Ish deputeti i Lidhjes Demokratike të Kosovës, Naser Rugova ka reaguar pas rezultatit të zgjedhjeve parlamentare në Kosovë, ku LDK ka shënuar rënie.

Rugova në një postim në rrjetin social Facebook shkruan se garda e vjetër duhet të largohet nga LDK-ja dhe kjo partia duhet ta bëj kuorumin për zgjedhjen e Osmanit presidente, pavarësisht që sipas tij, në demagogjinë e saj nuk ka pikë sinqeriteti.

Postimi i plotë:

Tre fjali për rezultatin dje.

Urime fituesit. Urojmë që Albini të mbajë premtimet dhe të mos viktimizohet më tutje. Tani e ka kohën që të përqafojë përgjegjësinë që ia kanë dhënë qytetarët dhe të mos aktrojë më.

Sa për Vjosën. Mendoj që deputetët e LDK-së duhet të rrinë në sallë dhe t’ia bëjnë kuorumin për zgjedhjen e Presidentit. Është shumë me rëndësi që maskat të bien deri në fund dhe që, të gjithë ata votues të LDK-së që i besuan, ta kuptojnë se e tëra, gjithë histeria e saj, ishte vetëm për poste dhe përfitime personale. Në demagogjinë e saj nuk ka as edhe një pikë sinqeriteti dhe kjo do të shihet edhe më shumë në periudhën që kemi para.

I përshëndes deklaratat e Kryetarit Mustafa dhe Kryeministrit Hoti, megjithatë duhet ta theksoj që nuk kemi kohë për të humbur. Elektorati ynë na ka dënuar dhe ky mesazh është kristal i qartë. Zgjedhjet në total, por edhe disfata jonë në bastionet tona tregon që komplet garda e vjetër, që me vite tani po i ik reflektimit, duhet të japë dorëheqje dhe të largohen menjëherë. Të rinjtë dhe të ardhurit në parti, që e kanë ndihmuar këtë strukturë të vjetër brenda partisë sonë, duhet të reflektojnë dhe të mësojnë nga kjo përvojë. Ka ardhur koha të ndahemi përgjithmonë nga arroganca, narcizmi dhe egot e sëmura.

Le të reflektojmë, le të veprojmë dhe le të kthehemi më të fuqishëm se para.

LDK është pasuri fundamentale e këtij populli.

Shumë qytetarë të Kosovës që jetojnë në shtetet perëndimore, erdhën për të votuar në zgjedhjet e 14 shkurtit, shkruan Reporteri.net.

Pas kryerjes së obligimit, një ditë pas zgjedhjeve ata kanë nisur të kthehen në vendet ku jetojnë.

Një qytetar i cili kishte ardhur në Kosovë për ta votuar Kurtin, ka shkruar në Facebook duke iu drejtuar liderit të Vetëvendosjes, Albin Kurti.

“Lamtumirë Kosovë… Albin…na thirre…erdhëm dhe bëmë atë që mundemi…Tani është në dorën tënde”, ka shkruar ai.

Lëvizja Vetëvendosje vazhdon të prijë kur janë numëruar 99,23% të të gjitha votave. Aktualisht, LVV numëron 376 mijë e 933 vota, apo 47,88%.

Partia e Albin Kurtit ndiqet nga PDK-ja në vend të dytë, e cila aktualisht ka marrë 136 mijë e 681 vota apo 17,36%.

Në vendin e tretë radhitet LDK-ja me 102 mijë e 959 vota apo 13,08%.

AAK-ja është në vendin e tretë me 58 mijë e 299 vota apo 7,41%. Pas saj radhitet Lista Serbe me 43 mijë e 746 vota apo 5,56%.

Tash e sa vite prej që jemi shtet i pavarur, ambasadorët më të mirë nga vendi ynë në botë kanë qenë kultura dhe sporti. Sukseset e njerëzve që vijnë nga këto sfera padyshim se na gëzojnë të gjithë neve dhe na bëjnë krenarë.

Një tjetër talente nga Kosova, që duket se po e ndërton kujdesshëm karrierën e saj, është edhe Riola Susuri. Ajo është  11-vjecare dhe është një pianiste mjaft e zonja.

Riola tashmë është në garë për piano në organizimin që po mbahet në formë virtuale nga shteti i Polonisë. Gara ka filluar nga dita e sotme dhe vlerësimi përfundimtar nga një juri tejet profesionale do të bëhët i ditur më 25 shkurt.

I kontaktuar nga Familja jonë, babai i Riolës, Rrahim Susuri, shprehet jashtëzakonisht i kënaqur me sukseset e vajzës së tij. Ai gjatë kësaj interviste na tregoi edhe për hapat e parë të karrierës së Riolës, si dhe cmimet që ajo ka fituar si një pianiste e dalluar nëpër vende të ndryshme ndërkombëtare.

“Riola ka filluar të mirrej me piano qysh prej moshës katër vite e gjysmë. Përreth tre vite ajo ndoqi mësimet në këtë drejtim në një kurs privat, ku shkonte dy herë në javë te një profesor me emrin Naser Susuri. Pasi ky i fundit pësoi e ndërpreu punën e tij, u detyrova ta regjistroj në shkollën e muzikës “Lorenc Antoni” në Prizren. Riola po ashtu është edhe nxënëse e klasës së gjashtë në shkollën “Emin Duraku”, pra i ndjek mësimet në të dy shkollat. Riola ka marrë pjesë në shumë gara vendore, rajonale dhe ndërkombëtare. Për shkak të pandemisë, disa gara zhvilloheshin online”, theksoi ai për Familja jonë.

Susuri tregon se Riola ka fituar disa cmime në Ukrainë dhe Tiranë, duke qenë po ashtu edhe pjesëmarrëse në shumë ngjarje kulturore të kësaj natyre në Amerikë dhe Austri.

Pjesëmarrja në garat e tilla ka qenë me pagesë, shpenzime të cilat janë paguar gjithnjë dhe vetëm nga Susuri. I pyetur nëse ka pasur ndonjëherë ofertë nga qeveria për mbulim të shpenzimeve, ai u përgjigj që, përkundër kërkesës nga vetë ai, nuk ka pasur kurrfarë interesimi nga autoritetet kosovare ta paguajnë qoftë edhe ndonjë shpenzim elementar.

“Asnjëherë. Kam bërë kërkesa, por asnjëherë nuk janë marrë parasysh nga ata. Prej moshës 4-vjecare e deri në moshën 11-vjecare, sa është tash Riola, të gjitha shpenzimet e garave i kam kryer unë personalisht, pa ndihmën e askujt”, shtoi Susuri.

Ndihmë financiare iu është ofruar vetëm nga Kuvendi Komunal, Drejtoria për Kulturë Rini dhe Sport, ku i kanë ofruar 1 mijë euro, pasi Riola kishte për të shkuar në Gjenevë në garë, vend në të cilin mori vendin e tretë, por që nuk arritën të shkonin shkaku i pandemisë.

Riola tashmë është në garën e realizuar nga shteti i Polonisë, ku vlerësimi përfundimtar do të publikohet më 25 shkurt. Në këto momente, pritshmëritë e familjarëve të saj dhe të gjithë shqiparëve janë të larta.

Duke e parë suksesin e Riolës në piano, ishte me interes të dihej nëse dikush nga familjarët e saj ka ushtruar këtë profesion.

“Unë jam gazetar, kurse gruaja ime është motër medicinale, cka tregon se talenti i Riolës për piano nuk është trashëguar”, deklaroi babai i Riolës kur u pyet për këtë.

Tashmë kur kanë mbetur edhe shumë pak kohë që ta kuptojmë vlerësimin e Riolës, një gjë është shumë e sigurt: Ajo është në rrugën e duhur për t’u bërë një yll në piano.

Sukseset e Riolës, përvec familjes së ngushtë, padyshim se iu atribuohen edhe profesoreshës së pianos, Besarta Guri-Bobaj, për të cilën prindërit e Riolës janë shumë falënderues dhe mirënjohës në raport me punën e palodhshme që ajo po bën me vajzën e tyre.

Humbja që Lidhja Demokratike e Kosovës ka pësuar në zgjedhjet e djeshme, ka bërë që të shpërthejnë pakënaqësitë në këtë parti.Anëtari i Këshillit të Përgjithshëm të LDK-së, Feim Brava përmes një statusi në Facebook ka shkruar se dorëheqja e Isa Mustafës duhet të ndodh qysh sot, sepse sipas tij, nesër është shumë vonë, raporton Gazeta Blic.Njoftimi i plotë:

Dorëheqje SOT,nesër është shumë vonë.Lidhja Demokratike e Kosovës ra në këtë nivel, jo për faj të elektoratit dhe përkrahësve, por ra për shkak se ata që udhëheqin sot me LDK-në, nuk u qëndruan besnik përkrahësve!Partia fituese nuk fjeti,ata nuk ndejtën indiferent!

Ata punuan me bazën, ata nuk i injoruan dhe nuk i larguan përkrahësit dhe elektoratin e vet sikur bënë këta që sot udhëheqin me LDK-në. Sot u pa që njerëzit nuk nënshkruajnë marrëveshje me partinë.Njerëzit dhe përkrahësit u qëndrojnë besnik partive, përderisa partitë u qëndrojnë besnike përkrahësve dhe njerëzve të vet.
Elektorati ndëshkoi dhe mirë që ndëshkoi,se ndryshe nuk lëshojnë pe “shefat”!

Ky duket që është veç fillimi,sepse pas një kohe të shkurtër kemi zgjedhje lokale dhe sot u pa dhe po shihet rezultati.Shkoni, ikni dhe na kërkoni falje për gjendjen ku na sollët.Humbja gjithsesi ështe e turpshme, por qëndrimi juaj aty, do të na turpëroj edhe më shumë.Andaj lerini analizat,por IKNI,LARGOHUNI pa analizë,sepse analizën u’a bëri dje votuesi.Mirë që u’a pata thënë edhe para një muaji në mbledhje se me juve Dullë & CO ,LDK-ja bie ne 12 %!Urime fituesve e veçanërisht Vjosës,e cila u qëndroi besnik parimeve dhe premtimeve të veta ndaj votuesve dhe simpatizantëve.