Kryeministri në detyrë, Avdullah Hoti, ka paralajmëruar se shumë shpejt pritet të kthehet normaliteti në çdo fushë jete, në Kosovë.

Hoti ka paralajmëruar se kjo pritet të ndodhë në muajt e parë të pranverës, përkatësisht nga fundi i marsit.

“Vaksinimin e kategorive të rrezikuara, do ta përfundojmë në muajt mars dhe prill dhe do ta kthejmë normalitetin në këtë vend në fillim të pranverës. Bizneset të mund të bëjnë planifikime që tashti për t’iu kthyer normalitetit”, tha Hoti në televizionin publik, duke paralajmëruar se gjatë verës mund të mbahen edhe dasmat.

Hoti, po ashtu tha se tashmë është e gatshme edhe një paketë tjetër prej 200 milionë eurosh.

“Normaliteti kthehet në muajt e parë të pranverës dhe bizneset duhet të bëjnë që tashti planet e tyre për të iu kthyer normalitetit”, u shpreh Hoti ndër të tjera.

Kryetari i Nismës Socialdemokrate, Fatmir Limaj, i është përgjigjur nga Malisheva, kryetarit të PDK-së, Enver Hoxhaj i cili dje kishte bërë thirrje që të mos votohet Nisma.

Ai ka thënë se Enver Hoxhaj është mësu me i pas gjithmonë të gatshme dhe partinë e ka marrë të gatshme keni me pa ku ka me cu, sepse ku ka shku i ka zvogëlu.

Kur vijnë në shpi dhe na cojnë far mesazhi duhet me ua kthy selamin.

“Unë gjithmonë e kam nis tu e maru e kam zhvillu dhe e kam rritë. Dallim tjetër është se ai kurrë një beteje s’ka zhvillu as politike e për këtë tjetren, s’po flas për beteja tjera, ju e dini më mirë”, ka thënë Limaj në një takim me të rinjtë e Malishevës.

Më tutje, ai ka thënë se Enver Hoxhaj vetëm në filmat e Rambos ka pa cka është shpirti luftarak.

“Enveri nuk e din cka është përballja me jetën dhe vdekjen e ka pa në tv. I dashur Enver krejt jeten time që unë e kam rritë në këto troje është përpjekje e sakrficië, dallimi jem është se kam qenë në mesin e popullit e ju jeni kanë spectator i asaj që ka ndodhë në Kosovë”, ka shtuar Limaj.

Më tutje, lideri i Nismës ka thënë se atë s’ka mund ta ndalë Serbia e po e ndal Enver Hoxhaj.

“Edhe unë kam një apel për të gjitha familjet dhe cdo bashkëluftëtar mos e votoni Enver Hoxhen, edhe po tregoj pse në kohën kur unë se bashku më bashkëluftëttar të mi dhe tjerë luftonim për lirinë e Kosvës, Enver Hoxhaj nga Vjena thoshte se do të kërkoj azil në Beograd, nëse UCK e fiton luftën. Prandaj i ftoj të gjithë bashkëluftëtarët e mi që të mos e e votojnë dikë i cili më dëshirë do të kërkonte azil në Beograd se sa të shihte fitorën e UCK-së”, ka shtuar Limaj.

Komisioni Qendror i Zgjedhjeve ka shënuar progres në regjistrimin dhe shqyrtimin e aplikacioneve nga jashtë vendit të qytetarëve të cilët duan të regjistrohen si votues jashtë Kosovës.

Votimi nga jashtë vendit përmes postës pritet të fillojë javën e ardhshme, më 2 shkurt, dhe shërbimi votues i KQZ-së akoma është duke u marrë më futjen e të dhënave në sistem, si dhe me vlerësimin e shqyrtimin e aplikacioneve.Zëdhënësi i KQZ-së, Valmir Elezi ka treguar për EkonomiaOnline progresin e deritashëm në procesin e regjistrimit të votuesve nga jashtë vendimit, të cilët aplikuan deri më 21 janar.

“Shërbimi votues i KQZ-së është duke vazhduar me shqyrtimin e aplikacioneve, futjen e të dhënave në sistem si dhe vlerësimin e zotësisë juridike të aplikuesve. Duke u mbështetur në të dhënat e raportit të mesditës së sotme (e enjte) deri më tani janë futur në sistem rreth 151 mijë aplikacione, prej të cilave rreth 50 mijë e 500 janë aprovuar, ndërsa në statusin momental të refuzimit janë rreth 10 mijë e 600 aplikacione. Të gjitha e-mailat që i kemi pranuar tashmë janë hapur”.

I pyetur se a mund të dihet tani se sa është numri i aplikuesve dhe i votuesve nga jashtë vendit, Elezi ka thënë se kjo do të dihet në fund të këtij procesi.

“Vetëm pas përfundimit të shqyrtimit, vlerësimit dhe verifikimit të aplikacioneve, do të kemi një raport të detajuar ku do ta dijmë saktë se sa është numri i përgjithshëm i aplikuesve për t’u regjistruar, sa prej tyre janë aprovuar dhe sa janë refuzuar. Të gjithë qyetatrët që arrijnë të regjistrohen suksesshëm si votues jashtë vendit, pasi kanë plotësuar kriteret ligjore, do të mund të votojnë përmes postës duke filluar nga data 2 shkurt. Fletëvotimet duhet të pranohen nga KQZ-ja deri më 12 shkurt”, tha Elezi.

Ai gjithashtu bëri të ditur se nga qendra e thirrjve për konfirmim dhe verifikim të aplikacioneve, janë realizuar rreth 42 mijë thirrje, prej tyre rreth 34 mijë aplikues kanë konfirmuar të dhënat e tyre, ndërsa rreth 8 mijë persona nuk e kanë hapur telefonin, por të cilët do të kontaktohen sërish.

Sipas KQZ-së, 60 persona të cilët janë kontaktuar përmes telefonit kanë thënë se nuk janë personat konkret.

I është dhënë lamtumira e fundit Albert Krasniqit, i riu që humbi jetën pas të shtënës me armë që mori nga babai i tij, biznesmeni Skender Krasniqi.

Alberti, djali i madh i familjes së Skender Krasniqit vdiq mbrëmë pasi nuk arriti t’i bëjë ballë plagës së marrë nga arma e zjarrit e cila ishte në pronësi të prindit.

Familjarë e miq të shumtë të tij u mblodhën sot t’i japin lamtumirën e fundit Albertit, i cili sot u përkujtua nga shumë prej tyre përmes rrjeteve sociale.

Albert Krasnqi njihej si djal shumë i shoqërueshëm, por që pati edhe disa përballje me instancat ligjore, për raste të ndryshme.

Nga martesa që pati me Besa Gashin, Krasniqi la pas vetes një vajzë të cilës edhe i kushtoi publikimin e fundit që kishte bërë dje para se të humbte jetën.

Pas rastit që ndodhi mbrëmë, ishte pikërisht Skender Krasniqi ai që njoftoi menjëherë policinë duke u thënë “Ejani se e vrava djalin”.

Pas arritjes në vendin e ngjarjes dhe verifikimit të rastit, policia arrestoi edhe personin e dyshimtë në këtë rast, ku më pas u dërgua në paraburgim për 24 orë, deri në vendimin e radhës nga organet e drejtësisë./FrontOnline/

Ushtruesja e detyrës së Presidentës Vjosa Osmani, është takuar me kryetarin e komunës së Podujevës Shpejtim Bulliqi.

Osmani në vizitën e saj në Llap së bashku me Bulliqin, kanë pirë çaj.

“N’Llap”- ka shkruar Osmani.

https://www.facebook.com/VjosaOsmaniMP/posts/1919906004838321