Kompania Johnson & Johnson u kërkoi rregullatorëve amerikanë të enjten të autorizojnë vaksinën e parë në botë me një dozë të vetme COVID-19, një alternativë më e thjeshtë që mund të rrisë numrin e kufizuar të vaksinave
Vaksina e kompanisë J & J ishte e sigurt dhe ofronte mbrojtje të fortë ndaj rasteve të moderuara deri serioze me COVID-19, sipas rezultateve paraprake të një studimi masiv ndërkombëtar.

Ajo nuk dukej aq e fortë sa vaksinat konkurruese me dy doza Pfizer dhe Moderna – një përfundim që mund të ketë të bëjë më shumë me perceptimin sesa realitetin, duke pasur parasysh ndryshimet në mënyrën se si u testuan ato.

Por Administrata e Ushqimit dhe Barnave (FDA) po u kërkon këshilltarëve të saj të pavarur të debatojnë publikisht mbi të gjitha të dhënat lidhur me vaksinën me një dozë, në të njëjtën mënyrë si konkurrentet e saj u analizuan deri në detajet më të vogla, para se të vendosë nëse do t’i hapë dritën e gjelbër një alternative të tretë në Shtetet e Bashkuara, transmeton TCH, përcjell albinfo.ch.

Dr. Peter Marks, shefi i vaksinave të FDA-së, ka tërhequr vëmendjen që të mos bëhen krahasime para se të jenë në dispozicion të gjitha të dhënat. “Me një nevojë kaq jetike për ta vënë nën kontroll këtë pandemi, mendoj se nuk mund të injorojmë asnjë instrument të mundshëm për ta luftuar atë”, i tha ai Shoqatës Amerikane Mjekësore javën e kaluar.

“Duhet të bëjmë të pamundurën për t’u siguruar që të identifikojmë grupet që do të përfitonin më shumë nga secila prej këtyre vaksinave dhe t’i përdorim ato në mënyrën më të përshtatshme”, tha ai.

Ushtruesja e detyrës së presidentes, Vjosa Osmani, ka zbuluar shumë gjëra nga jeta e saj përmes 50 pyetjeve të emisionit Prive, njofton Klan Kosova.

Nga vajzat dhe bashkëshorti, deri tek karriera politike, Osmani i tha të gjitha.

A i ka dhënë direktiva ndërkombëtarët, cila është reforma e parë që do ta bëjë, a i frikësohet intrigrave të politikës së vjetër, a është patriote, a dëshiron më shumë fëmijë dhe çka nuk din publiku për të?

Këto por jo vetëm, i kuptoni në videon më poshtë.

Infektologu Izet Sadiku, ka folur për ri-infektimin me COVID-19 dhe pasojat.

Ai tha se edhe personat që e kanë kaluar koronavirusin duhet t’i përmbahen rregullave dhe të mos ndihen komod, njofton Klan Kosova.

“Ka pasur raste që janë deklaruar për herë të dytë që kanë dalë me COVID, nuk kanë pas simptoma herën e parë”.

“COVID-19, kemi disa mutacione të këtij virusi, sa më shumë që qëndron virusi të njerëzit, bëhen mutacione më të mëdha. Tipi anglez, tipi afrikan dhe tash një tip brazilian por ende nuk ka hulumtim të mirëfillt për të parë efeket e tij. Deri tash ka hulumtime në Britani që deri në gjashtë muaj njerëzit kanë antitrupa. Ende preferohet të mbahet maska edhe për ata që e kanë kaluar, të mos ndjehen komod”.

“Imuniteti është specifik. Sa i përket virusit është shumë i ri, zhvillimet dhe të arriturat e këtij virusi janë shumë të mëdha. Kemi pasur raste të cilat janë deklaruar në forma të lehta, nuk kanë pas antitrupa, domethënë ata s’kanë krijuar antitrupa. Por ata që s’kanë krijuar antitrupa, konsiderohet që kanë imunitet qelizor. Qytetarët duhet të kenë parasysh të kujdesen këtë fazë sepse së shpejti vijnë edhe vaksinat. Personat që kanë kaluar sëmundjen, me përdor masa mbrojtëse”, tha Sadiku në “Sytë 7” në Klan Kosova.

Ndiqni më poshtë intervistën e plotë;

Emisari Special i BE-së për dialogun Kosovë-Serbi, Mirosllav Lajçak po i bën gati një vjet që nga emërimi i tij në këtë pozitë.

E për të arriturat e tij, ai ka folur me ambasadorët e Bashkimit Evropian si dhe delegatët e BE-së.

Lajçak me anë të një postimi në Tëitter ka thënë se ka plane për javët dhe muajt në vazhdim në lidhje me këtë proces.
Ai ka shtuar se e ka mbështetjen e fortë të të gjitha shteteve anëtare të BE-së.

“Sot informova ambasadorët dhe delegatët e BE-së për vitin tim të parë në punë, si dhe ua shpjegova planet për javët dhe muajt pasues. Jam shumë i inkurajuar me mbështetjen e fortë të të gjitha shteteve anëtare të BE-së”, ka thënë ai.

Gjatë mbrëmjes së djeshme në një lokal në Prishtinë, mediat kanë raportuar se ka ndodhur një përleshje fizike në të cilën kanë qenë të përfshira tri vajza.Ngrehje flokësh, sharje dhe gjuajtje të gjësendeve shihen të kenë ndodhur në këtë përleshje të turpshme në kryeqytet.Ndërsa, klientët tjerë kanë reaguar duke i ndarë dy palët.

Zyrtari i Lidhjes Demokratike të Kosovës, Bajram Gecaj ka reaguar pas deklaratës së kreut të Lëvizjes Vetëvendosje, Albin Kurtit, i cili mbrëmë tha se sapo të vijnë në krye të ekzekutivit do t’i shfuqizojnë vendimet e kryeministrit në detyrë, Avdullah Hotit.

Përmes një postimi në llogarinë e tij në Facebook, Gecaj e ka krahasuar Kurtin me Vladimir Leninin.“… njëjtë kishte vepruar edhe Vladimir Iliç Lenin në vitin 1917, por Rusisë komuniste ju nevojitën 74 vite të kthehej në familjen e shteteve normale e civilizuese, edhe pse populli rus ende vuan nga pasojat e asaj periudhe …”, ka shkruar Gecaj

Në qytetar në Gjakovë ka përfunduar në spital me tre brinjë të thyer për shkak se ndaj tij është përdorur dhunë nga policia, me arsyetimin se nuk i është bindur urdhrit për t’u ndalur, pasi që nuk kishte respektuar rregullat e komunikacionit.

Drejtori rajonal i policisë në Gjakovë, Lumni Graishta, tha për Gazetën Sinjali se ka suspenduar shtatë zyrtarë policorë të përshirë në këtë rast.“Lidhur me rastin e raportuar për ‘keqtrajtim gjatë detyrës zyrtare’, mund t’ua konfirmoj se si drejtor rajonal, kam suspenduar 7 zyrtarë policorë të involvuar në rast.

Tani, nuk mund të flas për përgjegjësinë e tyre individuale, ngase me rastin po merret IPK, si autoritet kompetent për zhvillimin e hetimeve, por suspendimin e tyre e kemi konsideruar si të domosdoshëm për zhvillimin pa pengesa të procedurës së mëtutjeshme hetimore”, tha Graishta.

Tutje, Graishta deklaroi se ai dhe menaxhmenti i policisë janë të përkushtuar dhe po bëjnë gjithçka, siç tha ai, për të “ruajtur imazhin e policisë dhe mbrojtur të drejtat dhe liritë e njeriut, si dhe besimin e qytetarëve në Policinë e Kosovës, si vlerë që na shoqëron që nga themelimi i forcës policore”.

Korporata amerikane për Zhvillim Ndërkombëtar Financiar (DFC), njoftoi se ka hyrë në fuqi Marrëveshja për nxitjen e investimeve që ka arritur me Kosovën.

Hyrja në fuqi e kësaj marrëveshjeje, “i mundëson DFC-së që të vendos gamën e plotë të produkteve financiare në Kosovë”, tha DFC përmes një postimi në Twitter.

Më 31 dhjetor, 2020, kryeministri në detyrë i Kosovës, Avdullah Hoti dhe ambasadori amerikan në Prishtinë, Philip Kosnett, nënshkruan Marrëveshjen për nxitjen e investimeve, e cila mundëson vënien në dispozicion të mbështetjes financiare të SHBA-së, veçanërisht në sektorin privat të Kosovës, shkruan Rel, përcjell Albinfo.ch.

Kjo marrëveshje do t’i mundësojë Korporatës së SHBA-së për Zhvillim Ndërkombëtar Financiar, që të ofrojë gamën e saj të plotë financiare, që përfshin financim të borxhit, investime në ekuitet, sigurim të riskut politik dhe grante në ndihmën teknike.

Më 31 dhjetor, zëvendësshefi i DFC-së, njëherësh drejtori menaxhues për Ballkanin Perëndimor, John Jovanoviq deklaroi se DFC-ja sheh “potencial të madh për të ndihmuar në mobilizimin e investimeve që krijojnë vende pune dhe mbështesin zhvillimin për popullin e Kosovës”.

Çfarë është DFC-ja?

Korporata e SHBA-së për Zhvillim Ndërkombëtar Financiar e lansuar më 2020-n, bashkëpunon me sektorin privat për financimin e zgjidhjeve të sfidave më të rënda me të cilat përballet bota në zhvillim sot. Ajo investon në sektorë të ndryshëm përfshirë në sektorin e energjisë, kujdesit shëndetësor, infrastrukturës thelbësore dhe teknologjisë. DFC-ja gjithashtu ofron financim për biznese të vogla dhe gratë sipërmarrëse për të krijuar vende pune në tregjet në zhvillim.