Prodhuesit turq të luleve, në prag të 14 Shkurtit, Ditës së të Dashuruarve, kanë eksportuar 70 milionë lule në 22 vende, përfshirë Holandën, Britaninë, Gjermaninë dhe Rumaninë.

Ismail Yilmaz, kreu i Shoqatës së Eksportuesve të Bimëve dhe Produkteve Dekorative, tha se këtë vit u regjistrua një rritje e ndjeshme e eksportit të luleve, shkruan Anadolu, transmeton Klan Kosova.

“Pavarësisht pandemisë, ne kemi dërguar 70 milionë lule në 22 vende, në vlerë prej afërsisht 7 milionë dollarëve. Kjo shifër ishte 6 milionë dollarë me 60 milionë lule vitin e kaluar”, tha ai.

Trëndafili i kuq dhe karafilat janë lulet e njohura, por Turqia kryesisht eksportoi karafil për shkak të nevojës në tregjet e brendshme, shtoi Yılmaz.

Tregu më i madh turk i luleve është Holanda, ndërsa vijon Britania, Gjermania, Rumania dhe Ukraina.

Kreu i Aleancës për Ardhmërinë e Kosovës, Ramush Haradinaj, e ka nisur ditën duke publikuar një fotografi me nënën e tij.

Haradinaj pak minuta më parë ka publikuar një fotografi me nënën e tij ku shihen duke pirë kafen e mëngjesit së bashku, transmeton Klan Kosova

“Mirëmëngjesi”, është mbishkrimi që Haradinaj ka vendosur karshi fotografisë

Sondazhi final i kryer këtë javë nga PiPOS rreth asaj se kënd do të votojnë qytetarët e Kosovës në zgjedhjet e jashtëzakonshme që do të mbahen më 14 shkurt ka nxjerrë si fituese Lëvizjen Vetëvendosje me 40.95 për qind, e pasuar nga Partia Demokratike me 22.3 për qind dhe e treta Lidhja Demokratike e Kosovës me 19.3 për qind, AAK 7.8 me për qind dhe Nisma Socialdemokrate 3.15 me për qind.

Drejtori i këtij instituti Fisnik Halimi, në Rubikon ka prezantuar edhe renditjen sipas ulëseve që besohet se do ta kenë partitë politike.

Sipas gjetjeve Lëvizja Vetëvendosje do t’i ketë 45 deputetë, PDK 25, LDK 21, AAK 9 deputetë dhe komunitetet do të jenë të prezantuara me 20 deputetë në parlament.

Zgjedhjet në Kosovë do të mbahen më 14 shkurt dhe të gjitha partitë kanë filluar fushatat e tyre.

Fushata zgjedhore ka filluar zyrtarisht me 3 shkurt, ndërkohë që partitë kishin filluar tubimet më herët.

Tubimet po mbahen përkundër paralajmërimeve për rrezikun e pandemisë.

Efikasitetet dhe azhurnimet në procesin e prodhimit kanë ndihmuar prodhuesin e vaksinave Pfizer të dyfishojë prodhimin e vaksinave kundër koronavirusit në muajin e kaluar.

Ndërsa kompania nuk dha ndonjë shifër prodhimi për të mbështetur vlerësimin, zëdhënësja Amy Rose tha se Pfizer pret që prodhimit të rritet, shkruan CNN. transmeton Klan Kosova.

Prodhimi i materialit gjenetik që formon bazën e vaksinës fillimisht zgjati 16 ditë, por së shpejti do të marrë vetëm nëntë deri në 10 ditë, thuhet nga Pfizer.

Drejtori i Pfizer, Albert Bourla, tha javën e kaluar kompania pret që të shpërndajë 200 milionë doza të vaksinës në Shtetet e Bashkuara deri në fund të majit.

Vendi është në fushatë zgjedhore për zgjedhjet e 14 shkurtit dhe Komisioni Qendror i Zgjedhjeve përmes ekipeve mobile do tu mundësojë qytetarëve të Kosovës të cilët janë të infektuar me COVID-19, që të votojnë në ditën e zgjedhjeve.Përmes një videoje të publikuar në Facebook, KQZ-ja ka shpjeguar procedurën që duhet të ndjekin të infektuarit të cilët shprehin vullnetin që të votojnë.

Në videon e KQZ-së tregohet se personat e vetizoluar nuk ka nevojë të regjistrohen pasi që KQZ do shkojë vet tek ta për tu mundësuar votimin.

Përveç se duhet të respektohen masat antiCOVID, duhet që gjatë votimit të ruhet edhe fshehtësia e votës, për çka KQZ-ja këtyre votuesve do tu ofrojë një zarf në të cilin këta votues duhet ta vendosin fletëvotimin.Për çdo informacion shtesë, mund të kontaktoni linjën ndihmëse pa pagesë: 0800 55 555.

Java e dytë e muajit shkurt do të vijoj me kushte të ndryshueshme atmosferike, njofton IHK.Parashihet të ketë diell shi erë dhe borë. Deri ditën e enjte parashihet mot i ndryshueshëm dhe herë-herë me reshje shiu duke mos i përjashtuar edhe intervalet me diell.

Nga dita e premte vendi ynë do të ndikohet nga masat e ftohta të ajrit të cilat do të krijojnë kushte që gjatë vikendit të sjellin reshje bore ndonëse të intensitetit të dobët, por që parashihet të ketë rënje të theksuar në fushat termike.
Temperatura minimale gjatë këtyre pesë ditëve të ardhshme do të lëvizin ndërmjet -3 deri 5 gradë Celsius, ndërsa maksimalet e ditës parashihen të lëvizin ndërmjet 2-14 gradë Celsius.

Do të fryjë erë nga jugperëndimi dhe verilindja me shpejtësi 1-12m/s, ndërsa në pjesën veriore të Dukagjinit shpejtësia maksimale e ajrit mund të arrijë deri 18m/s.Kjo situatë e ndryshueshme meteorologjike do të ndikoj pozitivisht në cilësinë e ajrit. Gjatë vikendit pos reshjeve do të ketë edhe ngrica dhe apelohet që ngasësit e automjeteve të kenë kujdes në rrugë.