Zyrtari i Nismës Socialdemokrate, Vesel Krasniqi ka reaguar pas rezultateve të para të zgjedhjeve nga të cilat ky subjekt del se nuk e ka kaluar pragun, shkruan GazetaBlic.Në një shkrim në Facebook, Krasniqi i ka falenderuar aktivistët për mbështetjen, duke thënë se kjo është vetëm një betejë e humbur.

“Të nderuar mbështetës dhe simpatizant të Nisma-Socialdemokrate, nga zemra ju falenderojë për mbështetjen dhe tër aktivitetin tuaj që keni dhënë gjatë këtyre ditëve. Ju garantojmë se kjo është vetëm një betejë e humbur, por luftën politike në mbrojtje të vlerave Kombëtare ME ÇLIRIMTARËT dhe PËR ÇLIRIMTARËT do ta vazhdojmë dhe do ta fitojmë me komandant ÇELIKUN. Përjetësishtë me ty dhe vetëm me ty LIDERI IM”, ka thënë ai

Qytetarët e Kosovës dje i janë drejtuar kutive të votimit për të zgjedhur legjislaturën e tetë të Kuvendit të Kosovës.Sipas rezultateve të deritanishme nga ana e KQZ-së, Lëvizja Vetëvendosje del të jetë e para me 48,17%, pas saj renditet PDK-ja me 17,35%, e treta është LDK-ja me 13,18% dhe AAK me 7,42%.

Zëdhënësi i KQZ0-së, Valmir Elezi përmes një postimi në Facebook ka bërë të ditur se numërimi i votave ka përfunduar mbrëmë, ndërkaq kanë mbetur pa u procesuar vetëm 46 vendvotime.

“Numërimi i fletëvotimeve ka përfunduar të dielën në mbrëmje. Në ueb faqe janë transmetuar rezultatet nga 2336 vendvotime apo rreth 99%. Kanë mbetur pa u procesuar vetëm 46 vendvotime të dhënat e të cilave do të ngarkohen gjatë ditës”, ka shkruar Elezi.Ndryshe në zgjedhjet e 14 shkurtit të drejtë vote kanë pasur 1 milion 763 mijë e 472 qytetarë, kurse pjesëmarrja në zgjedhje 45,52%.

Statistikat e botuara në fund të janarit 2021 tregojnë një rënie të përqindjes së popullsisë të përfshirë në përkufizimin e klasës së mesme në Zvicër
Klasa e mesme përfshin të gjithë që i përkasin një familje me të ardhura bruto prej 70% dhe 150% të mesatares, sipas një përkufizimi nga Zyra Federale e Statistikave të Zvicrës.

Në vitin 2018, familjet me një person me të ardhura bruto mujore midis 4,094 CHF dhe 8,773 CHF dhe familjet e dy të rriturve dhe dy fëmijëve me të ardhura mujore midis 8,597 CHF dhe 18,423 CHF u konsideruan si klasë e mesme. Ky grup përbënte 56.6% të popullsisë, përqindja më e ulët që kur filloi llogaritja në 1998, shkruajnë mediat zvicerane, përcjell albinfo.ch.

Që nga viti 1998, përqindja është zhvendosur lart e poshtë ndërmjet 61.3% (2009) dhe 56.6% (2018). Në vitin 2018, 23.6% kishin të ardhura nën pragun e klasës së mesme dhe 19.9% kishin të ardhura mbi.

Të ardhurat mesatare në një familje me një person të vetëm në 2018 në Zvicër ishin 5,849 CHF në muaj ose 70,188 CHF në vit. Kjo është rritur me 22% që nga viti 1998. E njëjta shifër në vitin 2018 për një familje me dy të rritur dhe dy fëmijë ishte 147,377 CHF.

Kosova një ditë më parë ka mbajtur zgjedhjet e parakohshme parlamentare, zgjedhje këto që u vlerësuan fer dhe demokratike.
Po ashtu, Policia e Kosovës vlerësoi se procesi zgjedhor ishte i qetë dhe pa incidente serioze.Komisioni Qendror i Zgjedhjeve tashmë ka procesuar nga 2,382 vendvotime 2,319 ose 97.36 për qind. Nga këto rezultate prin Lëvizja Vetëvendosje me 48.18 për qind të votave.Pas Vetëvendosjes, vjen Partia Demokratike e Kosovës me 17.32 për qind, pastaj Lidhja Demokratike e Kosovës me 13.19 për qind të votave.
Aleanca për Ardhmërinë e Kosovës ka marr 7.4 për qind të votave , Lista Serbe 5.27, ndërsa Nisma Socialdemokrate 2.59.Dalja në zgjedhjet parlamentare të 14 shkurtit ishte 45.56 për qind.
Ndërkaq, pas shpalljes së rezultateve preliminare, Albin Kurti nga LVV tha se u vërtetua se zgjedhjet ishin një referendum për drejtësi.I pari i partisë fituese tha se në mandatin e ardhshëm qeverisës nuk do të hakmerren ndaj askujt, por do të kërkojnë përgjegjësi dhe drejtësi kudo.Ndërkaq, Enver Hoxhaj nga PDK tha se rezultati është mesazh i qartë për PDK-në dhe se ata e kanë pranuar si të tillë.“Ne përgëzojmë LVV për rezultatin e arritur…Natyrisht PDK nuk do të jetë pjesë e qeverisjes me Vetëvendosjen pasi kemi dallim të madh në orientimet politike. Jemi shumë larg në orientimet politike dhe nuk bëjmë kompromis me vlerat që ka ndërtuar dhe qëndron PDK”, tha ai.Pas rezultateve preliminare ka reaguat edhe Isa Mustafa.Ai ka thënë se LDK e pranon rezultatin aktual dhe se në ditët në vijim kjo parti do të bëjë analizë më të detajuar.Për më shumë rreth rezultatit zgjedhor klikoni në linkun këtu.

Kryetari i Komunës së Drenasit, Ramiz Lladrovci, i cili vie nga radhët e PDK-së, ka folur për ecurinë e procesit zgjedhor parlamentar, mbajtur në këtë komunë të cilën ai e drejton.

Ai ka falënderuar qytetarët të cilët thotë se kanë treguar kulturë të lartë në këto zgjedhje parlamentare, njofton Klan Kosova.

Tutje ai ka mohuar se PDK ka pësuar ulje në këtë zonë, megjithatë pranoi se Vetëvendosje ka rritje, por sipas tij kjo vie nga subjektet tjera jo nga partia që ky përfaqëson.

Ndërkaq nëse i është thyer bastioni PDK-së, nga Vetëvendosje, Ramiz Lladrovci deklaroi se ndonëse kanë shkuar në zgjedhje pa prezencën e Hashim Thaçit dhe Kadri Veselit, e kanë ruajtur këtë pozicion.

Po ashtu Ramiz Lladrovci u pyet nëse forca e bëri fuqinë në këto zgjedhje? – ai u përgjigj se ”kemi thënë që në Drenas, gjithmonë do ta bëjë forca fuqinë”.

Me mot të ftohtë dhe me ngrica do të mbizotëroj gjatë javës së tretë të shkurtit në Kosovë.

Instituti Hidrometeorologjik i Kosovës (IHMK) njofton se parashihen edhe reshje bore, ndërsa të enjten pritet ngritje graduale në fushat termike në dy vlerat ekstreme. Temperaturat minimale gjatë këtyre ditëve do të lëvizin ndërmjet -11 gradë Celsius deri në -4 gradë Celsius. Kurse ato maksimalet parashihet të lëvizin ndërmjet -4 gradë deri +5 gradë Celsius.

“Java e tretë e muajit shkurt fillon me mot të ftohët dhe me vranësira të shpërndara. Deri të enjten do të ketë ngrica. Të mërkurën vende-vende parashihet të ketë reshje të dobëta bore. Nga dita e enjte priten ngritje graduale në fushat termike, në të dy vlerat ekstreme. Temperaturat minimale gjatë këtyre ditëve do të lëvizin ndërmjet -11 deri -4 gradë Celsius, ndërsa maksimalet e ditës parashihen të lëvizin ndërmjet -4 gradë deri +5 gradë Celsius. Do të fryjë erë kryesisht nga drejtimi i veriperëndimit me shpejtësi 1-7 m/s”, njofton IHMK.