Në Zgjedhjet e 14 Shkurtit shumë mërgimtarë kanë vendosur të shkojnë direkt në Kosovë për të votuar. Ata kanë zgjedhur mënyra të ndryshme të udhëtimit.

Në zgjedhjet që do të mbahen të dielën e 14 shkurtit nuk do të mungojnë mërgimtarët të cilët kanë zgjedhur të vijnë në Kosovë për të votuar direkt në qendrat e votimit.

Sot është nisur një autobus nga Gjermania me rreth 20 persona të cilët po udhëtojnë enkas për të votuar në Kosovë. Kështu deklaroi përfaqësuesi agjensionit të udhëtimeve i Barileva Turist për albinfo.ch.
Të pyetur nëse kanë vërjetur ndonjë fluks më të madh të mërgimtarëve për të udhëtuar këto ditë, agjensioni në fjalë deklaroi se nuk kanë vërejtur ndonjë ndryshim nga zakonisht.
Ndërsa, deri në fund të javës pritet që të vijnë edhe 4 autobusë nga Gjermani në Kosovë, mirëpo jo në formë të organizuar për zgjedhje.

Po ashtu, albinfo.ch ka kontaktuar edhe me agjensionin turistik Shpejtimi të cilët kanë dhënë kryesisht informacione të ngjashme. “Nuk kemi numër të saktë të udhëtarëve, por që është njëjtë sikur javëve të kaluara 20 deri në 30 persona, por diçka të organizuar nuk kemi prej agjensionit Shpejtimi”, u shprehën ata. Po ashtu edhe nga kjo kompani do të nisën edhe dy autobusa nga Gjermania deri të dielën.

Ndërsa, nga aeroporti i Prishtinës “Adem Jashari” kanë bërë të ditur se vetëm të premten dhe të shtunën pritet të vijnë 45 aeroplanë nga diaspora në Kosovë.

Numri i rasteve të referuara nga Klinika e Syve e Qendrës Klinike Universitare të Kosovës për trajtim jashtë institucioneve publike shëndetësore, ka rënë në më shumë se 50 % gjatë vitit 2020, njofton SHSKUK.Vitin e kaluar, 190 pacientë, që kishin probleme të ndryshme shëndetësore me sy, të cilat nuk janë trajtuar në Kosovë, janë dërguar për shërim jashtë institucioneve publike shëndetësore.“Në vitin 2019 u referuan 469 raste, ndërsa në vitin 2018 ishin referuar 527 raste për shërim jashtë institucioneve publike shëndetësore.

Pas blerjes së aparaturës së re dhe pas trajnimeve të vazhdueshme që kanë ndjekur mjekët, në Klinikën e Syve, gjatë vitit 2020, janë aktivizuar shërbime të reja shëndetësore.Për një vit, mjekët specialistë të oftalmologjisë kanë kryer 126 operacione në segmentin e pasmë të syrit apo PPV (Pars Plana Vitrectomi), 37 intervenime me Laser Assisted DCR- Dacryocystorhinostomy (operim i kanalit të lotit me laser), 41 raste me Cross-Linking (CXL) tek rastet me Keratokonus dhe 4 ndërhyrje me laserim tek retinopatia te prematurët – ROP (ndërhyrje me laser te fëmijët e lindur para kohe, që kanë problem me enët e gjakut).Më herët, në pamundësi për të marrë këto shërbime në QKUK, qytetarët e Kosovës janë detyruar të gjejnë zgjidhje jashtë institucioneve publike shëndetësore, në rastin më të vështirë, edhe në vendet e huaja, duke harxhuar mijëra euro”, thuhet tutje në njoftimin dërguar mediave.

Europol njoftoi sot se ndihmoi në arrestimin e dhjetë personave të dyshuar për vjedhje të valutave digjitale me vlerë 100 milionë dollarë përmes sistemit “shkëmbimi i kartës SIM”, i cili u mundësoi të dyshuarve të hynin në telefonat e viktimave të tyre.Një total prej tetë kriminelësh u arrestuan dje si rezultat i një hetimi ndërkombëtar mbi disa sulme hakerësh ndaj figurave publike në Shtetet e Bashkuara dhe ata ndoqën kapjen e mëparshme të një personi në Maltë dhe Belgjikë që i përkiste këtij rrjeti kriminal.
“Banda e organizuar kriminale kishte në shënjestër mijëra viktima në Shtetet e Bashkuara gjatë vitit 2020, duke përfshirë njerëz të famshëm, yje sportivë, muzikantë dhe familjet e tyre dhe besohet se kriminelët vodhën mbi 100 milionë dollarë në kriptovaluta pasi u kishin hyrë në mënyrë të paligjshme në telefonat e tyre,” thuhet në deklaratën e Europol.

Europol specifikoi se hetimi zbuloi se një grup prej disa kriminelëve punuan së bashku për të hyrë në numrat e telefonit të viktimave dhe për të ndryshuar fjalëkalimet e tyre për të marrë kontrollin e aplikacioneve ose llogarive të tyre, të cilat u mundësuan atyre të vidhnin para, kriptovaluta dhe të dhëna personale.Arrestimet u bënë pas një hetimi të kryer në bashkëpunim me Britaninë, Shtetet e Bashkuara, Belgjikën, Maltën dhe Kanadanë, deklaroi Europol./kp

Ministrja e Punëve të Jashtme të Republikës së Shqipërisë, Olta Xhaçka e ka pritur sot në tiranë homologun sllovak Ivan Korcok, me të cilin kanë diskutuar edhe për procesin e dialogut në mes të Kosovës dhe Serbisë

Xhaçka ka thënë se i ka kërkuar ministrit të Jashtëm të Sllovakisë që të hapë një zyrë ndërlidhëse për Kosovën në Bratislavë si sinjal pozitiv në përkrahje të procesit të vështirë të negociatave në mes të Prishtinës dhe Beogradit.
“I propozova kolegut tim që të hapë një Zyrë Ndërlidhëse të Republikës së Kosovës në Bratislavë, si një shenjë pozitive në mbështetje të procesit të vështirë të dialogut Kosovë-Serbi”, ka shkruar Xhaçka.

Sllovakia është një prej 5 shteteve të BE’së që vazhdon të mos e njohë Kosovën si shtet.

Kandidatja për Presidente nga lista “Guxo”, ka shpërndarë një fotografi ku shihen balona në formë të zemrave të kuqe.

“Ngjyra e dashnisë për vendin tonë”, shkruan ajo, përcjellë Gazeta Blic.Lëvizja Vetëvendosje u kritikua shumë për vendosjen e shiritave të kuq në drunjtë e Prishtinës, por me sa duket sipas Osmanit kjo ngjyrë është vetëm ngjyra e dashnisë për vendin.

Postimi i saj i plotë: Ngjyra e dashnisë për vendin tonë. ❤️

Është duke vazhduar votimi nga diaspora për zgjedhjet parlamentare që do të mbahen më 14 shkurt në Kosovë, ndërkohë bashkatdhetarët që kanë të drejtë vote kanë edhe dy ditë kohë (12 shkurt) për të dërguar fletëvotimet e tyre në Komisionin Qendror të Zgjedhjeve.E deri tani, Sekretariati i Komisionit Qendror të Zgjedhjeve ka pranuar mbi 40 mijë pako me fletëvotime nga diaspora.Kryeshefi Ekzekutiv i Sekretariatit të Komisionit Qendror të Zgjedhjeve, Burim Ahmetaj, në një deklaratë të dhënë për telegrafin, ka thënë se deri tani kanë pranuar 40 mijë e 625 pako me fletëvotime.
“Sekretariati i Komisionit Qendror të Zgjedhjeve deri më datën 9 shkurt ka pranuar 40 mijë e 625 pako me fletëvotime nga jashtë vendi”, theksoi ai.Duke folur për votimin nga diaspora, Ahmetaj potencoi se ende nuk dihet se nga cilat shtete kanë arritur më së shumti fletëvotime.
“Faktikisht ne i marrim ashtu siç dërgohen në të gjitha postat pa selektim se nga cili vend vijnë, mirëpo sigurisht ky proces do të bëhet në Qendrën e Numërimit të Rezultateve, që fillon më 14 shkurt dhe atëherë fillon edhe vlerësimi i pakove dhe selektimi i tyre sipas shteteve nga vijnë. Mirëpo në këtë fazë është e vështirë të bëhet, sepse të gjitha dërgesat që vijnë dërgohen në ambientet e Ministrisë së Infrastrukturës”, tha mes tjerash ai.
Sa i përket sigurisë së këtyre fletëvotimeve, Ahmetaj bëri të ditur se në ambientet ku po ruhen votat nga diaspora janë të vendosura kamerat dhe po ashtu është edhe Policia e Kosovës.“Objekti është i siguruar, brenda hapësirës ku mbahen dërgesat me fletëvotime nga jashtë janë të siguruar me katër kamera të sigurisë brenda, po ashtu kamerat janë edhe jashtë. Policia gjithashtu bën sigurimin e objektit dhe sipas protokollove shiritat e derës ndërrohen sapo të hapet dera, kjo ndodhë për shkak të sigurisë”, potencoi ai.Ahmetaj në fund sqaroi se fletëvotimet do të transferohen në Qendrën e Numërimit të Rezultateve më 14 shkurt, kur edhe fillon procesi i vlerësimit të fletëvotimeve.Ndryshe, lista përfundimtare e votuesve brenda vendit për zgjedhjet e parakohshme për Kuvendin e Kosovës të cilat do të mbahen më 14 shkurt, përmban: 1 milion e 794 mijë e 862 emra të votuesve. Pra, në këto zgjedhje janë 143 mijë e 6 votues më pak se në Zgjedhjet për Kuvend të 6 tetorit 2019.Nga kjo listë janë larguar 122 mijë e 421 votues të cilët posedojnë vetëm dokumente të identifikimit të lëshuara nga UNMIK-u, si dhe për shkak të largimit të 11 mijë e 86 të cilët janë konfirmuar se janë larguar nga skema pensionale për shkak të vdekjes.