Një rus me shtetësi gjermane është arrestuar të enjten në Prishtinë, pasi i njëjti kishte refuzuar që ta lirojë hotelin ku ishte akomoduar.

Rastin e ka konfirmuar Policia e Kosovës përmes raportit 24 orësh, shkruan Reporteri.net.

Në raport thuhet se ndër të tjera, i dyshuari as nuk e kishte bërë pagesën për qëndrim në hotel.

“Është arrestuar i dyshuari mashkull Rus me shtetësi Gjermane për shkak se ankuesja femër kosovare ka raportuar se i dyshuari kishte refuzuar të dal nga hoteli i cili kishte qenë i akomoduar dhe nuk e kishte bërë pagesën.”, thuhet në njoftim.

Me vendim të prokurorit, i dyshuari është dërguar në mbajtje për 48 orë. /Reporteri.net

Një qytetar në Gjakovë mbrëmë ka përfunduar në spital me tre brinjë të thyer nga zyrtarët policorë, për shkak se nuk kishte respektuar rregullat e komunikacionit dhe nuk u ishte bindur urdhrave të policëve.

Ndonëse policia gjatë ditës tha se qytetari kishte pësuar vetëm “gërvishtje në fytyrë”, nga Spitali i Gjakovës u bë e ditur se ai ishte rrahur shumë rëndë nga policët dhe deri tani është konfirmuar se i janë thyer së paku tre brinjë.

Gazeta Sinjali mëson se qytetari në fjalë është Bardhyl Bakija, rreth 60-vjeçar, i cili punon dhe vepron në Holandë.

Ai është ende i shtrirë në spital ka edhe lëndime të tjera të rënda trupore.

Inspektorati Policor i Kosovës ka njoftuar se ka suspenduar shtatë zyrtarë policorë, tre prej të cilëve edhe janë arrestuar nën dyshimin se kanë kryer veprat penale “Keqtrajtim gjatë ushtrimit të detyrës zyrtare” dhe “Lëndim i rëndë trupor”./Sinjali

Një burrë në Gjakovë ka njoftuar policinë se djali i tij ka grabitur me forcë portofolin e tij në të cilin ishin 130 euro.Viktima ka pranuar trajtim mjekësor ndërsa rasti është duke u hetuar.

Policia e Kosovës, ka njoftuar se gjatë 24 orëve, në qytete të ndryshme të Kosovës, ka shqiptuar 502 tiketa në bazë të ligjit Covid-19.Sipas Policisë, janë shqiptuar edhe 1422 tiketa trafiku.Ndërkohë, bëhet e ditur se gjatë 24 orëve kanë ndodhur 18 aksidente me të lënduar dhe 32 aksidente me dëme materiale.

Një aksident zingjiror që përfshiu rreth 40 automjete në Iowan qendrore të Shteteve të Bashkuara të Amerikës ka bllokuar këtë rrugë.
Autoritetet e Iowas mbyllën korsitë e saj në lindje të Njutonit pas aksidentit që ndodhi si pasojë e të reshurave të dendura të borës.Zëdhënësi i Departamentit të Transportit të Iowa-s Andrea Henry tha se janë raportuar disa dëmtime serioze gjatë përplasjes por jo raste të vdekjes, raporton AP.
Zyrtarët u bëjnë thirrje shoferëve të qëndrojnë larg rrugëve në pjesën më të madhe të kësaj zone sepse ata ishin kryesisht të mbuluar me dëborë të enjten.

https://www.youtube.com/watch?v=1lb8KxfhhFw&feature=emb_title

Parlamenti studentor ka njoftuar se pas takimit me kryeministrin në detyrë, Avdullah Hoti, kanë marrë përgjigje që janë plotësuar disa nga kërkesat e tyre.

Njëra ndër kërkesat e tyre është edhe zhvillimi i mësimit me prezencë fizike të studentëve dhe lirimi nga pagesa e të gjithë studentëve të nivelit Bachelor.

Pas një takimi me kryeministrin në detyrë, Avdullah Hoti, drejtues të Parlamentit Studentor njoftuan se janë realizuar disa nga kërkesat e tyre; zhvillimi i mësimit me prezencë fizike të studentëve dhe lirimi nga pagesa e të gjithë studentëve të nivelit Bachelor. Kështu i tha Radio Kosovës Elbasan Geci.

Sipas tij, gjatë ditëve në vijim, presin publikimin e vendimit zyrtar nga Ministria e Arsimit dhe Qeveria e Republikës së Kosovës.
Ndërkohë, Universiteti i Prishtinës “Hasan Prishtina” njoftoi se nuk ka pranuar ndonjë shkresë zyrtare për ndryshimin e organizimit të procesit mësimor si rrjedhojë e masave anti-COVID.

Sipas UP-së, gjithashtu nuk është përcjellë ndonjë vendim zyrtar për ndryshim të vlerës së pagesave për studentët. Kërkesat e studentëve ishin: zhvillimi i mësimit me prezencë fizike, lirimi nga pagesa për të gjithë studentët e nivelit Bachelor, hapja e bibliotekave, të lirohen 50% nga pagesa të gjithë studentët e nivelit Master dhe Doktoraturës, studentët nga Lugina e Preshevës përfitojnë nga bursat e Ministrisë së Arsimit dhe disa të tjera që kanë të bëjnë me projekte për shkëmbimin e njohurive mes studentëve.

Në fund të dhjetorit të vitit 2020, në Zvicër jetonin 2,151,854 të huaj. Prej tyre 1,470,945 ishin shtetas të BE / EFTA / BM dhe 680 909 shtetas të vendeve të treta.

Gjatë vitit 2020 janë natyralizuar gjithsej 33,873 të huaj. Krahasuar me vitin e kaluar, kjo tregon një rënie prej 6073 personash (–15,2%).

Lexo Edhe:
Sadiku: T’i përmbahen masave edhe ata që e kaluan koronavirusin, së shpejti vijnë vaksinat
Me 328,270 njerëz, italianët vazhdojnë të përbëjnë grupin më të madh të popullsisë së huaj në Zvicër. Grupi i dytë më i madh i të huajve përbëhet nga shtetas gjermanë (311 481 persona), i ndjekur nga shtetasit portugezë (260 921 persona) dhe ata francezë (146 367 persona).

Shtetasit e Kosovës, vijnë pas francezëve, pra, në vendin e pestë, me 114.682 persona.
Siç dihet tashmë, ky numër nuk pasqyron numrin real as të shqiptarëve dhe qytetarëve të tjerë të Kosovës dhe aq më pak atë të shqiptarëve që jetojnë në Zvicër, në përgjithësi. Kjo, për faktin se statistika zyrtare njeh vetëm numrin e bartësve të shtetësisë së një vendi përkatës, në këtë rast, të Kosovës dhe jo edhe etninë e tyre.

Për më tepër, në këtë statistikë nuk përfshihen më si kosovarë ata shtetas të Kosovës që kanë marrë ndërkohë shtetësinë zvicerane.

Megjithatë, gjatë vitit 2020, periudhë kur ka pasur numër dukshëm më të vogël të të ardhurve në Zvicër, numri i kosovarëve ka shënuar një rritje të konsiderueshme.

Siç mund të shihet në rubrikat e BFS (Zyra Federale për Statistikë) të publikuara dje, numri i të huajve me shtetësi kosovare në Zvicër është rritur nominalisht për 4184, duke arritur në 114 686, shkruan albinfo.ch. Por, kjo nuk i referohet tërësisht ardhjes së kosovarëve në Zvicër gjatë vitit që kaloi.

Kështu, “rritja efektive” ajo e regjistruar si ardhje e re e kontingjentit kosovar gjatë vitit 2020 ka qenë për 1846 persona. Për 1662 veta është rritur ky komunitet në saje të natalitetit, pra lindjeve të reja. Ndërsa një vit më parë, në fund të vitit 2019 në Zvicër kanë qenë 113.800 shtetas kosovarë.

Nga ana tjetër, një faktor interesant i rritjes del ai që rezulton nga braktisja që kosovarët i kanë bërë shtetësisë serbe duke marrë pasaportën kosovare. Ky proces që ka filluar në votin 2008, me pavarësimin e Kosovës po vazhdon edhe sot. Mbi këtë bazë, në Zvicër gjatë fitit 2020 janë shtuar 487 shtetas kosovarë.

Po ashtu 2264 kosovarë gjatë kësaj periudhe kanë fituar shtetësinë zvicerane dhe kjo, bashkë me faktorët tashmë të përmendur e shpjegon dallimin në mes të rritjes nominale prej 4184 vetave dhe shifrave për dy vitet respektive (113.800 në vitin 2019 dhe 114.686 në vitin 2020.

Edhe numri i shtetasve të Maqedonisë së Veriut gjatë vitit të kaluar ka shënuar një rritje. Ai është rritur në 67567 nga 67010 sa ishte një vit më parë. Po ashtu një rritje ka edhe numri i shtetasve të Shqipërisë, nga 2149 në 2394.

Zgjedhjet e 14 shkurtit do të jenë zgjedhjet e pesta që nga viti 2010, shumica prej të cilave ishin të parakohshme.

Buxhetit të Kosovës këto zgjedhje i kanë kushtuar rreth 23.4 milionë euro.
Sadiku: T’i përmbahen masave edhe ata që e kaluan koronavirusin, së shpejti vijnë vaksinat
Vetëm zgjedhjet e vitit 2019, vendit i kanë kushtuar 5 milionë e 176 mijë e 295 euro, derisa këto që pritet të mbahen më 14 shkurt do t’i kushtojnë 5 milionë e 578 mijë e 712 euro.