Ditën e premte, indeksi i cilësisë së ajrit përreth vlerave mesatare dhe të dobëta, e ditën e shtunë pas kalimit të frontit të ftohtë, koncentrimet e ndotësve ajror do të shpërndahen, e indeksi do të zbres në vlera të mjaftueshme dhe të mira. Të dielen parashihet të ketë kthjellime me intervale më të gjata me diell, por mbetet mot i ftohtë, me ngrica orëve të mëngjesit.

20.11.2020 – Në mëngjes intervale me diell, e viseve të ulëta me mjegull/vransira të ulëta, vende-vende edhe me ngrica të lehta. Ditën vransirat do të shtohen. Në mbrëmje dhe gjatë natës mundësi për riga lokale shiu, e zonave malore mund të ketë edhe reshje bore. Temperaturat në vise të ulëta 0C deri 11C, e në vise malore -1C deri 4C. Do të fryj erë mesatare nga verilindja 4-9m/s. Indeksi UV: 1.

21.11.2020 – Mot i ftohtë, me erë dhe kryesisht i vranët. Orëve të pasdites përreth zonave kodrinoro-malore mundësi për rrebeshe të dobëta bore. Në mbrëmje nuk përjashtohet mundësia për rrebeshe të dobëta bore edhe nga rrafshi i Kosovës. Temperaturat në vise të ulëta 0C deri 6C, e në vise malore -5C deri 2C. Era do të fryj mesatare dhe mesatarisht e fuqishme nga verilindja 6-12m/s. Indeksi UV: 1.

Faton Klinaku, ushtruesi i detyrës së kryetarit të Organizatës së Veteranëve të Luftës së UÇK-së, ka thënë se ata nuk do ta shohin Gjykatën Speciale.

“Nuk e kemi njohur, nuk e njohim dhe nuk do ta njohim Gjykatën Speciale, pavarësisht miratimit nga Kuvendi i Kosovës”.

“Të gjykohet qoftë edhe një luftëtar i UÇK-së, para se të gjykohet pushtuesi serb i cili kreu krime, masakra e gjenocid në Kosovë, është krim i rëndë nga ana e drejtësisë”, ka shkruar Klinaku në rrjetin social Facebook.

Kryetari i Komunës së Prishtinës, Shpend Ahmeti, ka vlerësuar se Kosova ende nuk e ka kaluar valën e parë të koronavirusit.

“Po quhet vala e dytë, nuk mund të jetë valë e dytë pa përfunduar vala e parë. Nuk ka përfunduar vala e partë dhe tani kemi një përhapje dhe Prishtinë prinë me numra. Atë që e kam thënë unë: Është matje e pasaktë! Prishtina ka 12 mijë teste për dy javë që do të thotë se nuk po e krahasojmë më numrin e rasteve”.

“I kam thënë Zemajt se njerëzit kanë menduar se po i kundërshtoj masat, por unë i kundërshtoj masat qesharake. Nuk është vetëm Prishtina keq por e gjithë Kosova. Nga 800 raste sot në Kosovë 350 janë në Prishtinë. Këto numra do të vazhdojnë sepse masat janë hajgare”, ka thënë Ahmeti.

Ahmeti në Rubikon ka thënë se zgjidhja më e mirë do të ishte mbyllja totale.

“Të shkojmë në mbyllje totale për një javë në gjithë vendin, o të mos bëjmë hajgare me këto masa”.

“Nuk ka kuptim që dikush i Kaçanikut të mos mund të vjen në Prishtinë në 07:00 e mund të shkojë në Shkup”.

Ahmeti ka theksuar se Prishtina ka qenë respektuesi më i madh i masave nga fillimi i COVID-19.

“Nuk kam bërë thirrje për mosbindje të masave. Do t’i respektojmë edhe më tutje”.