zonës së Drenicës, Dukagjinit, Llapit, Pashtrikut, Gjilanit etj”

“Se çfarë srtategjie ka Prokuroria është vështirë për ta ditur sepse janë duke vepru në fshehtësitë më të mëdha. Arrestimet që ndodhin në Kosovë dhe Njësitet Operative të cilët ata i kanë këtu nuk vjen asnjë emër, vijnë vetëm shifra, deri në minutat e fundit nuk i dinë emrat kush do të arrestohet. Në momentin që nisen vetëm një pjestar i tyre e di vendin ku do të shkojnë dhe kë do ta arrestojnë”, ka shtuar Zeka.

Instituti Hidrometeorologjik i Kosovës njofton se gjatë ditës së sotme do ketë mot me diell dhe vranësira.Do të mbajë mot me diell dhe vranësira.
Vranësirat gjatë natës dhe në orët e para të ditës, vende-vende do të shoqërohen me shi, përcjellë Gazeta Blic.

Temperaturat minimale do të lëvizin ndërmjet 3-4 gradë Celsius, ndërsa maksimalet e ditës parashihen të lëvizin ndërmjet 10-11 gradë Celsius.Do të fryjë erë nga drejtimi i veriperëndimit me shpejtësi 1-5m/s.

Punëtorët e Minierës Trepça janë ngujuar. Kjo për shkak se minatorët nuk janë paguar për punën e tyre. Mësohet se minatorët kanë zgjedhur ngujimin në minierë si shenjë proteste dhe thonë se nuk do të dalin derisa të paguhen për punën e tyre.

Sipas burimeve brenda minierës, mësohet se minatorët po qëndrojnë të ngujuar brenda në zgafellë.

Punëtorët kanë thënë se nuk do të dalin nga nëntoka derisa të kryhet pagesa ndaj tyre.

Ndryshe, Qeveria e Kosovës ka ndarë një buxhet prej 1 milion euro për kryerjen e pagesave ndaj minatorëve, raporton gazeta lokale në Mitrovicë “Jepi Zë”.

Minatorët ishin dakorduar të kthehen në punë me premtimin se pagat do të ekzekutohen gjatë kësaj jave.

Minatorët poashtu janë të pakënaqur dhe nuk po i pranojnë udhëheqësit e rinj në departamentet e ndërmarrjes.

700 persona kanë aplikuar vetëm në muajin tetor të këtij viti në Qendrën Kombëtare për njohje dhe informim akademik e njohur si “NARIC Kosova” për ta validuar diplomën e fituar në Kosovë, me qëllim të përdorimit jashtë vendit. Rreth 70 për qind e aplikuesve i kanë nisur këto procedura për të kërkuar punë jashtë Kosovës dhe vetëm 30 për qind për vazhdim të studimeve.

Kjo e dhënë ka dalë në raportin e “Monitorimit të NARIC Kosova”, të cilin e ka publikuar organizata ORCA. Sipas raportit, numri i aplikimeve për validim në këtë qendër është 70 për qind më i lartë se vitet e kaluara.

Drejtori i Organizatës ORCA, Rron Gjinovci, ka përmendur sfidat me të cilat po ballafaqohet NARIC, siç është humbja e rasteve në gjykatë. Kohë më parë një kandidati të diplomuar në Swiss Menagment Center në Zvicër nuk i ishte njohur diploma nga NARIC, por pasi kishte bërë padi, Gjykata e kishte obliguar Ministrinë e Arsimit t’ia njohë atë.

Kjo, sipas Gjinovcit, ka krijuar precedent për njohje të gradës së doktoratës edhe të 7 personave të tjerë.

“Kjo mundet me ndodhë për shkak të sistemit të korruptuar gjyqësor, por për më tepër edhe për shkak se avokatura e shtetit me ose pa vetëdije e ka sabotuar qendrën NARIC duke mos marrë pjesë avokati që është dashur ta mbrojë qendrën NARIC. Si rrjedhojë, vendimet e dobëta të zyrës ligjore të Ministrisë kanë qenë lehtë të sfidueshme nga avokatët e palës tjetër, që kanë arritur me marrë një vendim që gjykata me u lëshuar në ekspertizë akademike dhe me njohur një diplomë”, ka thënë ai.

Sipas tij, NARIC përballet edhe me probleme të tjera, si mungesa e një databaze digjitale që do të mundësonte ruajtjen e të dhënave për njohje dhe barasvlerë të diplomave. Po ashtu, mungesa e një ligji që e rregullon punën e NARIC, si dhe mungesa e stafit në këtë institucion.

Në raportin e ORCA-s bëhet e ditur se nga janari deri në tetor, NARIC ka njohur 663 diploma. Ndërkaq, edhe 194 diploma mbeten në proces për të cilat ende nuk kanë dhënë përgjigje institucionet jashtë Kosovës, ku palët i kanë përfunduar studimet. Prej tyre, në pritje janë 68 diploma nga Shqipëria, 47 nga Maqedonia e Veriut dhe 79 nga vende të tjera.