Rrjeti i organizatave joqeveritare, Demokracia në Veprim (DnV) po vlerësojnë se zgjedhjet e parakohshme të 14 shkurtit janë organizuar në përputhje me standardet demokratike.E vetmja gjë, që i hedh hije këtij procesi në bazë të rezultateve preliminare, sipas Eugen Cakolli nga DnV është numri i madh i votave të komunitetit boshnjak dhe egjiptian në zona që demografia është në shpërputhje me votat e fituara.

“Zgjedhjet e parakohshme të 14 shkurtit janë organizuar dhe zhvilluar në përputhje me të gjitha standardet demokratike. Dita e zgjedhjeve ka kaluar mirë pa dëmtim të integritetit zgjedhor, por është shoqëruar me disa probleme që po përsëriten vazhdimisht. Bazuar në rezultatet preliminare humbja e disa subjekteve politike të komuniteteve jo shumicë dhe fitorja e disa tjerave hedh hije për këtë proces, pasi votat e fituara janë në shpërputhje me komunitetin demografik që është në ato zona”, tha ai.

Krahas kësaj, Cakolli tha se në këto zgjedhje ka pasur ndërhyrje të drejtpërdrejtë në punën e KQZ-së, ku përmendu deklaratat e ushtruese së detyrës së presidentit, Vjosa Osmani karshi kryesueses se këtij institucioni, Valdete Daka.

Ambasadori i Shteteve të Bashkuara të Amerikës në Kosovë, Philip Kosnett, është takuar sot me kreun e Lëvizjes Vetëvendosje, Albin Kurtin, pas fitores së këtij të fundit në zgjedhjet e së dielës.Gjatë këtij takimi, vëmendje ka marrë edhe maska të cilën e kishte vënë Kosnett.
Ai kishte vënë një maskë me flamurin e SHBA’së dhe Kosovës.

Pas takimit me Kurtin, Kosnett ka shkruar në Tëitter e ka uruar Kurtin për fitoren dhe ka kërkuar që të formohet qeveria dhe Kuvendi për të adresuar sfidat urgjente.“I gëzuar që u takova me Albin Kurtin për të uruar Lëvizjen Vetëvendosje në fitoren e saj dhe për të diskutuar hapat e Kosovës në të vazhdim. Nxisim palët të punojnë shpejt për të formuar një qeveri dhe kuvend për t’u shërbyer të gjithë qytetarëve dhe për t’i adresuar sfidat urgjente”, ka shkruar ai në Tëitter.

Kuvajti është shteti në të cilin Forca e Sigurisë së Kosovës do të shërbejë me mision paqeruajtës, përkrah ushtrisë amerikane.Komandanti i FSK-së, gjenerallejtënant Rrahman Rama ka konfirmuar për KosovaPress se marrëveshja është nënshkruar me shtetin e Kuvajtit dhe kontingjenti i Forcës do të nisë misionin në muajin mars të këtij viti, i cili pritet të zgjasë gjashtë muaj.

Rama tregon nëse do të ketë shtete të tjera partnere me të cilat FSK do të ndër veprojë përveç ushtrisë amerikane, e gjithashtu jep detaje për procedurat e përzgjedhjes së pjesëtarëve që do të shërbejnë në Kuvajt.

Iraku e Kuvajti ishin vendet në të cilat pritej të zbarkonte ushtria e re e Kosovës në mision e saj të parë paqeruajtës, por tashmë është konfirmuar se do të jetë ky i dyti ku një numër simbolik i pjesëtarëve të FSK-së do të shërbejnë.Njësitë e FSK-së do të jenë pjesë e misionit të Gardës Kombëtare të Iowa-s.

“Jemi tash në fazën teknike të procedurave, qofshin administrative dhe që në mars do të kemi një numër, sado simbolik që të jetë, që do jenë krah ushtrisë amerikane, do të jenë në një mision paqeruajtës në Kuvajt. Jemi në procedurat finale të kompletimit të dokumentacioneve të të gjithë pjesëtarëve tanë që do të jenë pjesë e këtij misioni”, thotë komandanti i FSK-së, Rrahman Rama.

Ai ka treguar se përzgjedhja bëhet me pajtueshmëri me vendin partner dhe ushtrinë amerikane dhe personeli që udhëton caktohet mbi bazën e nevojës dhe kërkesave të tyre.FSK ka mbajtur paraprakisht trajnime të përbashkëta dhe pjesëtarët e Forcës kanë kaluar kohë të gjatë me partnerët.
Pavarësisht rolit që kanë njësitë që do të marrin pjesë, nuk zbehet rëndësia dhe rrezikshmëria që ka një mision paqeruajtës.Komandanti i FSK-së thotë se ka garë të madhe të pjesëtarëve të Forcës që kanë shprehur interesimin për një shërbim të tillë.“Nuk ka ndonjë kriter të veçantë përveç personelit, qoftë oficerë apo nënoficerë, janë të edukuar në akademitë amerikane, që janë të ndërveprueshëm dhe nuk kemi pas problem në përzgjedhje, nganjëherë është problem të gjithë t’i përfshijmë se konkurrenca është e madhe dhe kush ka fat do të jenë pjesë, por është vetëm fillimi dhe ne do të kemi shumë aktivitete në të ardhmen, jo vetëm me ushtrinë amerikane”, thotë komandanti i FSK-së.Gjeneral Rama thotë se FSK ka dëshmuar kapacitetet në kërkim-shpëtim, deminim, mbrojtje kimike atomike biologjike dhe kapacitete të tjera me të cilat i është ofruar vendeve partnere për të bashkëpunuar.Ai pret që përveç misionit me ushtrinë amerikane, FSK të veprojë edhe përkrah ushtrive të tjera të botës në shërbime te tilla.“Janë këto problemet politike që ndërlidhen me vendet anëtare të NATO-s për mosnjohjen nga disa shtete që janë anëtare të NATO-s, por ne kemi ofertuar të te gjithë partnerët, ka shtete që kanë shprehur gatishmërinë por janë disa procedura që duhen në të ardhmen por çka mund të them, në një farë forme, ne po e thyejmë akullin, ne jemi të gatshëm, kemi kapacitete, qoftë këto aktuale por edhe të tjera, qoftë me staf por edhe me pajisje dhe qëllimi ynë është të jemi të ndërveprueshëm me partnerët dhe ne e kemi ndërtuar atë standard”, deklaroi gjeneral Rama.Shërbimi i FSK-së në mision paqeruajtës në botë po ndodh për herë të parë, e kjo po bëhet përkrah ushtrisë më të madhe në botë.Vendimi për këtë është marrë nga Kuvendi i Kosovës me 92 vota “për” dhe asnjë “kundër” në janar të këtij viti. Kësaj i ka paraprirë vendimi i Qeverisë së Kosovës për dërgimin e kontingjentit të FSK-së në misione paqeruajtëse me Gardën Kombëtare të Iowa-s, i marrë më 31 dhjetor 2020.

Komisioni Qendror i Zgjedhjeve(KQZ) ka filluar publikimin e formularëve të rezultateve të subjekteve politike dhe kandidatëve për zgjedhjet të parakohshme 14 shkurtit.Zëdhënësi i KQZ-së Valmir Elezi, tha se kjo po bëhet me qëllim të rritjes së transparencës dhe besueshmërisë në procesin zgjedhor.

“Komisioni Qendror i Zgjedhjeve ka filluar me publikimin e kopjeve të skanuara të formularëve të rezultateve për subjektet politike dhe kandidatët për zgjedhjet e parakohshme për Kuvendin e Republikës së Kosovës, të cilat u mbajtën të dielën.

Të gjithë të interesuarit do të mund të shohin rezultatet e subjekteve politike dhe kandidatëve për secilin vendvotim duke shfletuar kopjet e këtyre formularëve të cilët janë plotësuar në vendvotime nga Anëtarët e Këshillave të Vendvotimit, të dielën në mbrëmje pas numërimit të fletëvotimeve“, tha ai.

Sa i përket fillimit të numërimit të votave me postë, Elezi tha se ende nuk dihet kur do të fillojë pasi që së pari duhet të bëhet skanimi i listës së votuesve.“Ndonjë datë nuk kemi për faktin se po shohim për sa kohë do të na duhet që të bëjmë të gjitha këto procedura që janë këtu në QNR, por do të jemi këtu bashkë për t’iu njoftuar me ecurinë e procesit këtu në QNR“, tha ai.

Të martën, në Gjykatën Themelore në Prizren, Ronaldo Ramadani, shtetas i Republikës së Shqipërisë, është dënuar me 500 euro gjobë dhe me 6 muaj burgim me kusht, për dhënie të ryshfetit.

I akuzuari paraprakisht me avokatin e tij Bekim Kadolli, kishin arritur marrëveshje për pranimin e fajësisë me prokuroren Ervehe Gashi, raporton “Betimi për Drejtësi”.

Dënimi me kusht nuk do të ekzekutohet nëse i akuzuari në afatin prej 1 viti nuk kryen ndonjë tjetër vepër penale, ndërsa në dënimin me gjobë do t’i llogaritet edhe koha e kaluar në paraburgim nga data 27.01.2021, ku për çdo ditë të kaluar në paraburgin do t’i llogariten nga 20 euro.

Kryetarja e trupit gjykues Raima Elezi, po ashtu e njoftoi të akuzuarin që është i obliguar që në emër të puashallit gjyqësor të paguaj shumën prej 400 euro, ndërsa edhe 50 euro në emër të programit për kompensimin e viktimave të krimit.

Po ashtu, gjykata vendsoi që të bëhet edhe konfiskimi i dy kartmonedhave nga 20 euro, të cilat kanë qenë mjet i kryerjes së veprës penale dhe të akuzuarit t’i ndërprehet masa e paraburgimit.

Ndryshe sipas aktakuzës së Prokurorisë Themelore në Prizren, Ronaldo Ramadani, akuzohet se me 27.01.2021, rreth orës 22:40 minuta në mënyrë të drejtpërdrejtë i ofron personit zyrtar dhe atë oficeres Mirjeta Memaj, zyrtare policore prane PKK ne Vermicë shumën e të hollave prej dyzetë euro (2×20), si dhuratë të paarsyeshme, në mënyrë që personi zyrtar të mos vepoj në pajtim me detyrën e saj zyrtare në atë mënyrë që derisa e njëjta ka qenë duke bërë kontrollimin dhe regjistrimin e dokumenteve në kabinen nr 4 pranë PKK V?rmicë, ndalet për kontrollë automjeti të cilin ka qenë duke e drejtuar Arzan Dalipi , shtetas i Republikes së Shqipërisë ndersa si bashkëudhtar ka qenë këtu i pandehuri, i cili në dokumentet e tij kishte vendosur kartëmonedhat e cekura si më lartë.

Në pyetjen e zyrtares policore se çfarq janë këto të holla, ai i është përgjigjur “se janë për të pirë një kafe” , dhe këtë për arsye se kishte tentuar dy herë më heret për të kaluar kufirin por ishte kthyer nga zyrtaret policor pasi nuk posedonte karten e identitetit.

Me këto veprime Ronaldo Ramadani, auzohet se ka kryer veprën penale “Dhënie e ryshfetit”./BetimipërDrejtësi.

Në Gjykatën Speciale në Hagë ka filluar konferenca e radhës mbi ecurinë e çështjes në rastin e katër ish-krerëve të UÇK-së, Hashim Thaçi, Kadri Veseli, Jakup Krasniqi e Rexhep Selimi.

Fillimisht, gjykatësi Nicolas Guillou paraqiti agjendën e kësaj konference, ndërsa një prokurore e Zyrës së Prokrurit të Specializuar, tregoi të rejat e fundit lidhur me materialin akuzues dhe atë shfajësues, ndërsa foli edhe për dëshmitarët që do t’i përdorin gjatë gjykimit.“ZPS-ja vazhdon të përmbush rregullat e veta lidhur me materialin”, tha prokurorja. “Ne po përgatisim nxjerrjen e materialeve të tjera. Parashikojmë se nxjerrja e disa materialeve mund të kërkojë masa mbrojtëse”, shtoi ajo.

Prokurorja po ashtu foli edhe për dëshmitarët, shumë nga të cilët tha se do të përdoren gjatë gjykimit kundër ish-krerëve të UÇK-së.“Nuk është përfcaktuar nëse ne do t’i përdorim këta persona në gjyq. [..]

Parashikohet që shumica e madhe e këtyre dëshmitarëve do të përdoren në gjyq. Jemi në proces, dëshmitarët dhe procat e tyre do t’i bëjm të njohura kur të vijë koha”, tha ajo.Para kësaj konference, Zyra e Prokurorit të Specializuar, përmes një parashtrese drejtuar gjyqtarit të procedurës paraprake, Nicolas Guillou, ka kërkuar sërish që fillimi i gjykimit të jetë në shtator të vitit 2021

Stacioni policor në Gjakovë ka pranuar informatë se në varrezat e qytetit të Gjakovës që janë më lokacion në lagjen e Brekocit, në vendin ku janë të varrosur dëshmorët e luftës së fundit në Kosovë, janë gjetur mbetje mortore të një personi të pa identifikuar, e që ishte me veshje ushtarake dhe emblem të UÇK-së.

Patrulla policore ka dalë në vend të ngjarje, ka kontaktuar me dëshmitarin e rastit, e që është dhe punëtor i varrezave të qytetit, dhe njofton se derisa po hapte një gropë vorri ka hasur në mbetjet mortore në fjalë.Dyshohet se mbetjet mortore i përkasin një ushtari të UÇK-së deri tani të pa identifikuar, gjithashtu nuk dihet dhe nga kush është vorrosur aty.
Në vend ngjarje ka dalë njësia e hetimeve të stacionit policor – Gjakovë, ato Rajonale dhe pritet së shpejti të dali dhe Njësia qendrore e Hetimit të Krimeve të Luftës.

Ashtu siç ishte parashikuar, ka nisur këtë paradite fushata e vaksinimit të mjekëve, infermierëve dhe stafeve mbështetëse në Shkodër.

Në prani të kryeministrit Rama dhe ministres së Shëndetësisë, Ogerta Manastirliu, dozën e parë e ka marrë drejtori i spitalit Rajonal të Shkodrës, Ardian Dajti.

Janë 1000 mjekë dhe infermierë në Shkodër që pritet të marrin vaksinën anti-Covid, ‘Pfizer’. Procesi i vaksinimit po zhvillohet në ambientet e godinës së klubit sportiv Vllaznia.

Më pas, pritet që procesi i vaksinimit të nisë në Shtëpinë e të Moshuarve të këtij qyteti.

Ndërkohë, ditën e djeshme mbërriti në Rinas një sasi prej 7.020 doza me vaksina anti-Covid të kompanisë ‘Pfizer’.

Prej thuajse një muaji, fushata e vaksinimit ka nisur fillimisht në Tiranë, ku të parët e kanë marrë mjekët, infermierët dhe punonjësit shëndetësorë të spitaleve Covid.

Fushata e vaksinimit, pritet të zgjerohet ditën e sotme edhe në qytetin e Vlorës, ku të parët që do ta administrojnë, do të jenë personeli shëndetësor.