Mediumi zviceran “Blick.ch” ka shkruar për fitoren e Lëvizjes Vetëvendosje në zgjedhjet parlamentare të Kosovës.

“Lëvizja e reformës së majtë vendos qartë për veten e saj në Kosovë”, është titulli i artikullit të mediumit zviceran.

Në artikull shkruhet se rezultati i sondazheve plotëson dëshirat e shumë kosovarëve për një ndryshim thelbësore.

“Kurti tashmë kishte organizuar demonstrata kundër sundimit serb në Kosovë si student në vitet 1990. Nga shkurti deri në qershor të vitit 2020 ai ishte tashmë kreu i qeverisë. Mandati i tij përfundoi pasi partneri i atëhershëm LDK përfundoi koalicionin dhe bashkoi forcat me partitë e tjera. Pas fitores në zgjedhje, Kurti synon të kthehet në zyrën më të lartë të qeverisë”, thuhet ndër të tjera në artikull.

“Zgjedhjet të Dielën vulosën gjithashtu largimin e gardës së vjetër nga radhët e UÇK-së, i cili kishte luftuar për pavarësi por dështoi si fuqia dominuese në qeveri për gati dy dekada. Shumica e qytetarëve sot i fajësojnë ata për keqmenaxhim dhe korrupsion. Megjithatë, kësaj here, përfaqësuesit e tyre kryesorë nuk ishin më në dispozicion për zgjedhje”, shkruhet në artikullin e “Blick”.

Kryetari i Skenderajt, Bekim Jashari thotë se vendi ynë kaloi një test tjetër të demokracisë.

“Me gjithë rezultatet e shënuara në organizimin e zgjedhjeve ende duhet të punohet në zhvillimin e reformës zgjedhore që do të mundësojë rritjen e transparencës dhe kredibilitetit të procesit zgjedhor.”, shkruan ai.

Ai poashtu ka uruar Vetëvendsojen për fitoren në zgjedhje.

Postimi i plotë:

Qytetarë të dashur,

Shteti ynë dje kaloj edhe një tjetër test të demokracisë, duke përfunduar me sukses procesin zgjedhor për Parlamentin e Republikës së Kosovës.

Me gjithë rezultatet e shënuara në organizimin e zgjedhjeve ende duhet të punohet në zhvillimin e reformës zgjedhore që do të mundësojë rritjen e transparencës dhe kredibilitetit të procesit zgjedhor.

Njëkohësisht dëshiroj që të uroj Lëvizjen Vetëvendosje për fitoren e arritur në këto zgjedhje parlamentare.

Mbetet jetike që sa më shpejtë të konsolidohen institucionet tona qendrore për tu marrë intenzivisht me menaxhimin efikas të pandemisë COVID-19, rimëkëmbjen ekonomike, luftimin e korrupsionit e nepotizmit, rritjen e punësimit dhe integrimin e vendit në mekanizmat ndërkombëtar.

Shtetin tonë, të ndërtuar me shumë mund e sakrificë mund ta zhvillojmë e fuqizojmë vetëm duke qenë të bashkuar, pozitë e opozitë (secila në rolin e saj kushtetues)karshi temave nacionale për të mirën e shtetit.

Anëtari i LDK-së, Gani Geci ka reaguar pas dorëheqjes së Isa Mustafës nga pozita e kryetarit të LDK-së.

Ai ka thënë përmes një shkrimi në Facebook se ky lajm është lajm i mirë.

“Gabimet e kësaj kryesie në dekadën e fundit ishin të një pas njëshme. Kryesia e tanishme e LDK-së me çdo kusht mundoheshin ta privatizojnë LDK-në dhe tani duhet të gjithë te japin dorëheqje të lirojnë rrugën vizionit të LDK-së që e kemi trashëgim”, ka thënë ai.

“Edhe ata që ikën dhe nuk qëndruan në front për të bërë luftën dhe ndryshimet por dezertuan dhe gjetën streh në strofull te armiqtë e LDK-së le të rrin atje sepse LDK do të bëjë ndryshime edhe pa ata që iken.LDK do të reformohet me ata që qëndruan për LDK dhe nuk u bënë vazal as te Isa Mustafes as te Albin Kurtit . Kryesia e LDK-së në vend që të ndërpriste gabimet, i përseritke gabimet”, tha ai.

Komisioni Qendror i Zgjedhjeve ka numëruar 99.16 për qind të votave në zgjedhjet e parakohshme parlamentare të cilat u mbajtën (dje), të dielën e 14 shkurtit 2021.Sipas rezultateve në faqen zyrtare të KQZ-së përqindja e votave për katër partitë e para është kjo: LVV 47.88%, PDK 17.36 %, LDK 13.08 %, AAK 7.40 %.Ndryshe, Kosova një ditë më parë ka mbajtur zgjedhjet e parakohshme parlamentare, zgjedhje këto që u vlerësuan fer dhe demokratike.
Po ashtu, Policia e Kosovës vlerësoi se procesi zgjedhor ishte i qetë dhe pa incidente serioze.Dalja në zgjedhjet parlamentare të 14 shkurtit ishte 45.56 për qind.
Pas reagimeve nga Enver Hoxhaj i PDK-së, Isa Mustafa i LDK-së, sot kanë ardhur edhe reagime e para nga Shqipëria, Bashkimi Evropian etj.
Kryeministri i Shqipërisë, Edi Rama ka uruar partitë politike në Kosovë për mbarëvajtjen e zgjedhjeve.Rama me anë të një shkrimi në Twitter ka thënë se, vullneti i popullit të Kosovës të mishërohet në një kapitull të ri.“Përshëndetje të gjitha forcave politike në Kosovë dhe posaçërisht fituesve të qartë të zgjedhjeve, LVV, me urimin që vullneti i popullit të Kosovës të mishërohet në një kapitull të ri për Kosovën, me qeveri të qëndrueshme, dialog konstruktiv ndërpartiak, zhvillim ekonomik & social”, ka shkruar Rama.Për zgjedhjet e 14 shkurtit ka reaguar edhe Bashkimi Evropian, duke thënë se është duke pritur certifikimin e rezultateve përfundimtare të zgjedhjeve të 14 shkurtit 2021 të mbajtura në Kosovë.Në një deklaratë të përbashkët të lëshuar nga përfaqësuesi i lartë i BE-së, Josep Borrell dhe komisioneri për zgjerim, Oliver Varhelyi, thuhet se BE-ja pret edhe formimin e Kuvendit dhe qeverisë së re, si dhe zgjedhjen e një presidenti të ri.“Bashkimi Evropian ka vendosur një Mision të Ekspertëve Zgjedhor (EEM) i cili do të mbetet në Kosovë për të ndjekur procedurat post-zgjedhore gjithashtu dhe për të nxjerrë rekomandime. Bashkimi Evropian do të vazhdojë të angazhohet me autoritetet, me synimin për të mbështetur Kosovën në arritjen e progresit të prekshëm në rrugën e saj Evropiane”, thuhet në këtë deklaratë.

Studiuesit nga Bazeli po punojnë për zhvillimin e një terapie në të cilën qelizat imune të parapërgatitura mund të përdoren për të trajtuar çdo formë të kancerit menjëherë pas diagnozës, transmeton albinfo.ch.

Një fillestar tani synon të përdorë 30 milion dollarë amerikanë në fonde për të financuar tranzicionin drejt zhvillimit klinik.

Dr. Lucia Mori nga Departamenti i Biomjekësisë në Universitetin e Bazelit po punon për zhvillimin e një terapie revolucionare të kancerit. Sipas një njoftimi për shtyp të lëshuar nga universiteti, kjo do të përfaqësonte progres të konsiderueshëm edhe në krahasim me terapitë e personalizuara të imunitetit, transmeton albinfo.ch.

“A nuk do të ishte mirë nëse thjesht mund të futeshim në ngrirje pas një diagnoze kanceri dhe të kishim gati një paketë të gatshme të qelizave imune? Pavarësisht nga lloji i kancerit? ”, Shprehet Mori, duke theksuar avantazhin kryesor të zgjidhjes së saj.

Së bashku me kolegët e saj, Mori, e cila ka lindur në Itali, identifikoi qelizat në sistemin imunitar të njeriut që do të ishin në gjendje të sulmonin lloje të ndryshme të qelizave kancerogjene si pjesë e kërkimit të saj në Bazel – “vendi më i mirë në botë për kërkime imunologjike” , pohon ajo. Këto qeliza MR1T janë në gjendje të zbulojnë tumoret dhe të sulmojnë MR1, e cila është një proteinë e bartur nga pothuajse të gjitha qelizat kancerogjene. Në laborator, qelizat MR1T mund të personalizohen në mënyrë që ato të mund të përdoren për të luftuar një mori indikacionesh të kancerit. /Albinfo.ch

Pas dorëheqjes së Isa Mustafës nga posti i kryetarit, sipas burimeve të Gazeta Blic pas dorëheqjes së Isa Mustafës, bie edhe kryesia aktuale e partisë, dhe se sipas Statutit të LDK-së, thirret Kuvendi i ri zgjedhor i partisë.“Isa Mustafa do të jap dorëheqje nga posti i kryetarit. Me dorëheqjen e tij, bie edhe kryesia aktuale e partisë si dhe thirret Kuvendi i jashtëzakonshëm zgjedhor”, tha ky burim i lartë brenda LDK-së.

Ky burim thotë se sipas Statutit të LDK-së, pas dorëheqjes së Kryetarit dhe shpërbërjes së Kryesisë, caktohen njerëzit për përgatitjen e Kuvendit.
Ndryshe, LDK të dielën ka pësuar debakëll, duke marrë vetëm 13 për qind të votive, rezultat ky më I dobëti në historinë e kësaj partie.Lideri i LDK-së gjatë ditës së djeshme, me të përfunduar rezultati i zgjedhjeve ka reaguar përmes një statusi në Facebook, ku ka paralajmëruar reflektim dhe reformim të partisë.

“Miq të nderuar, në ditët në vijim, do të bëjmë një analizë të thellë të zgjedhjeve. Z. Hoti ka bërë një punë të shkëlqyeshme si Kryeministër por edhe gjatë fushatës. Çfardo të jetë, LDK e respekton rezultatin e zgjedhjeve. Ne do të bëjmë ndryshimet e nevojshme dhe LDK do të punojë shumë që të rikthehet dhe ta sendërtojë vizionin e saj rugovian për vendin. IM”, ka shkruar ai.
Pas rezultatit të zgjedhjeve, kishte reaguar edhe kandidati i LDK-së për kryeministër, Avdullah Hoti, i cili e ka marrë përsipër këtë rezultat.Reagimi i plotë:Të dashur qytetarë,
Të dashur votues të LDK-së dhe struktura të LDK-së,

Sipas vlerësimeve preliminare, Kosova ka përmbyllur një proces të rregullt zgjedhor. Kjo tregon për kulturën demokratike që është vendosur tanimë në procese zgjedhore, që është përmbushje e standardeve evropiane.
Unë ju falënderoj për besimin e dhënë. Por, rezultatet preliminare janë krejt tjera prej atyre që kam pritur.
Prandaj, unë e marrë përgjegjësinë e plotë për këtë rezultat zgjedhor të LDK-së. Në ditët në vijim do të diskutoj gjerësisht me organet e LDK-së për këtë përgjegjësi.

Pres që KQZ-ja të përmbyllë sa më parë procesin e numërimit të votave dhe certifikimit të rezultateve, që t’i hapet rrugë themelimit të institucioneve të reja të vendit.
Unë do të jem gjithmonë mirënjohës për mundësinë që më është dhënë nga LDK-ja për t’u shërbyer qytetarëve dhe do të mbetem mbrojtës i pakompromis i demokracisë dhe orientimit pro-perëndimor të Republikës se Kosovës.
LDK-ja do të jetë opozitë konstruktive në mbrojtje të interesit të qytetarëve dhe shtetit të Kosovës.
Qeveria në detyrë do të kujdeset për mbarëvajtjen e punëve deri në zgjedhjen e qeverisë së re nga Kuvendi i Republikës.
I juaji,
Avdullah Hoti