Komisioni Qendror i Zgjedhjeve ka nisur shpërndarjen e materialit të ndjeshëm zgjedhor që është i nevojshëm për zgjedhjet parlamentare që pritet të mbahen nesër.
Materiali i ndjeshëm zgjedhor ku bëjnë pjesë edhe fletëvotimet janë nisur nga depoja qendrore e Komisionit Qendror të Zgjedhjeve në bazë të planit operacional dhe do të shpërndahen për në depot e Komisioneve Komunale të Zgjedhjeve në të 38 komunat e Kosovës.Ndërkaq të dielën në mëngjes në orët e hershme materiali zgjedhor shpërndahet nga Komisionet Komunale të Zgjedhjeve në të gjitha qendrat e votimit në secilën prej komunave përkatëse.
I gjithë procesi i shpërndarjes së materialit të ndjeshëm zgjedhor u bë nën përcjelljen e Njësisë Speciale të Policisë së Kosovës.

Qeveria e re e cila pritet të formohet pas zgjedhjeve të nesërme duhet të ketë në fokus ekonominë, veçanërisht adresimin e sfidave që i ka Kosova ndër vite, papunësinë, deficitin tregtar dhe sanimin e dëmeve ekonomike të shkaktuara nga pandemia COVID-19.Këto sugjerime për ekzekutivin e ri i ka adresuar guvernatori i Bankës Qendrore të Kosovës (BQK) Fehmi Mehmeti, i cili thotë se sektori bankar ka pasur dhe vazhdon ta ketë rolin e saj në rimëkëmbjen ekonomike.

Guvernatori Mehmeti në një intervistë për KosovaPress ka thënë se BQK pret që për vitin 2021 vendi të ketë një rritje ekonomike prej 4 përqind, gjithnjë nëse situata me pandeminë shkon drejt përmirësimit.
“Sugjerimet tona si Bankë Qendrore, BQK edhe me ligj është këshilltar i qeverisë, janë që qeveria e ardhshme fokus duhet ta ketë ekonominë, me qëllim që të kemi një rritje sa më të madhe ekonomike. Një rritje të qëndrueshme ekonomike dhe njëkohësisht një rritje e cila përpos që adreson sfidat që i ka pasur ndër vite Kosova, që është papunësia, deficit i lartë tregtar, njëkohësisht i sanon edhe dëmet ekonomike të shkaktuara nga pandemia”, theksoi Mehmeti.Guvernatori i BQK-së beson se nëse vihet nën kontroll pandemia përmes vaksinimit deri në gjashtëmujorin e parë, sivjet pritet të ketë një rikthim të rritjes ekonomike.Mehmeti po ashtu thotë se tkurrja ekonomike prej -7.2 përqind për vitin që lamë pas ka shkaktuar dëme të mëdha në humbjen e mijëra vendeve të punës, në uljen e konsumit, të investimeve dhe mungesës së parasë në treg.

“Shpresëdhënës është fakti që vaksina është zbuluar dhe pritjet janë që të përmbyllet pandemia sa më shpejt që është e mundur. Parashikimet tona janë që në këtë vit të kemi një rritje ekonomike përafërsisht rreth 4 përqind, por gjithmonë varet prej pandemisë. Ne presim që në gjashtëmujorin e parë, gjithnjë sipas rekomandimeve nga Instituti Kombëtar i Shëndetit Publik dhe Ministria e Shëndetësisë, mirëpo në rast se në gjashtëmujorin e parë mbyllet çështja e pandemisë, me siguri që gjashtëmujori i dytë do të reflektojë me një rritje ekonomike”, thotë Mehmeti.Mehmeti duke treguar për rrjedhën e të hyrave nga diaspora, ka thënë se përkundër pandemisë remitencat kanë vazhduar trendin rritës, sipas tij gjatë vitit 2020 dërgesat ishin rreth 1 miliard euro.

“Masat kufizuese nga Qeveria e Kosovës për të parandaluar përhapjen e pandemisë ka ndikuar që të dobësohet aftësia paguese e të gjithë qytetarëve dhe bizneseve, në të njëjtën kohë kjo ka ndikuar që të kemi edhe rënie të investimeve. Vizita e diasporës në Kosovë paraqet një burim shumë të rëndësishëm për ekonominë e vendit, vetëm shpenzimet jo-rezidente që ne i konsiderojmë që kryesisht realizohen prej bashkatdhetarëve tanë, kemi një rënie diku rreth 52.9 përqind krahasuar me vitin 2019, pra të shpenzimeve jo rezidente të realizuara në Kosovë që kanë arritur në vlerën 589.7 milionë euro. Ndërkaq, një vit më herët ka qenë 1.2 miliard euro.

Kur jemi te lidhja e ekonomisë së Kosovës, shpenzimet ose remitencat kanë vazhduar trendin rritës, përkundër situatës që e ka shkaktuar pandemia edhe në vendet e tjera. Remitencat në Kosovë, në vitin 2020, kanë shënuar 977.3 milionë euro apo me një rritje 14.8 përqind”, thotë Mehmeti.Sa i përket treguesve të tjerë makroekonomik, Mehmeti po ashtu ka thënë se për shkak të pandemisë është afektuar edhe tregtia e jashtme, me një rënie të importit, ndërsa ka rritje të eksportit, e cila ka ndikuar edhe në përmirësimin e deficitit tregtar.

“Eksporti i shërbimeve edhe pse ka shënuar rënie, nëse e marrim si total kemi një eksport për afërsisht rreth 1.2 miliard euro, përfshirë eksportin e mallrave dhe shërbimeve. Në anën tjetër kemi një import diku për afërsisht 3.7 miliardë e që i bie diku një deficit të totalit rreth 1.5 miliard”, thotë ai.Mehmeti tregon se sektori bankar ka qëndrueshmëri të lartë, është likuid, mirë i kapitalizuar. Kreditë jo performuese sipas BQK-së janë në nivel mjaft të ulët, edhe gjatë pandemisë kanë qenë 2.7 përqind.

Drejtori i përgjithshëm i Shërbimit Spitalor dhe Klinik Universitar të Kosovës, Valbon Krasniqi thotë se nëse merren parasysh ngjarjet që kanë ndodhur së fundmi në Kosovë, përfshirë rikthimin e nxënësve në shkolla, pastaj fushatat e partive politike dhe tubimet në masë, në javët në vazhdim mund të pritet rritje e rasteve me COVID-19.

Krasniqi nuk ka dashur të komentojë lehtësimin e masave kundër COVID-19 nga Qeveria në detyrë e Kosovë, por ka thënë se aktualisht situata me koronavirus është më e mirë sesa muajt e kaluar dhe se numri prej rreth 500 pacientëve të hospitalizuar është nën kontroll.Ai ka folur për variantin e ri britanik si dhe për përgatitjet që kanë bërë për vaksinim.

Radio Evropa e Lirë: Zoti Krasniqi, si është gjendja në Kosovë sa i përket sëmundjes COVID -19 dhe sa po arrihet të menaxhohet situata epidemiologjike?Valbon Krasniqi: Siç keni qenë të informuar në vazhdimësi, sidomos në muajt e fundit kemi një situatë më të qetë sa i përket situatës epidemiologjike të COVID-19 në Kosovë, përfshirë këtu edhe menaxhimin klinik të rasteve. Kur jemi të menaxhimi klinik i pacientëve të prekur nga COVID-19, në këto tri javët e fundit kemi pasur numër më të vogël të pacientëve të shtrirë, numri i tyre është sjellë diku rreth 480 deri në 530 pacientë të shtrirë nëpër të gjitha spitalet e përgjithshme dhe në QKUK.

Si rezultat i kësaj situate, më 5 janar kemi rikthyer të gjitha shërbimet specialistike nëpër ambulanca specialistike dhe po ashtu kemi rikthyer edhe operacionet në lëmi të caktuara dhe kemi vazhduar në rikthimin gradual të të gjitha shërbimeve.
Radio Evropa e Lirë: A ka bërë që kjo situatë e qetë që po paraqiteni ju, që qeveria në detyrë të marrë masa lehtësuese kundër COVID-19?Valbon Krasniqi: Në fakt, situatën e kemi më të mirë, më të favorshme sesa muajt e kaluar. Muajt nëntor -dhjetor ishin muaj të rëndë për sistemin tonë shëndetësor.

Në javën e fundit të nëntorit, numri i pacientëve nëpër klinika tona kishte arritur deri në 1,010 edhe ky numër prej rreth 500 raste ende është i lartë, mirëpo është i menaxhueshëm dhe e kemi nën kontroll situatën.Radio Evropa e Lirë: Prisni që të ketë rritje të numrit të rasteve në javët në vijim?Valbon Krasniqi: Ne po i përcjellim me vëmendje situatën epidemiologjike në nivel vendi dhe jo vetëm në vend, por edhe në shtetet përreth dhe më gjerë.

Jemi dëshmitarë që në shumicën e shteteve janë duke përjetuar një valë të re të rasteve me numër të madh të të infektuarve.Nëse marrim parasysh ngjarjet të cilat kanë ndodhur në vendin tonë, përfshirë edhe rikthimin e nxënësve në shkolla, më pastaj fushata e partive politike, tubimet në masë, ne mund të presim që mund të kemi më shumë raste të reja në javët në vazhdim. Sidoqoftë, ne do ta përcjellim me vëmendje këtë situatë dhe karshi çdo ngjarje të reagojmë me kohë.Radio Evropa e Lirë:

Në Kosovë javë më parë janë paraqitur edhe rastet e para me variantin e ri britanik të koronavirusit. Deri më tani, sa është numri i të infektuarve në Kosovë me këtë variant?Valbon Krasniqi: Varianti i ri është një virus që është krijuar si rezultat i ndryshimeve mutative, pra mutacioneve që pësojnë viruset. Këto viruse janë të njohur për këto ndryshime dhe nuk është e re diçka për shkencën mjekësore. Deri më tani, kemi tri raste të konfirmuara nga 30 mostra që janë dërguar në Gjermani, tri kanë ardhur me këtë varianti të ri. Është e vështirë të thuhet për numrin e mundshëm të rasteve me këtë varianti të ri, pasi Kosova dhe shumica e shteteve përreth, nuk kanë mundësi të bëjnë sekuencat gjenetike, pra të tipizojnë virusin. Por, ajo që është me rëndësi është se për të njëjtin virus, masat parandaluese janë të njëjta dhe trajtimi është i njëjtë.

Radio Evropa e Lirë: A po vazhdon Kosova t’i dërgojë mostrat për analiza jashtë vendit për identifikimin e variantit të ri britanik?Valbon Krasniqi: Për këtë është përgjegjësi e Institutit Kombëtar të Shëndetësisë Publike dhe Ministrisë së Shëndetësisë, por mund të them se në aspektin klinik, ne nuk kemi parë ndonjë rëndësi të veçantë për sa i përket tipizimit të këtij varianti.Radio Evropa e Lirë: Kosova tani ka filluar trajtimin e pacientëve me COVID -19 edhe me plazmë konvalescente. Si po vazhdon ky trajtim, a prisni rezultate të efektshme?Valbon Krasniqi: Është duke shkuar shumë mirë. Edhe ne si Kosovë, si shëndetësi, duke përcjellë të arriturat në nivel shkencor kemi filluar të trajtojmë pacientët me plazmë konvalescente. Çka është kjo plazmë? Është plazma e personave të cilët e kanë kaluar COVID-19, dhe të cilët kanë arritur të krijojnë antitrupa.Deri më tani nuk kemi parë ndonjë efekt të dëmshëm, por për efekte terapeutike të saja mbetet të shihet në vazhdim, pasi që është herët të thuhet konkretisht. Megjithatë, plazma konvalesente nuk është diçka e panjohur për ne, është përdorur edhe më herët tek infeksionet e tilla të ngjashme dhe ne presim që megjithatë të ketë ndikim pozitiv sa i përket trajtimit të rasteve.Radio Evropa e Lirë: Ka interesim të personave që kanë kaluar COVID-19 të dhurojnë plazmën konvalesente?Valbon Krasniqi: Po, ka interesim. Është duke u punuar shumë në këtë drejtim, përfshirë edhe IKSHPK-në, janë listat e pacientëve të cilët kanë qenë të infektuar që janë shëruara nga COVID-19, ata qoftë thirren në mënyra vullnetare, qoftë paraqiten në mënyrë personale… Por, ju bëj thirrje të gjithë atyre që kanë kaluar COVID-19 dhe që ndihen të shëndetshëm, të paraqiten vullnetarisht, pasi që ai mund të jetë i dobishëm për pacientët e tjerë.Radio Evropa e Lirë: Kur pritet saktësisht ardhja e vaksinës në Kosovë, a keni informacione për këtë?Valbon Krasniqi: Ashtu siç edhe ka njoftuar ministri në detyrë i Shëndetësisë, Armend Zemaj, vaksinat kundër koronavirusit do të arrijnë në Kosovë gjatë këtij muaji.Radio Evropa e Lirë: A janë bërë të gjitha përgatitjet, kushtet që në momentin kur të vjen vaksina të fillohet vaksinimi?

Valbon Krasniqi:

Qeveria me kohë ka marrë masat, ka hartuar planin detal të vaksinimit, përfshirë grupet e para me të cilët do të fillohet vaksinimi, ka siguruar zinxhirin e ftoftë, të ashtuquajtur në mjekësi, pra aparaturën apo frigoriferët e nevojshëm për të ruajtur vaksinën në kushtet çfarë kërkohet, ka përcaktuar edhe ambientet spitalore dhe ambientet tjera ku do të bëhet vaksinimi dhe tani pritet vetëm ardhja e vaksinës.Radio Evropa e Lirë: Doktor, pasi të fillojë vaksinimi kur Kosova mund të kthehet në normalitet?Valbon Krasniqi: Atë çka kemi mësuar tash e një vit, që nga fillimi i pandemisë me COVID-19, kemi mësuar që duhet të jemi të kujdesshëm me parashikimet sa i përket pandemisë COVID-19. Ende mbetet të shihet efekti i vaksinës në nivel global dhe ende mbetet të shihet dobësimi eventual i virusit sa ka qarkulluar në botë. Vështirë të parashikohet, megjithatë një gjë është e sigurt se vaksinimi do të ndikojë pozitivisht dhe do t’i ndihmojë shteteve që ta kontrollojnë dhe menaxhojnë shumë më mirë përhapjen e virusit.

Mimoza Zajmi – Durakun e takova një të shtunë paradite. Të them të drejtën, kisha pak emocione, mbase më shumë se sa të bisedoja me një person të njohur publik. Kjo për vetë faktin se psikologët mund të kuptojnë menjëherë tipin dhe gjendjen momentale emocionale edhe pa diskutuar shumë.

Mimoza Zajmi -Duraku ka ordinancë psikologjike në Vjenë, e cila gjendet në lokacionin top “Palais Aurora” në “Währinger Straße 39”, në bezirkun e 9-të. Aty edhe u takuam. Ishte ndërtesë e vjetër, por e restauruar me shije dhe stil ultramodern. Në fillim isha më e rezervuar se normalisht, por brenda disa minutave mu shfaq një vajzë e dashur, shumë e thjeshtë dhe e mirë duke më lënë menjëherë terren të bisedoj që në momentet e para mbi gjëra personale.

Tradita qëndron në familje dhe ka themele të forta

Vajza nga Gjakova, e bija e një neurologu dhe psikiatri të njohur në Kosovë, jeton në Vjenë që nga viti 2005. Pasi përfundon provimin e gjuhës, thellohet në studimet e psikologjisë, të cilat zgjasin në Austri rreth 16 semestra, pra 8 vjet. Në fakt më tregon me krenari se këtë profesion e ka zgjedhur për shkak të babait të saj, të cilin e ka admiruar që e vogël, jo vetëm si baba të mrekullueshëm, por edhe si idhull në punën e tij. Mimozës i ka mbetur në kujtesë se sa falënderues ishin njerëzit gjithnjë kur kishin nevojë për të. Përpara shëndetit mendor s´vihet asgjë tjetër në këtë botë, as pasuria e as salltanetet.

Rastësisht kisha hasur në temën e diplomës së Mimozës në Universitetin e Vjenës dhe nuk e di, por ndjeva krenari dhe njëkohësisht falënderim për të. Temën e diplomës ajo ia ka dedikuar stresit posttraumatik të të prekurve gjatë luftës së Kosovës. Ka bëra intervista të shumta me persona të traumatizuar nga lufta ose qe kanë humbur të afërmit e tyre. Me punën e saj, Mimoza ka realizuar një kontribut për vendin që nuk haset lehtë, sepse pasojat e luftës janë ato që na ndjekin dhe shumë e shumë kohë pas përfundimit. Çdo hap në drejtimin e përpunimit psikologjik në kolektiv është një hap drejt shërimit mendor për të gjithë ne.

Karriera në Austri, çelësi i suksesit është eksperienca

Pas studimeve të psikologjisë së përgjithshme, Mimoza menjëherë ka filluar specializimin për psikologe klinike dhe të shëndetit, që gjithashtu zgjat rreth 3 vjet. Duke qenë se ky specializim e ka bazën në praktikë, ajo përfundon përpos praktikës gjatë studimeve në “Otto-Wagner-Spital” e cila është një klinikë ditore për të moshuar me probleme psikike, edhe praktikën në qendrën “Autistenhilfe”. Pra ajo ka punuar me fëmijë autistë duke i ndjekur ata në shkollë si dhe në diagnostifikim të mëtejshëm. Kjo eksperiencë ka qenë shumë me vlerë, pasi Mimoza ka arritur t´i inkuadrojë këta fëmijë në jetën e përditshme, në ecurinë në shkollë apo dhe në zhvillimin personal. Më tej ajo u dedikohet fëmijëve me sëmundje të rënda në departamentin onkologjik në “Sankt Anna Kinderspital”.

E pyes se çfarë ndjenje është të konfrontohesh vetë me fate të tilla dramatike dhe si arrihet të përballohet kjo gjë? Pasi mendohet shkurt, Mimoza me tregon. “…në fillim i kam përjetuar gjërat shumë personalisht. Në terapinë psikologjike ka supervizorë të cilët mbështesin vetë psikologët pasi kryejnë terapi të ndryshme. Dikur mësohesh se detyra jote nuk është të ndjesh më të prekurit, por t´i ndihmosh dhe t´i përkrahësh ata në rrugën e shërimit apo përmirësimit. Kur e finalizon këtë fakt, të lehtësohet puna masivisht, pasi fokusohesh tek shëndeti i pacientit dhe jo tek fati i tij”.

Një pyetje tjetër më kishte munduar gjithë kohën, sidomos për sa u përket fëmijëve dhe të moshuarve, kur ata kanë probleme psikike. Kjo kërkon që e gjithë familja të jetë pjesë e terapisë, pasi gjithçka reflektohet dhe ndikon tek të gjithë pjesëtarët. Pra, si mund të komunikosh me prindër të cilëve duhet t´ua bësh të qartë faktin se fëmija ka nevojë për ndihmë. “Pjesë e autizmit është e gjithë familja, jo vetëm fëmija”,- shprehet ajo. Mimoza më thotë që kështu se ka parë ndonjëherë këtë gjë, sepse bisedat me prindër dhe familje janë gjithsesi pjesë e terapisë apo e punës. Si stacion aktual përveç ordinancave private për fëmijë apo të rritur, Mimoza është pjesë e stafit të “Kindersozialdienste St. Martin”, ku ajo është specialiste për diagnostikim të psikologjisë klinike dhe për shëndetin. Ky institut i krijuar për të ndihmuar fëmijë për çdo lloj problemi, ndodhet në Tulln dhe Klosterneuburg, ofron terapi për fëmijë në Austrinë e Ulët dhe financohet nga donatorë. Prindërit paguajnë vetëm një kuotë minimale për seancat e terapisë. Psikologes Zajmi- Duraku i është bërë shumë shpejt e qartë se praktika është baza më e fortë për tu rritur profesionalisht.

A u vjen turp shqiptarëve të shkojnë te psikologu?

“…ky mentalitet i përgjithshëm nuk ekziston më. Unë kam pasur gjatë eksperiencës sime shumë pacientë shqiptarë, si të rritur ashtu dhe fëmijë. Ky fakt më gëzon shumë, sepse ka shumë njerëz të cilët kanë nevojë vetëm për një apo dy seanca ku ata thjesht duan të flasin me dikë, jashtë familjes apo rrethit të të njohurve. Përveç kësaj, terapia në gjuhën e nënës është shumë efikase, sidomos për fëmijë. Të kërkosh ndihmë tek psikologu nuk është dobësi, por diçka e vetëkuptueshme që të çon një hap më afër harmonisë tënde.”, – thekson Mimoza. Mbështetja psikologjike është rezultat i një pune të gjatë identifikimi nevojash specifike për pacientin, psikologu dëgjon shqetësimet, përjetimet dhe nevojat e tij si dhe e ndihmon atë të pranojë realitetin e tij shëndetësor. Ai luan një rol kyç terapeutik duke mundësuar të vendosë një lidhje midis të kaluarës, të tashmes dhe të ardhmes. Gjëja më e rëndësishme që duhet të dijë pacienti, është gjithashtu të ruhet privatësia. Psikologu është i detyruar me ligj të trajtojë gjithçka në mënyrë të fshehtë deri edhe kundrejt autoriteteve apo institucioneve.

Këshilla dhe marrje ndihme psikologjike gjatë pandemisë së Covid-19

Mimoza ka përmbledhur që nga fillimi i pandemisë një sërë këshillash, si për të rritur ashtu dhe për fëmijë, në lidhje me gjendjen e jashtëzakonshme që ka shkaktuar Covid-19. Disa nga këto udhëzime profesionale të provuara shkencërisht i sugjerohen për zbatim gjithkujt nga ne dhe janë si më poshtë:

Krijoni një strukturë ditore. Strukturimi i ditës ndihmon kundër kaosit, të jep siguri dhe të forcon në momente stresuese.

Përdorni mediat në masë të caktuar. Evitoni përdorimin e pandërprerë mediatik, si iPad, TV, telelefon etj. Caktoni një orar fiks, kur secili nga anëtaret e familjes mund të angazhohet me media.

Koncentrohuni në fuqitë e juaja. Burimet e brendshme mentale, janë të gjitha përjetimet pozitive që keni kaluar deri tani, të gjitha problemet jetësore që i keni zgjidhur deri tani, të gjitha forcat dhe talentet që i keni. Të gjitha këto, janë burim i energjisë te cilin duhet ta aktivizoni dhe përdorni në këtë situatë.

Lëvizja bën mrekulli në kokë dhe ndikon pozitivisht, në psiqikën e njeriut, kjo është e vërtetuar shkencërisht. Lëvizja në hapësira të ngushta në ditët e sotme, nuk është problematike. Shumë video në internet japin udhëzime për programe trajnimi fizik, që janë shumë të dobishme! Shfrytëzoni këtë mundësi.

Mbani kontaktet sociale me anë të telefonit. Bisedoni me të afërmit tuaj dhe me shoqërinë, me të cilët, mbase ka kohë që nuk jeni dëgjuar. Gjeni një pikë (kohë) të ditës dhe pyetni veten „Çfarë ishte e bukur në ditën e sotme?“ Si eksperte e denjë në fushën e saj Mimoza Zajmi Duraku ofron një sërë terapish dhe shërbimesh psikologjike nga aspekti mendor për fëmijë, adoleshentë dhe të rritur. Këtu hyjnë shqetësimet apo çrregullimet psikologjike me bazë ankthi, depresioni, vartësitë, traumat, krizat jetësore personale dhe familjare, menaxhimi i stresit në rrethanat e një sëmundje fizike akute ose kronike. Ndihmë psikologjike për refugjatë në procesin e adaptimit psikik me kushtet e reja të jetesës si dhe seanca grupore (8-10 persona) për çrregullime të ngjashme psikike si depresioni, çrregullimet e ndjenjës së ankthit dhe sëmundjet e vartësisë (alkooli, duhani etj.)

Box

Këtu i gjeni shërbimet e Mimoza Zajmi – Durakut

Të gjitha këto shërbime ofrohen në ordinancën e saj që gjenden në Vjenë, përkatësisht në rrugët: në lokacionin top “Palais Aurora” në “Währinger Straße 39”, në bezirkun e 9-të. Gjithashtu ajo është pjesë e stafit në qendrën „Kindersozialdienste St. Martin“ në Klosterneuburg si psikologe klinike dhe e shëndetit e specializuar për diagnostikim.

Ehat Miftaraj nga KDI ka kërkuar nga qytetarët që të mos i votojnë kandidatët me aktakuza, njofton GazetaBlic.“Me 14 shkurt mos votoni kandidat me aktakuza per korrupsion.

Raporti i IKD lidhur me rastet e korrupsionit qe perfshin periudhen kohore 2008-2020, deshmon se mbi 90 perqind te personave te akuzuar per korrupsion jane burra, 10 perqind gra”, ka shkruar ai.Postimi i plotë:
Me 14 shkurt mos votoni kandidat me aktakuza per korrupsion.
Raporti i IKD lidhur me rastet e korrupsionit qe perfshin periudhen kohore 2008-2020, deshmon se mbi 90 perqind te personave te akuzuar per korrupsion jane burra, 10 perqind gra.
Grate jane me pak te ekspozuara te shkelin besimin e qytetareve!

Mos votoni as grate e as burrat qe rrejne dhe i shkelin parimet çdo pale zgjedhje.
IKD me 14 shkurt 2021 ka te akredituar 51 vezhgues ne monitorim te institucioneve te sigurise dhe drejtesise ne mbrojtje te votes se lire.

M.K është 23-vjeçari nga Mitrovica që u qëllua për vdekje mbrëmë në vendin e tij të punës.“Jepi zë” raporton se 23 vjeçari u bë aksidentalisht viktimë pasi caku ishte diku tjetër.Siç raportohet, dyshohet se dorasi kishte në shënjestër pronarin e një picerie, por plumbi goditi 23-vjeçarin.

Në përleshjen me armë që ndodhi në rrugën “Bislim Bajgora”, u plagosën edhe dy persona të tjerë. Ata janë duke u trajtuar në QKUK.
Lajmin e ka konfirmuar Avni Zahiti nga Policia e Kosovës.Zahiti ka thënë se rreth orës 22:20, policia është njoftuar për të shtëna me armë zjarri në Mitrovicë.

“Rreth orës 22:20, policia ka marrë informacion për të shtëna me arme zjarri në rrugën ‘Bislim Bajgora’ në Mitrovicë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Bazuar në të dhënat fillestare, nga arma e zjarrit janë plagosur tre persona, si pasojë njëri nga te plagosurit i moshës 23 vjeçare ka vdekur, vdekjen e të cilit e ka konstatuar mjeku, ndërsa dy të plagosurit tjerë janë dërguar në QKUK për trajtim te mëtejmë mjekësor”.

Komisioni Qendror i Zgjedhjeve do të bëjë sot shpërndarjen e materialit të ndjeshëm zgjedhor për zgjedhjet e së parakohshme parlamentare që pritet të mbahen nesër.Materiali i ndjeshëm zgjedhor ku bëjnë pjesë edhe fletëvotimet e që aktualisht janë në depon qendrore të Komisionit Qendror të Zgjedhjeve në bazë të planit operacional shpërndahen nga kjo depo për në depot e Komisioneve Komunale të Zgjedhjeve në të 38 komunat e Kosovës.

Ndërkaq të dielën në mëngjes në orët e hershme materiali zgjedhor shpërndahet nga Komisionet Komunale të Zgjedhjeve në të gjitha qendrat e votimit në secilën prej komunave përkatëse.

Sa i përket fletëvotimeve, edhe këtë vit si në çdo proces zgjedhor janë shtypur më pak fletëvotime sesa numri i përgjithshëm i votuesve, por sipas KQZ, kjo nuk do ta kufizojë askënd për të mos e ushtruar të drejtën e votës.Fletëvotimet janë shtypur në Slloveni. Bazuar në listën përfundimtare të votuesve me të drejtë vote janë 1 milion 794 mijë e 862 votues, por pavarësisht kësaj, KQZ ka shtypur më pak fletëvotime sesa numri i përgjithshëm i votuesve, janë gjithsej 1 milion e 617 mijë e 200 fletëvotime që janë shtypur përfshirë edhe ato rezervë. Rrjedhimisht janë 117 mijë e 662 fletëvotime më pak sesa numri i përgjithshëm i votuesve.

Sot në Kosovë zyrtarisht është heshtje zgjedhore pas fushatës 10 ditore të subjekteve politike, raporton Gazeta Blic.Nesër qytetarët e Kosovës do t’iu drejtohen kutive të votimit për zgjedhjet e parakohshme parlamentare.Fushata nisi që nga 2 shkurti, ku kandidatët për kryeministër dhe ata për deputetë kanë shpalosur para qytetarëve premtimet dhe planet e tyre gjatë mandatit të ri.

Në këto zgjedhje, sipas KQZ-së, kanë të drejtë vote 1,794,862 qytetarë. Numri i Qendrave të Votimit në të gjithë vendin është 888 me gjithsej 2 mijë e 382 vendvotime.Nesër, nga ora 7 e mëngjesit deri në orën 19:00, qytetarët e Kosovës me të drejtë vote kanë mundësi të votojnë për parti të ndryshme politike.Ndërkaq, që nga mbrëmë është përmbyllur periudha e votimit përmes postës për zgjedhjet e parakohshme të 14 shkurtit.Komisioni Qendror i Zgjedhjeve ka bërë të ditur se ka pranuar 38 mijë e 339 pako nga diaspora.